Echequié 36:11 - Tupanaarü Ore

¹¹ Pa Ma̱xpǘnegüx, choma rü tá pewa chayamuxẽxẽ i duü̃xü̃gü rü naxü̃nagü. Rü tá poraãcü nügü nimuxẽxẽ. Rü ngẽmaãcü noxrirüxü̃ tá namuxũchi i duü̃xü̃gü i Iraéanewa, rü ü̃paarü yexera tá mexü̃wa nangẽxmagü. Rü ngẽxguma ngẽma chaxüxgu rü tá nüxü̃ nicua̱xãchitanü nax choma yixĩxü̃ i Cori ya Tupana.

Echequié 36:11 Referans Kwoze

Yeremía 33:12

Rü nüma ya Cori ya Tupana ya Guxãétüwa Ngẽxmacü rü ñanagürü: —Ñaa nachixü̃ane i ñu̱xma rü wüxi i chianexü̃ nixĩ rü nawa nataxuma i duü̃xü̃gü rü naeü̃gü. Natürü yixcüra rü guxü̃ma ya norü ĩanegüwa rü tá nangẽxmagü i maxẽchitaxü̃gü i ngexta ngẽma carnérugüarü dauruü̃gü nawa nagagüxü̃ i norü carnérugü nax ngẽxma nangü̃exü̃ca̱x.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!

Echequié 37:13

Rü ngẽxguma choma ngẽmaãcü pexü̃ charüngü̃xẽẽgu nax ípenguxü̃xü̃ca̱x nawa i ngẽma nachixü̃anegü, rü pemax, Pa Chorü Duü̃xü̃güx, rü tá nüxü̃ picua̱xãchitanü nax choma yixĩxü̃ i perü Cori ya Tupana.

Yeremía 31:27

Rü nüma ga Cori ya Tupana rü ñanagürü: —Tá ínangu i ngunexü̃ i nagu tá chayamuxẽxẽxü̃ i duü̃xü̃gü rü naeü̃gü nax Yudáanewa rü Iraéanewa namuxü̃ca̱x.

Ochéa 2:20

Rü chorü duü̃xü̃güxüchi tá pexü̃ chixĩgüxẽxẽ, rü tagutáma pexü̃ íchawogü. Rü ngẽxguma i pema rü tá choxü̃ pecua̱x nax perü Tupana chixĩxü̃.

Echequié 16:55

Rü ngẽxguma wena ü̃parüxü̃ namexgu ya Chodóma rü Chamária rü norü ĩanexacügü, rü ngẽxgumarüxü̃ tá ta i cuma rü curü ĩanexacügü rü wena ü̃parüxü̃ cume, Pa Yerucharéü̃x.

Yeremía 30:18

Rü Cori ya Tupana rü ñanagürü: —Choma rü tá nüxü̃ charüngü̃xẽẽxü̃ i guxü̃ma i Acóbutanüxü̃. Rü tá choxü̃́ nangechaxü̃tümüxü̃ i ngẽma nachixü̃ane. Rü yima norü ĩanegü i ñu̱xma nachitaxü̃xica íyaxügüne rü tá wena nachicawa tátama nimexẽẽgü. Rü yima ãẽ̱xgacüpatagü rü tá nachicagüwa tátama nimexẽẽgü.

Yox 42:12

Rü Tupana rü poraãcü noxriarü yexera Yoxü̃ narüngü̃xẽxẽ ga yexguma marü naya̱xgu. Rü yexguma rü 14,000 wa nangu ga norü carnérugü, rü 6,000 wa ga norü caméyugü, rü 1,000 chimüxü̃wa ga norü wocagü ga puracüruxü̃ ixĩgüxü̃, rü 1,000 wa ga norü búru ga ingexü̃.

Popera ga Yudíugü ga yaxõgüxü̃ca̱x ümatüxü̃ 11:40

Rü yemaacü namaxã nangupetü ga yema duü̃xü̃gü, yerü ga Tupana rü tagu narüxĩnü rü tama nanaxwa̱xe nax yema nũxcümaü̃güxü̃ ga duü̃xü̃güxíra nüxica yamexẽẽgüãxü̃, natürü nanaxwa̱xe nax tamaxã wüxigu yamexẽẽgüãxü̃. Rü yemaacü ga Tupana rü taxca̱x nanamexẽxẽ ga wüxi ga ngü̃xẽxẽ ga yexera rümemaexü̃.

Amúx 9:15

Rü norü naanewa tá chanangexmagüxẽxẽ i ngẽma Iraétanüxü̃, rü tagutáma texé nawa ítanawoxü̃ i ngẽma norü naane i choma nüxna chaxãxü̃. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Echequié 36:35

Rü ngẽxguma i ngẽma duü̃xü̃gü rü tá ñanagürügü: “Ngẽma naane ga taxuxü̃ma i ta̱xacü nawa rüxügüxü̃ rü ñu̱xma rü ñoma Edéü̃arü naanerüxü̃ nixĩ. Rü guma ĩanegü ga nagu napogüegüne rü ñu̱xma rü ínipoxegugü rü duü̃xü̃gü rü nawa namaxẽ.

Ichaía 30:26

Rü nüma ya Cori ya Tupana rü tá norü duü̃xü̃güarü o̱xrigü nixüxü̃gü rü ñu̱xũchi nüxü̃ nayana̱i̱xgü. Rü yimá tauemacü rü ñoma üa̱xcürüxü̃ tá poraãcü inabaxi. Rü ngẽma üa̱xcüema rü 7 e̱xpü̱xcüna tá yexera nanaiemaxüchi, ñoma 7 ya üa̱xcü nügüxü̃tawa ibáxixü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 5:20

Rü nüxü̃ tacua̱x ta nax ñoma ga naanewa nanguxü̃ ga Tupana Nane. Rü nüma nixĩ i tüxna naxããxü̃ ga cua̱x nax nüxü̃ icua̱xgüxü̃ca̱x ya yimá aixcüma Tupana ixĩcü. Rü yixema rü norü duü̃xü̃gü tixĩgü ya yimá aixcüma Tupana ixĩcü, erü Nane ya Ngechuchu ya Cristuarü duü̃xü̃gü tixĩgü. Rü nüma ya Tupana Nane nixĩ i aixcüma Tupana ixĩcü, rü nüma nixĩ i tüxna naxããxü̃ i maxü̃ i taguma gúxü̃.

Echequié 35:9

Rü ngẽma curü naane rü guxü̃gutáma nachica i chianexü̃xü̃ chayanguxuchixẽxẽ. Rü curü ĩanegüwa rü taxuxü̃táma i duü̃xü̃ nagu naxãpata. Rü ngẽxguma tá nixĩ i nüxü̃ picua̱xãchitanüxü̃ nax choma yixĩxü̃ ya Cori ya Tupana’.

Echequié 37:6

Rü wena tá chanaxüxẽxẽ i perü tarumagü, rü tá pexü̃ chaxümachi, rü tá pexü̃ chaxüxcha̱xmüxü̃, rü tá pexna chanaxã i perü ngü̃ãcüxü nax wena pemaxẽxü̃ca̱x. Rü ngẽxguma i pema rü tá nüxü̃ picua̱xãchie nax choma chixĩxü̃ ya Cori ya Tupana’ ” —ñanagürü.

Ichaía 51:3

Rü woo guxchawa nangẽxma ya Chióü̃ rü choma rü tá chanataãẽxẽxẽ i norü duü̃xü̃gü. Rü yima ĩane ya ñu̱xma chixene rü ĩane ya mexẽchine tá chayanguxuchixẽxẽ. Rü yema ori̱xnecü ga Edéü̃gu chatogüxü̃rüxü̃ tá namexẽchi. Rü yima ĩanewa tá nangẽxma i taãxẽ rü norü duü̃xü̃gü rü tá taãẽãcü napaetagü rü norü wiyaegümaxã tá choxü̃ nicua̱xüü̃gü —ñanagürü.

Echequié 37:26

Rü ngẽma chorü duü̃xü̃gümaxã tá ichaxuneta nax ngẽmaãcü aixcüma nataãẽgüxü̃ca̱x. Rü ngẽma chorü uneta rü tagutáma inayacua̱x. Rü choma rü tá nüxü̃ charüngü̃xẽxẽxü̃ nax yamuxü̃ca̱x. Rü natanüwa tá chanangexmaxẽxẽ ya chopata ya üünene nax guxü̃gutáma ngéma nangẽxmaechaxü̃ca̱x.

Chacaría 10:8

Rü choma rü tá naxca̱x changema rü wüxiwa tá chanagagü, yerü choma nixĩ ga íchananguxü̃xẽẽxü̃. Rü nümagü rü wena tá nimu noxrirüxü̃.

Wenaxarü naxümatü ga Tupanaarü mugü 30:5

Rü nüma ya Cori rü tá wena pexü̃ nawoeguxẽxẽ naxca̱x i ngẽma naane ga perü o̱xigü nawa yexmagüxü̃. Rü pema rü tá wena nawa pengẽxmagü rü nüma ya Tupana rü tá pexü̃ narüngü̃xẽxẽ, rü tá pexü̃ nimuxẽxẽ perü o̱xigüarü yexera.

Yeremía 23:3

Rü chomatátama chayagagü i ngẽma chorü duü̃xü̃gü ga togü ga nachixü̃anegügu chawoonexü̃. Rü tá chanaxĩtaque̱xexẽxẽ nax wena nachixü̃aneca̱x nawoeguxü̃ca̱x, rü ngẽmaãcü ngéma yamuxü̃ca̱x.

Yeremía 23:4

Rü natanügu tá chanamugü i ãẽ̱xgacügü i aixcüma mea nüxna dauxü̃ nax ngẽmaãcü taxuca̱xma namuü̃exü̃ca̱x, rü taxuxü̃ma iyarütaxuxü̃ca̱x. Rü chomatama ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 2:1

Rü ngẽma ngunexü̃ i nagu nawoeguxü̃ rü pema rü ngẽma peenexẽgüxü̃ tá ñaperügügü: —Marü ínangugü i taenexẽgü i Tupanaarü duü̃xü̃gü —ñaperügügü tá. Rü ngẽma peeya̱xgüxü̃ rü tá ñaperügügü: —Marü ínangugü i taeya̱xgü i ngechaü̃tümüxü̃güxü̃ —ñaperügügü tá.

Amúx 9:11

Rü Cori ya Tupana rü ñanagürü: —Pa Iraétanüxü̃x, yexguma ãẽ̱xgacü ga Dabí pechixü̃anemaxã icua̱xgu, rü naporaxüchi. Natürü i ñu̱xma rü pechixü̃ane rü ñoma wüxi ya ĩpata ya rüngutaxü̃nerüxü̃ nixĩ. Natürü tá nawa nangu i ngunexü̃ nax wena íchanadaxẽẽxü̃ i pechixü̃ane nax noxrirüxü̃ wena naporaxü̃ca̱x.

Chacaría 2:8

Rü Tupana ya Guxãétüwa Ngẽxmacü nixĩ ya nua choxü̃ mucü nax nüxü̃ chixuxü̃ca̱x i norü ore nachiga i ngẽma nachixü̃anegü ga pexü̃ ígagüxü̃ perü yemaxü̃gümaxã. Rü Tupana rü ñanagürü: —Yíxema texé chorü duü̃xü̃güxü̃ dauxe, rü ñoma chauxetügu tarüxuxü̃rüxü̃ tixĩ. Rü ngẽmaca̱x i choma rü tá chanapoxcue i guxü̃ma i ngẽma nachixü̃anegü. Rü choma rü tá ngẽma norü mugüruü̃xü̃ chamu nax naxca̱x nangĩ̱xgüxü̃ca̱x i ngẽma nachixü̃anegüarü ngẽmaxü̃gü —ñanagürü ya Tupana. Rü ngẽmaãcü ya Tupana ya Guxãétüwa Ngẽxmacü rü tá inanawe̱x i norü pora. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.