Echequié 34:3 - Tupanaarü Ore

³ Rü pema rü ngẽma carnérugüarü lechi pixaxgü rü naxta̱xawa penaxü i pexchirugü rü penadai i ngẽma carnérugü i rümemaegüxü̃ nax namaxã pexãwemügüxü̃ca̱x, natürü tama mea nüxna pedaugü.

Echequié 34:3 Referans Kwoze

Chacaría 11:16

Erü choma rü tá ñaa nachixü̃anegu chanamu i wüxi i dauruxü̃ i tama norü carnéru i inaxüanemarexü̃gu rüxĩnüxü̃. Rü taxũtáma naxca̱x nadau i ngẽma rütaxuxü̃. Rü taxũtáma nanaxüxü̃ i ngẽma napíxü̃. Rü taxũtáma nanaxüwemü i ngẽma turaexü̃. Natürü tá nayama̱x i ngẽma rüngümaexü̃ rü meatama tüxü̃ nangõ̱x. Rü taxuxü̃táma tümamachi ínayaxüxẽxẽ woo tümapatügü.

Chacaría 11:5

Rü ngẽma duü̃xü̃gü i naxca̱x taxegüxü̃ rü tama nüxü̃́ taxãũxãchitümüü̃ãcü tüxü̃ nadai. Rü ngẽma carnérugümaxã taxegüxü̃ rü ñanagürügü: “¡Moxẽ ya Cori erü marü chadiẽruã̱x!” ñanagürügü. Rü woo i ngẽma carnérugüarü dauruü̃gü rü tama nüxü̃́ taxãũãchitümüxü̃ ya yíxema norü carnérugü.

Echequié 19:6

Rü yema leóü̃ rü nügü nacua̱x nax naporaxü̃ rü yema togü ga leóü̃gütanügu narüxũũxü̃. Rü nüxü̃ nacua̱x nax ñuxãcü naeü̃gü tüxü̃ nangṍxü̃. Rü duü̃xü̃güxü̃ nangṍx.

Echequié 19:3

Rü wüxi i ngẽma naxacü rü guxü̃arü yexera meama nanayaxẽxẽ. Rü nüma rü naxca̱x nangu̱x nax yayauxãxü̃ ga naeü̃gü rü duü̃xü̃güxü̃ nax nangṍxü̃.

Auxexü̃chiga 4:13

Rü yema guma ĩane ga Yerucharéü̃maxã ngupetüxü̃ rü norü orearü uruü̃günetagagu nixĩ, rü norü chacherdótegüarü chixexü̃gagu nixĩ. Yerü nümagü rü guma ĩanewa nanadai ga duü̃xü̃gü ga taxuxü̃ma ga chixexü̃ ügüchiréxü̃.

Yeremía 22:17

“Natürü i cuma rü naxca̱x cuxoegaãxẽ i ngẽma curü ngẽmaxü̃gü i chixexü̃wa cuyaxuxü̃. Rü cuyama̱x ya yíxema taxuxü̃ma i ta̱xacürü chixexü̃ ügüxe. Rü ñu̱xũchi chixri tümamaxã icucua̱x rü ngetanüãcü tüxü̃ cupuracüexẽxẽ ya yíxema curü duü̃xẽgü” —ñanagürü ga Cori ya Tupana.

Yeremía 2:30

Rü choma rü chanapoxcu ga petanüxü̃gü, natürü tama chauga naxĩnüe, rü yemaacü natüca̱xmamare nixĩ nax chapoxcuexü̃. Rü pematama penadai ga perü orearü uruü̃gü, ñoma leóü̃gü i idüraexü̃ nada̱i̱xü̃rüxü̃.

Ichaía 1:15

Rü ngẽxguma pema pexunagüme̱xẽgüãcü peyumüxẽgügu, rü choma rü pexcha̱xwa chidaugachi. Rü woo namuxgu i perü yumüxẽ natürü i choma rü taxũtáma pexü̃ chaxĩnü, erü pema rü pemáeta rü pexme̱xgü rü nagümaxã nixãũãchi.

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Chofonía 3:3

Rü ngẽma curü ãẽ̱xgacügü i cumaxã icua̱xgüxü̃ rü ñoma leóü̃gü i ngĩnetanücüüxü̃rüxü̃ nixĩgü. Rü ngẽma curü ãẽ̱xgacügü i guxchaxü̃güarü mexẽẽruü̃gü rü ñoma airugü i ínachianexü̃wa maxẽxü̃rüxü̃ nixĩgü. Rü ñoma airugü i guxü̃ma ngṍxü̃ rü bai i naxchina̱xã i norü moxü̃ãcüruxü̃ íyaxüxẽẽxü̃rüxü̃ nixĩgü i ngẽma curü ãẽ̱xgacügü i guxchaxü̃güarü mexẽẽruü̃gü.

Amúx 6:4

Pema rü perü pechicagü i marfíxmaxã nanga̱xãẽxü̃wa pepee, rü perü toruxü̃ i mexẽchixü̃gu pecagü, rü ngẽxma perüngü̃gü. Rü ngéma penangõ̱x i õna i mexẽchixü̃ i carnéruxacümachi rü wocaxacü i ngüexü̃machi.

Ucu̱xẽgüchiga 30:14

Rü nangẽxma i duü̃xü̃gü i tümachi aiexü̃ ya yíxema ngearü diẽruã̱xgüxe. Napütagü rü ñoma taragü rü ñoma cüxchigürüxü̃ nixĩgü, rü norü numaxã tüxü̃ inayarüxoxẽẽchaü̃ ya guxãma ya yíxema ngearü diẽruã̱xgüxe ya nachixü̃anewa ngẽxmagüxe.