Echequié 36:9 - Tupanaarü Ore

⁹ Rü choma ya Cori ya Tupana rü tá pexna chadau, Pa Ma̱xpǘnegüx, erü chorü duü̃xü̃gü rü tá wena pegu nixüanegü rü pegu nitoegü.

Echequié 36:9 Referans Kwoze

Wiyaegü 46:11

Rü Cori ya Tupana ya Guxãétüwa Ngẽxmacü rü tatanüwa nangẽxma. Rü nümatama i Acóbuarü Tupana nixĩ i tórü poxü̃ruxü̃ yixĩxü̃.

Echequié 36:34

Rü ngẽma peanegü i ñu̱xma taxuxü̃ma i nanetü nawa rüxügüxü̃, rü pema rü tá wena nagu petoegü. Rü penetügü rü tá narüxügü rü guxü̃ma i duü̃xü̃gü i ngéma chopetüxü̃ rü tá nüxü̃ nadaugü.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Chacaría 8:12

Erü petanüwa rü tá nangẽxma i meãxẽ. Rü ngẽma perü úbanecü rü tá meama nixo. Rü dauxü̃guxü̃ i naanewa tá narüngu ya pucü nax ngẽmaãcü i penetügü i peanewa ipetogüxü̃ namuarü oṍxü̃ca̱x. Rü ngẽma duü̃xü̃gü i daa ĩanewa íyaxügüxü̃na tá chanaxã i guxü̃ma i ngẽma nax noxrü yixĩxü̃ca̱x.

Joel 3:18

Rü ngẽma ngunexü̃gu rü yima ma̱xpǘnegüwa tá nangẽxma ya tacü ya bínu rü lechi ñoma dexárüxü̃. Rü Yudáanearü natügüwa rü tá nata i norü dexá. Rü yima chopata ya taxü̃newa rü tá nichuxchu i wüxi i dexá i tá Chitíü̃arü doxonexü̃wa yawaianexẽẽxü̃.

Wiyaegü 99:8

Rü cumax, Pa Cori Pa Torü Tupanax, rü cunangãxü̃güxü̃. Rü cuma rü yema torü o̱xigüxü̃ cupoxcue ga yexguma chixexü̃ naxügügu, natürü nüxü̃́ nüxü̃ icurüngüma ga norü chixexü̃ ga yexguma Moiché rü Aróü̃ naétüwa chogügügu.

Lebítanüxü̃arü puracüchiga 26:9

Rü choma rü tá peétüwa chaxü rü tá pexü̃ charüngü̃xẽxẽ. Rü tá pexü̃ chimuxẽxẽ. Rü tá pemaxã chayanguxẽxẽ i ngẽma uneta ga pemaxã chaxueguxü̃.

Yeremía 31:27

Rü nüma ga Cori ya Tupana rü ñanagürü: —Tá ínangu i ngunexü̃ i nagu tá chayamuxẽxẽxü̃ i duü̃xü̃gü rü naeü̃gü nax Yudáanewa rü Iraéanewa namuxü̃ca̱x.

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Echequié 34:14

Rü yima rümemaecü ya maxẽwa tá chanagagü nax yimawa nachibüexü̃ca̱x i Iraéanearü máxpü̱xanexü̃wa. Rü ngẽxma tá narüngü̃gü rü yima rümemaecü ya maxẽ tá nanangõ̱xgü.