Echequié 34:2 - Tupanaarü Ore

² —Cumax, Pa Yatüx, ¡rü chauégagu namaxã idexa i ngẽma dauruü̃gü i namaxã icua̱xgüxü̃ i chorü duü̃xü̃gü i Iraétanüxü̃ i ñoma carnérugürüxü̃ ixĩgüxü̃! ¡Rü ngẽma dauruü̃gümaxã nüxü̃ ixu i ñaa chorü ore rü ñaxü̃! “Pegümaxã pengechaxü̃gü, Pa Chorü Carnérugüarü Dauruü̃güx erü pegünaxicatama pedaugü. Natürü ngẽma penaxwa̱xexü̃ nixĩ nax mea nüxna pedaugüxü̃ i ngẽma chorü carnérugü.

Echequié 34:2 Referans Kwoze

Yeremía 23:1

Nüma ya Cori ya Tupana rü ñanagürü: —Nügümaxã nangechaü̃gü i ngẽma ãẽ̱xgacügü i tama mea nüxna daugüxü̃ i chorü duü̃xü̃gü, rü ngẽmaca̱x inarütauxe rü nawoone —ñanagürü.

Yeremía 3:15

Rü choma rü tá pexca̱x ichanamugü i ãẽ̱xgacügü i choma chanaxwa̱xexü̃ãcü pemaxã icua̱xgüxü̃. Rü nümagü rü tá nüxü̃́ nangẽxma i cua̱x nax mea pemaxã inacua̱xgüxü̃ca̱x.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Norü taxre ga popera ga Pedru ümatüxü̃ 2:3

Rü ngẽma ngu̱xẽẽruü̃netagü rü diẽruguxicatama narüxĩnüe, rü ngẽmaca̱x i ngẽma norü ngu̱xẽẽtae i doramare ixĩxü̃, rü tá pemaxã nanaxãtanü nax ngẽmaãcü petanüwa ngĩxü̃ nayauxgüxü̃ca̱x i perü diẽru. Natürü tá napoxcue i ngẽma duü̃xü̃gü, rü taxũtáma nibuxmü. Erü Tupana rü woetama nũxcümama poxcu namaxã naxuegu.

Yeremía 10:21

Rü ngẽma ñaa duü̃xü̃gümaxã icua̱xgüxü̃ rü naechitamare namaxẽ, rü tama Cori ya Tupanaca̱x nadaugü. Rü ngẽmaca̱x nixĩ i nagu yanachixegüxü̃, rü ñu̱xũchi nawoonexü̃ i ngẽma norü duü̃xü̃gü.

Romanos 16:18

Erü ngẽma duü̃xü̃gü rü tama tórü Cori ya Ngechuchu ya Cristuarü ngúchaü̃ naxügü, natürü noxrütama ngúchaü̃ nixĩ i naxügüxü̃. Norü dexa ga maixcuraxü̃maxã nayaxucu̱xẽgü i duü̃xü̃gü, rü ngẽmaãcü nanawomüxẽẽgü i ngẽma duü̃xü̃gü i tama mea nüxü̃ cua̱xgüxü̃.

Ngechuchuarü ngúexü̃gü ga yamugüxü̃arü puracüchiga 20:29

Choma nüxü̃ chacua̱x rü ngẽxguma íchixũxgu, rü chowena tá pexca̱x nua naxĩ i togü i duü̃xü̃gü. Rü tá nanachixexẽxẽchaü̃ i ngẽma yaxõgüxü̃ ñoma airugü i idüraexü̃ i carnérugüxü̃ ngĩãchixẽẽxü̃rüxü̃.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Echequié 13:19

Pemax rü ñuxretama i chebádaca̱x, rü ñuxretama i paũca̱x nixĩ i choxü̃ pechixechigaxẽẽxü̃ nape̱xewa i chorü duü̃xü̃gü. Rü yu namaxã pexuegu i ngẽma duü̃xü̃gü i mexü̃ ügüxü̃, rü penamaxẽxẽ i ngẽma duü̃xü̃gü i chixexü̃ ügüxü̃. Rü ngẽmaãcü penawomüxẽxẽ i chorü duü̃xü̃gü i naga ĩnüexü̃ i ngẽma perü doragü.

Ngechuchuarü ngúexü̃gü ga yamugüxü̃arü puracüchiga 20:26

Rü ngẽmaca̱x i ñoma i ngunexü̃gu rü pemaxã nüxü̃ chixu rü marü tama chaugagu nixĩ ega texé petanüwa iyarütaxu̱xgu.

Yeremía 12:10

Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.

Yeremía 2:8

Rü ngẽma perü chacherdótegü rü tama chaugu narüxĩnüe rü tama cha̱u̱xca̱x nadaugü. Rü ngẽma perü ucu̱xẽruü̃gü rü tama choxü̃ nacua̱xgü. Rü ngẽma perü ãẽ̱xgacügü rü chomaxã nanue, rü ngẽma perü orearü uruü̃gü rü Baáchigaxü̃ãma nixugüe rü ngẽma ngearü maxü̃ã́xü̃ i naxchicüna̱xãgüwe narüxĩ.

Echequié 33:24

—Pa Yatüx, yima ĩanegü ya Iraéanewa nagu napogüenewa maxẽxü̃ i duü̃xü̃gü rü ñaãcü nidexagü rü ñanagürügü: “Abraáü̃ rü wüxitama ga duü̃xü̃ nixĩ natürü nawa nangu nax noxrü yixĩxü̃ ga guxü̃ma ga ñaa nachixü̃ane. Natürü i yíxema rü tamu i ñu̱xma rü ngẽmaca̱x yexeraãcü tüxna naxǘ nax tóxrü yixĩxü̃ i ñaa naane”, ñanagürügü.

2 Chamué 5:2

Rü woo yexguma Chaú Iraéanearü ãẽ̱xgacü ixĩxgu, rü cuma nixĩ ga aixcüma daiwa tomaxã icucuáxü̃. Rü ñu̱xũchi nüma ga Cori ya Tupana rü nüxü̃ nixu nax cuma tá quixĩxü̃ i tomaxã icucuáxü̃ rü guxü̃ma i Iraéanecüã̱xgüarü ãẽ̱xgacü tá quixĩxü̃ —ñanagürügü.

Ore i mexü̃ ga Cuáü̃ ümatüxü̃ 10:8

Guxü̃ma ga yema nüxíra núma ĩxü̃ rü ngĩ́ta̱xagüxü̃ rü máetagüxü̃ nixĩgü. Natürü yema carnérugü rü tama naga naxĩnüe.

2 Corintios 12:14

Rü ñu̱xma rü marü íchamemare nax norü tomaepü̱xcüna pexü̃ íchayadauxü̃. Rü taxũtáma ta̱xacüca̱x pexna chayaca. Erü tama perü diẽruca̱x petanüwa chaxũ, natürü pexca̱xüchi nixĩ i ngéma chaxũxü̃. Pema rü chauxacügü pixĩgü i Tupanaarü orewa. Rü tama naxacügü nixĩ i nanatügüca̱x nanutaque̱xexü̃ i diẽru. Natürü papagü nixĩ i naxacügüca̱x nanutaque̱xexü̃ i diẽru.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

Echequié 22:25

Rü ngẽma curü orearü uruü̃güneta rü ñoma leóü̃gü i norü taiyamaxã aixta üexü̃ rü naeü̃gü wagüexü̃rüxü̃ nixĩgü. Rü wüxigu nügümaxã nagu narüxĩnüe nax duü̃xẽgüaxü̃́ napuxü̃güãxü̃ i tümaarü ngẽmaxü̃gü i tatanügüxü̃. Rü muxẽma ya ngexe tüxü̃ yamáxtegüxü̃.

Echequié 34:1

Rü Cori ya Tupana rü chomaxã nidexa rü ñanagürü choxü̃:

Echequié 34:14

Rü yima rümemaecü ya maxẽwa tá chanagagü nax yimawa nachibüexü̃ca̱x i Iraéanearü máxpü̱xanexü̃wa. Rü ngẽxma tá narüngü̃gü rü yima rümemaecü ya maxẽ tá nanangõ̱xgü.

Echequié 34:15

Rü chomatátama nixĩ i chorü carnérugüna chadauxü̃. Rü chomatátama nixĩ i nachicagü i mexü̃wa chanagagü nax ngẽxma nangü̃güxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma.

Amúx 6:4

Pema rü perü pechicagü i marfíxmaxã nanga̱xãẽxü̃wa pepee, rü perü toruxü̃ i mexẽchixü̃gu pecagü, rü ngẽxma perüngü̃gü. Rü ngéma penangõ̱x i õna i mexẽchixü̃ i carnéruxacümachi rü wocaxacü i ngüexü̃machi.

Ichaía 56:11

Rü ñoma airugü i taiyaeechaxü̃ rü taguma ngãxpütüwegüxü̃rüxü̃ pixĩgü. Rü pema rü dauruü̃gü i tama nüxü̃ cua̱xgüégaxü̃ pixĩgü. Rü wüxichigü i pema rü perü ngúchaü̃ama pixü rü pexrütama ngẽmaxü̃guama perüxĩnüe.