Echequié 34:21 - Tupanaarü Ore

²¹ Rü pemax i ngüexü̃ i poraexü̃ rü ípenawoxü̃ i ngẽma turaexü̃. Rü ípenacaixü̃ i ngẽma turaexü̃ nax ngẽmaãcü naxĩgüxü̃ca̱x.

Echequié 34:21 Referans Kwoze

Chacaría 11:5

Rü ngẽma duü̃xü̃gü i naxca̱x taxegüxü̃ rü tama nüxü̃́ taxãũxãchitümüü̃ãcü tüxü̃ nadai. Rü ngẽma carnérugümaxã taxegüxü̃ rü ñanagürügü: “¡Moxẽ ya Cori erü marü chadiẽruã̱x!” ñanagürügü. Rü woo i ngẽma carnérugüarü dauruü̃gü rü tama nüxü̃́ taxãũãchitümüxü̃ ya yíxema norü carnérugü.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Echequié 34:20

Rü ngẽmaca̱x i choma ya Cori ya Tupana rü pexü̃ ñacharügü: “Choma rü tá chanapoxcue i ngẽma carnérugü i ngüexü̃ i chixri namaxã icua̱xgüxü̃ i ngẽma togü i carnérugü i aexü̃.

Amúx 5:11

Rü pemax, Pa Ãẽ̱xgacügüx, rü chixri tümamaxã ipecua̱x ya yíxema ingearü diẽruã́xẽ. Rü naétü tüxna peca nax tümaarü trigumaxã pexü̃́ tanaxütanüxü̃ca̱x naxca̱x nax penamexẽẽgüxü̃ i tümaarü guxchagü. Rü ngẽmaca̱x i pema rü taxũtáma nawa pemaxẽ ya yima ĩpatagü ya nutagümaxã pexüxü̃ne, rü bai tá peyaxagüxü̃ ya yimá bínu i peanegu petogüxü̃ i úbagüwaxü̃cü.

Miquéa 7:3

Rü nümagü rü nüxü̃ nicua̱xüchi nax naxügüãxü̃ i guxchaxü̃gü. Rü ngẽma ãẽ̱xgacügü rü naxca̱x ínacagü nax nüxü̃́ naxütanügüãxü̃. Rü ãẽ̱xgacügü i guxchaxü̃arü mexẽẽruü̃gü rü ngẽma nüxü̃́ naxütanüxü̃étüwaama naxü. Rü ngẽma diẽruã̱xü̃chixü̃ rü nanaxügü i ngẽma nagu naxĩnüexü̃ rü ngẽmaãcü nanachixexẽxẽ ya ĩane.