Echequié 38:12 - Tupanaarü Ore

¹² Rü guxü̃ma i ngẽma ngẽmaxü̃gü ya yima ĩanegüwa ngẽxmagüxü̃ rü tá chaugüxü̃́ chanade rü chayana. Rü tá naxca̱x íchayagoõchi ya yima ĩanegü ya ngexwaca yamexẽẽgüne i ngẽma duü̃xü̃gü ga noxri togü ga nachixü̃anegu woonexü̃ rü ñu̱xma wenaxarü nachixü̃aneca̱x woeguxü̃. Rü nümagü rü nüxü̃́ nangẽxma i muxü̃ma i wocagü rü ngẽmaxü̃gü, rü ñu̱xũchi nagu narüxĩnüe rü ñoma i naanearü ngãxü̃wa nixĩ i namaxẽxü̃’, ñacurügü.

Echequié 38:12 Referans Kwoze

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.

Echequié 29:19

Rü ngẽmaca̱x i choma rü cumaxã nüxü̃ chixu rü ñachagürü: “Choma rü tá Nabucudonochóme̱xẽwa chanangexmaxẽxẽ i Equítuane nax ngẽmaãcü napuxü̃güãxü̃ca̱x i Equítuanecüã̱xgüarü ngẽmaxü̃gü rü guxü̃ma i nüxü̃́ ngẽxmagüxü̃ nax ngẽmaãcü norü churaragüaxü̃́ naxütanüãxü̃ca̱x.

Ichaía 10:6

Rü choma tá nixĩ i Achíriaanearü ãẽ̱xgacüxü̃ chamuxü̃ nax duü̃xü̃gü i chixexü̃gu maxẽxü̃ca̱x rü wüxi i nachixü̃ane i choxü̃ nuẽẽxü̃ca̱x íyagoõchixü̃ca̱x nax nüxü̃́ nangĩ́xü̃ca̱x rü nüxna napuxü̃ãxü̃ca̱x i norü ngẽmaxü̃gü rü nagu napugüexü̃ca̱x ñoma ĩanearü namagüwa ngẽxmaxü̃ i ãcharaxü̃gu napugüexü̃rüxü̃.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Chacaría 1:17

Rü yema daxũcüã̱x rü ñanagürü ta choxü̃: —Rü ñaa tá nixĩ i to i ore i tá nüxü̃ quixuxü̃: “Rü nüma ya Cori ya Tupana ya Guxãétüwa Ngẽxmacü rü ñanagürü: ‘Choma rü tá wena nüxü̃ charüngü̃xẽxẽxü̃ ya yima chorü ĩanegü nax yamexü̃ca̱x rü mea iyaxĩxü̃ca̱x. Rü wena tá chanataãẽxẽxẽ ya Chióü̃. Rü wena tá chanaxunagü nax choxrü ĩane yixĩxü̃ ya Yerucharéü̃’ ” —ñanagürü.

Chacaría 1:12

Rü nüma ga yema Cori ya Tupanaarü duü̃xü̃ ga daxũcüã̱x rü ñanagürü: —Pa Corix, Pa Tupana ya Guxãétüwa Ngẽxmacüx, rü marü 70 ya taunecüwa nangu nax Yerucharéü̃maxã rü ngẽma togü i Yudáanearü ĩanegümaxã cunuxü̃. ¿Rü ñuxre ya taunecü taxuxü̃ nax wenaxarü cuxü̃́ nangechaü̃tümüxü̃güxü̃? —ñanagürü.

Amúx 1:8

Rü tá chayama̱x ya ĩane ya Adúxarü ãẽ̱xgacü, rü ngẽxgumarüxü̃ tá ta chayama̱x ya ĩane ya Acharóü̃arü ãẽ̱xgacü. Rü guxü̃ i chorü poramaxã tá ichayanaxoxẽxẽ ya yima Ecróü̃. Rü taxuxü̃táma i Firitéu íchayaxüxẽxẽ nax chanadaixü̃ —ñanagürü ya Cori ya Tupana.

Yeremía 30:16

Rü Tupana rü norü duü̃xü̃güxü̃ ñanagürü: —Guxü̃ma i ngẽma nachixü̃anegü i pexü̃ rüporamaegüxü̃ rü tá togü nüxü̃ narüporamaegü. Rü guxü̃ma i perü uanügü rü nüxí tá to i nachixü̃anewa nagagü. Rü ngẽma nachixü̃anegü ga perü yemaxü̃gü inaxü̃ rü tá nüxí to i nachixü̃ane nayana i norü ngẽmaxü̃gü. Rü ngẽma nachixü̃anegü ga naxca̱x ngĩ́xü̃ ga perü yemaxü̃gü rü tá nüxí to i nachixü̃ane naxca̱x nüxü̃́ nangĩ̱xgü i norü ngẽmaxü̃gü.

Ãẽ̱xgacügü ga guxchaxü̃güarü mexẽxẽruü̃gü 9:37

Natürü nüma ga Gaá rü ñanagürüama —¡Dücax, mea ínadawenü! Rü gua ma̱xpǘne ya Naaneã́xpetüna̱xãgu ãéganewa ínarüxĩgü i churaragü. Rü totücumü rü nagu naxĩ i ngẽma nama i nawa nadapetüxü̃ i ngẽma castaña i nawa nangutaque̱xexü̃ i ngẽma ẽxü̃guxü̃ cua̱xgüxü̃ —ñanagürü.