Echequié 38:11 - Tupanaarü Ore

¹¹ Rü cuma rü tá ñacurügü: ‘Naxca̱x tá íchayagoõchi i wüxi i nachixü̃ane i turaxü̃ i tama nüxü̃ cuáxü̃ nax nügü ínapoxü̃xü̃ rü ngẽma norü duü̃xü̃gü rü taãẽãcü imaxẽxü̃ rü nagu rüxĩnüexü̃ nax taxuxü̃táma i ta̱xacü nüxü̃́ ngupetüxü̃. Rü guxü̃nema ya yima norü ĩanegü rü nataxuma i norü poxeguxü̃gü rü nataxuma i norü ĩã̱xgü rü nataxuma i norü wãxtaruü̃gü.

Echequié 38:11 Referans Kwoze

Romanos 3:15

Rü ítamemare nax duü̃xẽxü̃ timáxü̃.

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.

Wiyaegü 10:9

Rü ñoma leóü̃ i naxmaxü̃wa naeü̃ca̱x idawenüxü̃rüxü̃ nügü nixĩxẽxẽ i ngẽma yatü i chixexü̃. Rü ngéma iyacúxü̃wa tüxü̃ nananguxẽxẽ ya yíxema turaxe nax ngẽmaãcü tüxü̃ yayaxuxü̃ca̱x. Rü ngẽxguma tüxü̃ yayaxu̱xgu rü marü taxucürüwama nüxna tiña.

Ãẽ̱xgacügü ga guxchaxü̃güarü mexẽxẽruü̃gü 18:7

Rü nüma ga yema 5 ga ngugütaeruü̃gü rü inaxĩãchi rü Láiwa naxĩ. Rü yema duü̃xü̃gü ga guma ĩanecüã̱xgü rü taxuxü̃ma ga ãũcümaxü̃gu narüxĩnüe yema Chidóü̃cüã̱xgürüxü̃. Rü ínataãxẽgü rü taxuxü̃ma i guxchaxü̃ nügümaxã ínaxüe Rü taxúema ítanachixewegü, rü taxúema nagu tidauxcüraxü̃gü. Rü taxuxü̃ma nüxü̃́ nataxu. Rü Chidóü̃cüã̱xgüarü yáxü̃wa nayexmagü. Rü tama to ga duü̃xü̃gümaxã naxãmücü.

Ínachoxü̃xü̃chiga 15:9

Rü ngẽma uanü rü norü ĩnüwa rü ñanagürü: “Nawe tá change ñu̱xmatáta nüxü̃ ichayangau. Rü ngẽxguma nüxü̃ ichayangauxgu rü tá chanayaxu i chorü tara rü chorü poramaxã tá chayama̱x. Rü nüxna tá chanapuxü̃ i guxü̃ma i norü ngẽmaxü̃gü i chanaxwa̱xexü̃. Rü tá ichayanu i ngẽma nüxna chapuxü̃xü̃”, ñaxü̃gu narüxĩnü.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.

Echequié 34:27

Rü ngẽma nanetügü i naanewa rüxügüxü̃ rü tá nixo. Rü ngẽma naanegü i nanetügü nagu natogüxü̃ rü muxü̃ma i nanetügüarü o tá nawa nabuxgü. Rü ngẽxguma norü uanügüme̱xẽwa íchanguxü̃xẽẽgu i chorü duü̃xü̃gü, rü tá nüxü̃ nicua̱xãchitanü nax choma chixĩxü̃ i norü Tupana.

Echequié 38:14

Rü ngẽmaca̱x, Pa Yatü, chauégagu Góxmaxã nüxü̃ ixu rü ñacurügü: “Cori ya Tupana rü ñanagürü: ‘Pa Góx, ngẽxguma chorü duü̃xü̃gü i Iraétanüxü̃ taãẽãcü tá imaxẽgu rü cuma rü tá icuxũãchi nax naxca̱x ícuyagoõchixü̃ca̱x.

Wenaxarü naxümatü ga Tupanaarü mugü 12:10

Natürü ngẽxguma marü pichoü̃gu i ngẽma natü i Yudáü̃ rü nawa pemaxẽgu i ngẽma naane i Cori ya Tupana tá pexna ãxü̃, rü nüma rü tá pexna nadau rü tá pexü̃ ínapoxü̃ naxme̱xwa i ngẽma perü uanügü i pexü̃ íchomaeguãchixü̃ rü taxuca̱xtama pemuü̃e rü pexoegaãẽgü.

Chacaría 2:8

Rü Tupana ya Guxãétüwa Ngẽxmacü nixĩ ya nua choxü̃ mucü nax nüxü̃ chixuxü̃ca̱x i norü ore nachiga i ngẽma nachixü̃anegü ga pexü̃ ígagüxü̃ perü yemaxü̃gümaxã. Rü Tupana rü ñanagürü: —Yíxema texé chorü duü̃xü̃güxü̃ dauxe, rü ñoma chauxetügu tarüxuxü̃rüxü̃ tixĩ. Rü ngẽmaca̱x i choma rü tá chanapoxcue i guxü̃ma i ngẽma nachixü̃anegü. Rü choma rü tá ngẽma norü mugüruü̃xü̃ chamu nax naxca̱x nangĩ̱xgüxü̃ca̱x i ngẽma nachixü̃anegüarü ngẽmaxü̃gü —ñanagürü ya Tupana. Rü ngẽmaãcü ya Tupana ya Guxãétüwa Ngẽxmacü rü tá inanawe̱x i norü pora. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.