Echequié 36:5 - Tupanaarü Ore

⁵ Erü Cori ya Tupana rü ñanagürü: Choma rü chorü numaxã chidexa ga yexguma poxcu namaxã chaxueguxgu ga yema togü ga nachixü̃anegü. Rü yexera yema Edóü̃chixü̃aneca̱x nixĩ i ngẽma poxcu yerü taãẽãcüma nügüaxü̃́ nanayauxgü ga chorü naane rü ñu̱xũchi chorü duü̃xü̃gü ga Iraétanüxü̃xü̃ nacugüeãcüma norü naanegüwa nayabuxgü ga nanetügüarü o rü nayagagü ga naxü̃nagü’ ” —ñanagürü.

Echequié 36:5 Referans Kwoze

Miquéa 7:8

Pa Chorü Uanüx ¡taxṹ i cutaãxẽxü̃ nax guxchaxü̃ choxü̃ ngupetüxü̃! Erü woo ichayanguxgu, natürü wena táxarü ícharüdaama. Rü woo ẽanexü̃wa changexmagu i ñu̱xmax, rü nümatama ya Cori ya Tupana rü chorü omü nixĩ.

Echequié 36:3

¡Rü ñu̱xma rü chauégagu namaxã idexa rü ñanagürü nüxü̃!: ‘Cori ya Tupana rü ñanagürü: Ñu̱xma rü guxü̃ i nachixü̃anewa ne ĩxü̃ i duü̃xü̃gü rü pexca̱x ínayachoõchi nax yadaiãxü̃ca̱x i perü duü̃xü̃gü. Rü guxü̃ma i ngẽma togü i nachixü̃anegüarü duü̃xü̃gü rü noxrüxü̃ pexü̃ nixĩgüxẽxẽ. Rü pexü̃ nacugüe rü pegu nidauxcüraxü̃gü.

Chacaría 1:15

Rü yexguma ñuxre ga taunecü namaxã chanuxgu ga chorü ĩane rü poxcu namaxã chaxuegu ga yema Yerucharéü̃cüã̱xgü. Natürü yema togü ga nachixü̃anegücüã̱x ga yéma chamugüxü̃ rü nanangupetüxẽxẽ ga yema poxcu ga Yerucharéü̃maxã chaxueguxü̃. Rü ngẽmaca̱x poraãcü namaxã chanu i ngẽma togü i nachixü̃anegü i nügü írüporaexü̃ rü taxuguma rüxĩnüexü̃.

Echequié 38:19

Rü chauégagu nüxü̃ chixu rü ngẽma ngunexü̃gu rü chorü numaxã tá nangẽxma i wüxi i taxü̃ i ĩã̱xãchiane i Iraéanewa.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Wiyaegü 137:7

Pa Cori Pa Tupanax ¡taxṹ i cunangupetüxẽxẽmarexü̃ nax cupoxcuexü̃ i ngẽma Edóü̃tanüxü̃ ga Babiróniacüã̱xgüxü̃ muxü̃ nax noxtacüma iyanaxoxü̃ca̱x ga torü ĩane ga Yerucharéü̃!

Wenaxarü naxümatü ga Tupanaarü mugü 4:24

Erü yimá Cori ya perü Tupana rü Tupana ya pexü̃ inuxü̃cü nixĩ. Rü nüma rü ñoma wüxi i üxüema i guxü̃ma iyarüxoxẽẽxü̃rüxü̃ nixĩ.

Chofonía 3:8

¡Rü ngẽmaca̱x choxü̃ ípeyangu̱xẽxẽ ñu̱xmata nawa nangu i ngẽma ngunexü̃ i nagu tá pexna naxca̱x chaca̱xü̃ i perü chixexü̃gü! Rü choma ya Cori ya Tupana rü ñachagürü: “Wüxigu tá chanangutaque̱xexẽxẽ i guxü̃ma i nachixü̃anecüã̱xgü rü guxü̃ma i ãẽ̱xgacügü nax chanapoxcuexü̃ca̱x naxca̱x i ngẽma chixexü̃ i naxügüxü̃. Rü guxü̃táma i ñoma i naane rü tá inayarüxo rü ngẽma chorü üxüema tá nayagu”, ñachagürü.

Abdía 1:12

Rü yema ngunexü̃ ga guxchaxü̃ nüxü̃ ngupetüxü̃gu ga peenexẽgü ga Acóbutanüxü̃, rü pemax, Pa Echaútanüxü̃, rü taxũchima name ga namaxã petaãẽgüama ga yema nüxü̃ ngupetüxü̃. Rü yema ngunexü̃ ga guxchaxü̃wa nagu nayexmagüxü̃gu ga Yudáanecüã̱xgü, rü taxũchima name ga pemax petaãẽgüama namaxã ga yema nüxü̃ ngupetüxü̃. Rü yexguma ngúxü̃wa nayexmagügu rü pema rü taxũchima name ga nüxü̃ pecugüeama.

Auxexü̃chiga 4:21

Pa Edóü̃anearü Ĩane ya Taxü̃nex, rü cuma i Úxanewa cungexmaxü̃ rü ñu̱xma toxü̃ cucugü. Natürü cuxca̱x rü tá ta ínangu i ngẽma guxchaxü̃ i ñu̱xma tingegüxü̃. Rü ngẽmagagu rü ñoma wüxi i duü̃xü̃ i ngãxü̃xü̃ rü ngexchiruxü̃rüxü̃ tá quixĩ.

Yeremía 50:11

Rü pema, Pa Cadéugüx, rü yexguma chorü duü̃xü̃güarü yemaxü̃gü pinaxgu rü poraãcü petaãẽgü. Rü ñoma wocaxacü i mecü ya maxẽnecüwa yuxnagüxü̃rüxü̃ petaãẽgü. Rü ñoma cowarugürüxü̃ petagagü.

Yeremía 49:1

Ñaa nixĩ i Cori ya Tupanaarü ore i Amóü̃chiga. Rü yema Gáxarü naane, rü Iraétanüxü̃arüchire̱x nixĩ, natürü yema Iraétanüxü̃ rü tama chauga naxĩnüe. Rü ngẽmaca̱x i ngẽma naane rü ñu̱xma naxme̱xwa nangẽxma i ngẽma Amóü̃tanüxü̃ i tupananeta i Milcóü̃xü̃ icua̱xüü̃güxü̃.

Ucu̱xẽgüchiga 17:5

Texé ya yíxema ngearü diẽruã́xẽxü̃ cugüxe, rü chixexü̃ taxü nape̱xewa ya Tupana ya ngearü diẽruã́xẽxü̃ ngo̱xẽẽcü, rü tá tapoxcu ya yíxema taãẽxe i ngẽxguma guxchaxü̃ tüxü̃ üpetügu ya yíxema ngearü diẽruã́xẽ.

Ore i mexü̃ ga Márcu ümatüxü̃ 3:8

Rü yexguma nüxü̃ nacuáchigagügu ga guxü̃ma ga yema mexü̃gü ga naxüxü̃ ga Ngechuchu, rü naxca̱x naxĩtaque̱xe ga muxü̃ma ga duü̃xü̃gü ga Yudéaanecüã̱x, rü Yerucharéü̃cüã̱x, rü Iduméaanecüã̱x, rü Yudáü̃arü tocutücüã̱x rü Tíruanecüã̱x rü Chidóü̃anecüã̱x.

Wiyaegü 79:5

Pa Cori Pa Tupanax ¿rü ñuxguxüratáta i nüxü̃ curüchauxü̃ nax tomaxã cunuxü̃? ¿Rü ẽ̱xna guxü̃gutáma ñoma wüxi ya üxürüxü̃ niyauraecha i ngẽma curü nu?

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Echequié 36:6

—Rü ngẽmaca̱x, Pa Yatüx, ¡chauégagu Iraéanemaxã idexa rü ñanagürü nüxü̃!: “Cori ya Tupana rü ñanagürü pexü̃, Pa Ma̱xpǘnegü, rü Pa Máxpü̱xanexü̃gü, rü Pa Natügü rü Pa Doxonexü̃güx: ‘Choma rü poraãcüma namaxã chanu i ngẽma togü i nachixü̃anegü i pexna ngaicamagüxü̃ i pegu idauxcüraxü̃xü̃ rü pexü̃ cugüexü̃.

Yeremía 12:14

Rü Cori ya Tupana rü ñanagürü: —Rü ngẽma togü i nachixü̃anecüã̱xgü i chixecümaxü̃ i Iraéanena ngaicamagüxü̃ rü marü nanachixexẽxẽ i ngẽma naane i Iraétanüxü̃na chaxãxü̃ nax guxü̃guma norü yixĩxü̃ca̱x. Rü choma rü norü naanewa tá íchanawoxü̃ i ngẽma togü i nachixü̃anegüarü duü̃xü̃gü i chixecümaxü̃. Rü ngẽma nachixü̃ane i nawa Yudáanecüã̱xgüxü̃ nagagüxü̃, rü choma rü tá ngẽma nachixü̃anewa íchanagaxü̃ i ngẽma Yudáanecüã̱xgü nax norü naaneca̱x nawoeguxü̃ca̱x.

Chacaría 1:14

Rü yexguma ga nüma ga daxũcüã̱x rü choxü̃ namu nax guxü̃ma i duü̃xü̃gümaxã nüxü̃ chixuxü̃ca̱x i norü ore ya Cori ya Tupana ya Guxãétüwa Ngẽxmacü rü ñanagürü: —Choma rü nüxü̃ changechaxü̃xü̃chi ya Yerucharéü̃ rü yima ma̱xpǘne ya Chióü̃.