Echequié 36:8 - Tupanaarü Ore

⁸ Natürü i pema, Pa Iraéanearü Ma̱xpǘnegüx, rü pewa tá narüxügü i muxü̃ma i nanetügü i taxü̃ i muarü oṍxü̃ naxca̱x i chorü duü̃xü̃gü i Iraétanüxü̃ i paxa tá pexca̱x woeguxü̃.

Echequié 36:8 Referans Kwoze

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Popera ga Yudíugü ga yaxõgüxü̃ca̱x ümatüxü̃ 10:37

Erü Tupanaarü ore i ümatüxü̃wa rü ñanagürü: “Paxa tá wena núma naxũ ya Cristu. Rü taxũtáma nũxcü ínangu.

Filipenses 4:5

Rü chanaxwa̱xe i mea pemaxẽ nax guxü̃ma i duü̃xü̃gü pexü̃ nacua̱xgüxü̃ca̱x nax aixcüma mexü̃ i duü̃xü̃gü pixĩgüxü̃. ¡Rü nüxna pecua̱xãchie nax tórü Cori rü paxa tá nataeguxü̃ nax núma naxũxü̃!

Echequié 17:23

Rü yimá Iraéanewa ngẽxmane ya ma̱xpǘne ya rümáchanemaenewa tá narüxü rü tá namuchacüxü, rü tá namuarü oõ̱x, rü wüxi ya ocayiwa ya baxcane tá nixĩ. Rü naguxü̃raü̃xü̃ i naeü̃gü rü tá natüxü̃wa namaxẽ, rü ñu̱xũchi naguxü̃raü̃xü̃ i werigü tá natanütüxü̃gu nixüachiaxü̃.

Echequié 12:25

Erü choma i Cori ya Tupana rü tá chidexa, rü ngẽma nüxü̃ chixuxü̃ rü paxatáma ningu. Rü pema, Pa Duü̃xü̃gü i Tama Chauga Ĩnuexü̃x, rü aixcüma tá nüxü̃ pedaugü. Choma rü tá chidexa, rü tá chayanguxẽxẽ i ngẽma nüxü̃ chixuxü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Ichaía 30:23

Rü nüma ya Cori ya Tupana rü tá pucü ínanguxẽxẽ naxca̱x i naxchire i cuanegu cutogüxü̃. Rü ngẽma cuanewa rü muxü̃tama i trigu i baxcaxü̃ tá nawa narüxügü. Rü ngẽma curü wocagü rü ngẽma ngunexü̃gu rü taanexü̃wa tá nachibüe

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

Wiyaegü 85:12

Rü nümatama ya Cori ya Tupana rü tá pucü ínananguxẽxẽ rü ngẽma tórü naanewa rü tá mea narüxügü i tanetügü.

Wiyaegü 67:6

Rü ngẽma waixü̃müwa tá mea nayae i tonetügü rü tá namu i norü o. Erü tórü Tupana rü tá tüxü̃ narüngü̃xẽxẽ.

Echequié 36:7

Rü ngẽmaca̱x i choma ya Cori ya Tupana rü namaxã chanaxuegu i ngẽma nachixü̃anegü i pexna ngaixcamagüxü̃ rü choma rü tá poraãcü chanaxãnexẽxẽ.

Ichaía 65:9

Rü ngẽma Acóbutaagü rü tá chayamuxẽxẽ. Rü tá chayamuxẽxẽ i Yudátanüxü̃ nax ma̱xpǘneanewa namaxẽxü̃ca̱x. Rü ngẽma duü̃xü̃gü i nüxü̃ chaxunetaxü̃na tá nixĩ i chanaxãxü̃ i ngẽma naane, rü ngéma tá namaxẽ i chorü duü̃xü̃gü.

Joel 2:22

¡Rü taxṹ i pemuü̃exü̃ Pa Naeü̃güx! Erü ngẽma pebüchitaxü̃ rü tá wena narüxügü rü nabaxca. Rü ngẽma nanetügü i ori̱xgü rü tá nixo. Rü tá namuxũchi i igunecü rü úbagü.

Joel 2:24

Rü ngẽmaãcü tá mea pexü̃́ nixo i trigu rü poraãcü tá nata ya perü bínu rü chíxü̃.