Echequié 37:12 - Tupanaarü Ore

¹² Natürü i choma rü cuxü̃ chamu nax chauégagu namaxã quidexaxü̃ ¡rü ñacurügü tá nüxü̃! “Nüma ya Cori ya Tupana rü ñanagürü pexü̃: ‘Pa Chorü Duü̃xü̃gü i Iraétanüxü̃x, rü tá pexü̃ íchanguxü̃xẽxẽ nawa i ngẽma nachixü̃anegü i nagu pepoxcuexü̃, rü tá perü naaneca̱x pexü̃ chawoeguxẽxẽ.

Echequié 37:12 Referans Kwoze

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

1 Tesalonicenses 4:16

Erü nümatama ya Cori rü daxũwa tá ínarüxĩ, rü tá nüxü̃ taxĩnüe i wüxi i naga i daxũwa inaxũxü̃ i tüxü̃ muxü̃, rü naga i Tupanaarü orearü ngeruxü̃güarü ãẽ̱xgacü. Rü tá nüxü̃ taxĩnüe nax yacuexü̃ ya Tupanaarü cornéta. Rü ngẽxguma i ngẽma yuexü̃ i Cristuaxü̃́ yaxõgüxü̃ rü tá nüxíra ínarüdagü.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:13

Rü yema yuexü̃ ga márwa yexmagüxü̃ rü wenaxarü ínarüdagü. Rü yema yuexü̃ ga tauquewa yexmagüxü̃ rü wenaxarü ínarüdagü. Rü yemaacü ínarüdagü ga guxü̃ma ga duü̃xü̃gü ga yuexü̃. Rü guxü̃ma ga yema yuexü̃ rü nüxna nicachigü rü yexgumarüxü̃ ga ñuxãcü nax namaxẽxü̃ ga wüxichigü rü namaxã nüxü̃ nixu nax ngextá tá naxĩxü̃.

Ochéa 6:2

Rü ngẽmaãcü paxa tá inayanaxoxẽxẽ i ngẽma ngúxü̃ i ingegüxü̃ rü tá tüxü̃ ínarüdagüxẽxẽ nax mea nape̱xewa imaxẽxü̃ca̱x.

Echequié 37:25

Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.

Echequié 36:24

Rü choma, Pa Iraétanüxü̃x, rü tá pexü̃ íchagaxü̃ nawa i guxü̃ma i ngẽma nachixü̃anegü i nawa pengẽxmagüxü̃. Rü wüxiwa tá pexü̃ chagagü, rü ñu̱xũchi perü naaneca̱x tá pexü̃ chawoeguxẽxẽ.

Echequié 37:21

Rü ngẽmawena rü duü̃xü̃gümaxã nüxü̃ ixu i chorü ore i ñaxü̃: ‘Choma rü tá íchanagaxü̃ i ngẽma Iraétanüxü̃ nawa i ngẽma nachixü̃anegü ga nawa nagagüãxü̃. Rü wüxiwa tá chanagagü i ngẽma Iraétanüxü̃ i ñu̱xma guxü̃ma i nachixü̃anegu woonemarexü̃. Rü choma rü tá norü naanewa chanagagü.

Echequié 28:25

Rü ngẽmaca̱x i choma ya Cori ya Tupana rü ñacharügü: “Ngẽma Iraétanüxü̃ i togü i nachixü̃anegu woonexü̃ rü choma rü tá wüxiwa chanagagü. Rü ngẽma nachixü̃anegüpe̱xewa tá ichanawe̱x i chorü pora. Rü ngẽma Iraétanüxü̃ rü wena táxarü naxca̱x nawoegu ga yema naane ga chorü duü̃ ga Acóbuna chaxãxü̃. Rü ngẽmaãcü noxrütama naanewa tá nangẽxmagü.

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

1 Chamué 2:6

Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

Echequié 37:4

Rü yexguma ga nüma ga Cori ya Tupana rü ñanagürü choxü̃: —¡Chauégagu namaxã idexa ya daa naxchina̱xãgü! Rü ñacugürü tá nüxü̃: “Pa Naxchina̱xãgü ya Ipagünex ¡rü iperüxĩnüe i ñaa Cori ya Tupanaarü ore!

Echequié 37:13

Rü ngẽxguma choma ngẽmaãcü pexü̃ charüngü̃xẽẽgu nax ípenguxü̃xü̃ca̱x nawa i ngẽma nachixü̃anegü, rü pemax, Pa Chorü Duü̃xü̃güx, rü tá nüxü̃ picua̱xãchitanü nax choma yixĩxü̃ i perü Cori ya Tupana.

Danié 12:2

Rü guxü̃ma i marü yuexü̃ rü tá ínarüdagü. Rü nümaxü̃ rü maxü̃ i taguma gúxü̃ca̱x tá ínarüdagü, rü togü rü ãneca̱x rü poxcuca̱x tá ínarüdagü.

Chofonía 3:20

Rü ngẽma ngunexü̃gügu rü pechixü̃anegu tá pexü̃ changutaque̱xexẽxẽ. Rü ngẽma perü naanewa rü tá pexü̃ charüngü̃xẽxẽxü̃ nax wena mea pexü̃ nangupetüxü̃ca̱x. Rü ngẽmaãcü tá petachiga nape̱xewa i guxü̃ma i duü̃xü̃gü i ñoma i naanewa ngẽxmagüxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 11:11

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.

Joel 3:5

Pemax rü naxca̱x choxü̃́ pengĩ̱xgü ga chorü diẽrumü rü chorü úiru. Rü ñu̱xũchi perü tupananetapatagüwa penana ga yema chorü yemaxü̃gü.