Echequié 34:7 - Tupanaarü Ore

⁷ Pa Chorü Duü̃xü̃güarü Dauruü̃güx, pema rü ñoma carnérugüarü dauruü̃gürüxü̃ pixĩgü, rü chanaxwa̱xe i mea choxü̃́ iperüxĩnüe i ñaa chorü ore.

Echequié 34:7 Referans Kwoze

Maraquía 2:1

Rü nüma ya Tupana rü ñanagürü: —Ñu̱xmax, Pa Chacherdótegüx, rü ñaa nixĩ i chorü ucu̱xẽ i pexca̱x ixĩxü̃:

Echequié 34:9

Rü ngẽmaca̱x, Pa Chorü Carnérugüarü Dauruü̃güx, name i choxü̃́ iperüxĩnüe i ñaa ore i pemaxã nüxü̃ chixuxü̃:

Yeremía 13:18

Cori ya Tupana rü Yeremíaxü̃ ñanagürü: —¡Ãẽ̱xgacümaxã rü naémaxã nüxü̃ ixu i ñaa ore: “¡Ipechigü i ngẽma perü tochicaxü̃wa rü ñaxtüanewamare perütogü! Erü marü taxũtáma ãẽ̱xgacügü pixĩgü, rü ngẽma perü nga̱xcueruxü̃ rü marü taxũtáma peeruwa nangẽxma”, ñanagürü.

Yeremía 13:13

Rü cuma rü ñaãcü tá cunangãxü̃gü: ‘Cori ya Tupana rü ñanagürü: Choma rü tá bínumaxã chanangãxẽxẽxẽ i guxü̃ma i ñaa nachixü̃anewa maxẽxü̃ i duü̃xü̃gü, rü ãẽ̱xgacügü i Dabíarü tochicaxü̃wa rütogüxü̃, rü chacherdótegü, rü orearü uruü̃gü, rü ñu̱xũchi guxü̃ma i ngẽma Yerucharéü̃wa maxẽxü̃.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Echequié 34:6

Rü yema chorü carnérugü rü guxü̃ma ga máxpü̱xanexü̃gu rü ma̱xpǘnegügu rü guxü̃ma ga naanegu nügü nawoone rü ínatüe. Rü taxúema naxca̱x taxoegaãxẽ, rü naxca̱x tayadaugü.

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Echequié 16:35

Rü ngẽmaca̱x, Pa Nge i Ngeãẽcüx, ¡irüxĩnü i ñaa chorü ore! Rü choma ya Cori ya Tupana rü cumaxã nüxü̃ chixu rü ñachagürü: ‘Cuma, Pa Yerucharẽü̃x, rü tama ãneãcüma cugü ícucuxuchi nax cungeãẽxü̃ca̱x namaxã i curü yatügü rü curü tupananetachicüna̱xãgü ga ichixexü̃. Rü cunadai ga cuxacügü ga ãmarexü̃ icumugüxü̃.