Echequié 37:11 - Tupanaarü Ore

¹¹ Rü yexguma ga Cori ya Tupana rü ñanagürü choxü̃: —Ngẽma Iraétanüxü̃ rü daa naxchina̱xãgürüxü̃ nixĩgü. Rü nügümaxã ñanagürügü: “Rü yixemagü rü ñoma naxchina̱xãgü ya ipagünerüxü̃ tixĩgü erü nataxuma i tórü ngü̃xẽẽruxü̃, rü ngẽmaca̱x tagutáma wenaxarü tachixü̃aneca̱x tawoegu”, ñanagürügü.

Echequié 37:11 Referans Kwoze

Efesios 2:1

Rü ü̃pa ga pema rü perü chixexü̃gagu rü perü pecadugagu ñoma peyuexü̃rüxü̃ pixĩgü.

Echequié 39:25

Natürü i ñu̱xma i choma ya Cori ya Tupana rü nüxü̃ chixu rü ñachagürü: Ñu̱xma rü tá choxü̃́ naxãũxãchitümüxü̃gü i guxü̃ma i ngẽma Iraétanüxü̃ i Acóbutaagü ixĩgüxü̃. Rü ñu̱xma rü tá yáxna namaxã chaxĩnü nax ngẽmaãcü nüxü̃ yacua̱xüü̃güxü̃ca̱x i chauéga i üünexü̃.

Echequié 36:10

Rü choma rü tá chayamuxẽxẽ i ngẽma Iraétanüxü̃ i ngéma ãpatagüxü̃. Rü yima norü ĩanegü rü tá wenaxarü duü̃xü̃gümaxã nanapagü. Rü yima ĩanegü i ñu̱xma nachicagümare íyaxügüne rü tá wena nimexẽẽgü.

Yeremía 31:1

Rü nüma ya Cori ya Tupana rü ñanagürü: —Ngẽxguma ngẽma ngunexü̃wa nanguxgu rü choma rü guxü̃táma i Iraétanüxü̃arü Tupana tá chixĩ, rü nümagü rü tá chorü duü̃xü̃gü nixĩgü —ñanagürü.

Ichaía 49:14

Nüma i Chióü̃cüã̱xgü rü ñanagürügü: —Cori ya Tupana rü marü tüxna nixũgachi rü tüxü̃ ínawogü —ñanagürügü.

Ochéa 1:11

Rü ngẽma ngunexü̃gu rü ngẽma Yudáanecüã̱xgü rü Iraéanecüã̱xgü rü wüxitama i nachixü̃ane tá nixĩ, rü wüxi tátama nixĩ i norü ãẽ̱xgacü. Rü yíxema to i nachixü̃anewa tüxü̃ nagagüxe rü tá wena Yerucharéü̃ca̱x tawoegu. Rü ngẽma Yereéarü ngunexü̃gu rü taxü̃ i taãxẽ tá nangẽxma.

Yeremía 2:25

Pa Iraétanüxü̃, ¡taxṹ i pegü pengu̱xcutüxẽẽgüxü̃ nax ngearü chapatuãcüma ipexüãchixü̃ rü taxṹ i pegü pipaxmanaaxẽẽgüxü̃ nax ngẽma naxchicüna̱xãgüwe perüxĩxü̃ca̱x! Natürü ga pema rü ñaperügügüama: “Taxucürüwa nüxna tixĩgachi i ngẽma naxchicüna̱xãgü. Erü toma rü nüxü̃ tangechaxü̃ i ngẽma togü i nachixü̃anegüarü tupananetachicüna̱xãgü, rü ngẽmaca̱x nawe tarüxĩ”, ñaperügügü.

Wiyaegü 141:7

Rü yima naxchina̱xãgü i ngẽma chixexü̃ ügüxü̃ rü naxmaxü̃xü̃tagu tá nawoone ñoma mairaxü̃ i aixmüanexü̃ ngẽxma woonexü̃rüxü̃.

Romanos 11:26

Natürü ngẽmawena rü guxü̃táma i Iraétanüxü̃ rü tá ta nayaxõgü, rü tá nanayauxgü i maxü̃ i taguma gúxü̃. Erü Tupanaarü ore i ümatüxü̃wa rü ñanagürü: “Yimá Cristu ya ínanguxü̃xẽẽcü, rü Chióü̃wa tá ne naxũ. Rü nüma rü tá ngẽma Iraétanüxü̃güxü̃ chixexü̃wa ínanguxü̃xẽxẽ.

Echequié 37:19

Rü ngẽxguma i cuma ¡rü ñaãcü namaxã nüxü̃ ixu! “Cori ya Tupana rü ñanagürü: ‘Choma rü tá cho̱xme̱xmaxã chanayaxu ya yima naixmena̱xã ya nagu naxümatüne Efraíü̃ i Namaxã Icuáxü̃ i Yúchetanüxü̃ rü Guxü̃ma i Iraétanüxü̃ i Efraíü̃waama Ügüxü̃, rü tá wüxigu chananu namaxã ya yima naixmena̱xã ya nagu naxümatüne Yudátanüxü̃ rü Ngẽma Iraétanüxü̃ i Yudáwaama Ügüxü̃. Rü ngẽmaãcü wüxitama ya naixmena̱xã tá nixĩ i cho̱xme̱xwa ngẽxmane.

Echequié 37:16

—Pa Yatüx, ¡wüxi ya naixmena̱xã nayaxu, rü yimámena̱xãgu naxümatü Yudátanüxü̃ rü ngẽma Iraétanüxü̃ i Yudáwaama ügüxü̃! ¡Rü ngẽmawena rü nai ya naixmena̱xã nayaxu rü yimámena̱xãgu naxümatü: Efraíü̃ i Namaxã Icuáxü̃ i Yúchetanüxü̃ rü Guxü̃ma i Ngẽma Iraétanüxü̃ i Efraíü̃waama Ügüxü̃!

Auxexü̃chiga 3:54

Rü guxü̃ma ga chaxune rü dexáwa nangẽxma, rü nagu charüxĩnü nax marü tá chayuxü̃.

Ichaía 40:27

Pa Iraéanecüã̱xgüx, Pa Acóbutanüxü̃, ¿rü ta̱xacüca̱x pidexagüxü̃ rü ñaperügügüxü̃: —Cori ya Tupana rü tama nüxü̃ nacua̱x nax ta̱xacü choxü̃ üpetüxü̃. Rü nüma ya Tupana rü tama chaugu narüxĩnü —ñaperügügüxü̃?

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Wiyaegü 88:5

Rü nua yuexü̃tanüwa choxü̃ nata̱xgü. Rü choma rü ñoma duü̃xü̃ i daigu yuxü̃ rü itáxü̃rüxü̃ chixĩ. Rü ñoma wüxi i duü̃xü̃ i nüxü̃ cuxoxü̃ rü nüxü̃ icurüngümaxü̃rüxü̃ chixĩ.

Wiyaegü 88:16

Rü ngẽma curü nu i ãũcümaxü̃ rü marü chauétüwa nangu rü choxü̃ narüporamae.

Yeremía 32:43

Rü woo cuma ñu̱xma nüxü̃ quixu nax wüxi i chianexü̃ tá yixĩxü̃ i ñaa naane, rü tá nataxuma i duü̃xü̃gü rü naeü̃gü, rü Cadéugüme̱xẽgu tá nangu i ñaa naane, natürü ngẽma Iraétanüxü̃ rü wenaxarü tá nügüxü̃tawa naxca̱x nataxegü i naanegü.

Auxexü̃chiga 3:18

Rü ngẽmagagu marü düxwa nagu charüxĩnü nax nüma ya Cori rü taxũtáma choxü̃ nangü̃xẽẽxü̃.

Echequié 33:10

Rü ñanagürü ta: —Cuma Pa Yatüx, ¡rü Iraétanüxü̃maxã nüxü̃ ixu i chorü ore i ñaxü̃! “Pema rü ñaperügü: ‘Torü chixexü̃gü rü torü pecadugü rü toxü̃́ naya. Rü ngẽmaca̱x nachixe i torü maxü̃. ¿Rü ñuxãcü tá tanamexẽxẽ i torü maxü̃?’ ”

Yox 17:15

¿Rü ngextá tá nixĩ i nüxü̃ ichayangauxü̃ i wüxi i chorü ngu̱xẽxẽ? ¿Rü texé tá naxca̱x tadau i wüxi i mexü̃ i cha̱u̱xca̱x ixĩxü̃?

Wiyaegü 31:23

Pa Guxãma i Pema i Cori ya Tupanaaxü̃́ Yaxõgüxex ¡rü nüxü̃ pengechaxü̃güx! Erü nüma ya Cori rü tüxna nadau ya yíxema naga ĩnüexe. Natürü ngẽma tama naga ĩnüexü̃ rü tá napoxcue namaxã i ngẽma poxcu i nüxna üxü̃.