Echequié 34:16 - Tupanaarü Ore

¹⁶ Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.

Echequié 34:16 Referans Kwoze

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Echequié 34:4

Rü ngẽma chorü carnéru ya turaxü̃ rü pema rü tama nüxü̃ perüngü̃xẽxẽ, rü ngẽma ida̱xawexü̃ rü tama penaxüxü̃, rü ngẽma ibüyeparaxü̃ rü tama peyana̱i̱xpara, rü ngẽma rütaxuxü̃ rü tama naxca̱x peyadau. Natürü i pema rü namaxã pechixecümagü rü chixrimare nüxna pedaugü.

Ichaía 49:26

Rü ngẽma perü uanügü rü nügü tátama nangõ̱xcue, rü nagüwa tátama naxaxegü ñoma bínu yaxaxgüxü̃rüxü̃. Rü ngẽmaãcü i guxü̃ma i duü̃xü̃gü rü tá nüxü̃ nicua̱xãchitanü nax choma ya Cori ya Tupana ya Acóbuarü duü̃xü̃güarü ngü̃xẽẽruxü̃ ya poracü nax chixĩxü̃. Rü choma nixĩ i Iraétanüxü̃xü̃ íchanguxü̃xẽxẽxü̃ —ñanagürü ga Tupana.

Echequié 34:11

Rü choma ya Cori ya Tupana rü ñachagürü: —Chomatátama nüxna chadau i ngẽma chorü carnérugü.

Ore i mexü̃ ga Márcu ümatüxü̃ 2:17

Rü yexguma yemaxü̃ naxĩnügu ga Ngechuchu rü ñanagürü nüxü̃: —Ngẽma tama ida̱xaweexü̃ rü tama nanaxwa̱xe ya dutúru, natürü ngẽma ida̱xaweexü̃ nixĩ i naxwa̱xegüxü̃ ya dutúru. Choma rü tama ngẽma mexü̃güca̱x núma chaxũ, natürü núma chaxũ nax nüxna chaxuxü̃ca̱x i ngẽma pecaduã̱xgüxü̃ —ñanagürü.

Echequié 39:18

Rü ngẽma ngurucugü rü naeü̃gü rü ñoma carnérugümachi, rüe̱xna carnéruxacügümachi, rüe̱xna chíbugümachi, rüe̱xna wocaxacügü i Bacháü̃anegu íngüexü̃machi nangõ̱xgüxü̃rüxü̃ tá nanangõ̱xgü i ngẽma churaragümachi rü tá nayaxagü ya nagü i ñoma i naanearü ãẽ̱xgacügü.

Ichaía 10:16

Rü ngẽmaca̱x ya Cori ya Tupana ya Guxãétüwa Ngẽxmacü rü ngẽma ãẽ̱xgacüca̱x rü norü churaragüca̱x tá ínananguxẽxẽ i wüxi i da̱xaweane i poraxü̃, rü wüxi i axüne i ñoma üxüwa ixaxü̃rüxü̃, rü ngẽmaãcü tá nanangearü poraã̱x i ngẽma uanügü i nügü írüporaexü̃.

Ichaía 5:17

Rü yima ĩanegü rü tá inanguxuchigü rü nachicawa tá maxẽ narüxügü, rü ngéma tá nachibüe i carnérugü rü chíbugü.

Miquéa 7:14

¡Pa Cori ya Tupanax, curü naixmena̱xãmaxã nüxna nadau i ngẽma curü duü̃xü̃gü i curü carnérugü ixĩgüxü̃! Ñu̱xma rü nüxicatama naixnecüwa nangẽxmagü i naane i mexü̃wa. ¡Ẽcü ü̃parüxü̃ Bacháü̃anewa rü Garaáxanewa nagagü i ngextá õna íngẽxmaxü̃wa!

Yeremía 10:24

¡Rü toxü̃ íyarüwe̱xãchixẽxẽgü, natürü tama cunuãcüma nax tama tayuexü̃ca̱x!

Yeremía 9:15

Rü ngẽmaca̱x i choma ya Cori ya Tupana ya Guxãétüwa Ngẽxmacü ya Iraétanüxü̃arü Tupana rü ñachagürü: “Choma rü tá õna i üxüxü̃ tá nüxü̃ changõ̱xẽxẽ, rü dexá i nawa iyuxü̃wa tá chayaxaxexẽxẽgü.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Ore i mexü̃ ga Matéu ümatüxü̃ 15:24

Rü yexguma ga Ngechuchu rü ñanagürü: —Tupana núma choxü̃ namu naxca̱x i ngẽma Iraétanüxü̃gü i rütauxexü̃ rü tama togüca̱x nixĩ i nua choxü̃ namuxü̃ —ñanagürü.

Yeremía 50:11

Rü pema, Pa Cadéugüx, rü yexguma chorü duü̃xü̃güarü yemaxü̃gü pinaxgu rü poraãcü petaãẽgü. Rü ñoma wocaxacü i mecü ya maxẽnecüwa yuxnagüxü̃rüxü̃ petaãẽgü. Rü ñoma cowarugürüxü̃ petagagü.

Yeremía 23:15

Rü ngẽmaca̱x i choma ya Cori ya Tupana ya Guxü̃étüwa Ngẽxmaxe, rü namaxã chanu i ngẽma orearü uruü̃güneta rü ñachagürü nüxü̃: “Pexü̃ tá chanangõ̱xẽxẽ i ta̱xacü i üxüxü̃, rü pexü̃ tá nawa chaxaxegüxẽxẽ i dexá i üxchíüxü̃, erü pemax, Pa Yerucharéü̃arü Orearü Uruü̃günetax, rü pegagu nixĩ nax guxü̃ i ñaa nachixü̃anewa nanguxü̃ i chixexü̃” —ñanagürü.

Wenaxarü naxümatü ga Tupanaarü mugü 32:15

Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.

Wiyaegü 147:3

Rü nüma rü tüxü̃ nataãẽxẽxẽ ya yíxema poraãcü ngechaü̃ ingegüxe rü tüxü̃́ nayana̱i̱xgü i tümaarü o̱xrigü.

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Yeremía 31:8

Rü tá pexü̃ chawoeguxẽxẽ nüxna i ngẽma nachixü̃ane i nórtewa ngẽxmaxü̃ rü nüxna i ngẽma togü i nachixü̃anegü i guxü̃ i naanewa ngẽxmagüxü̃. Rü ngẽma woeguxü̃tanügu tá naxãgü i ngẽma ngexetüxü̃, rü ngẽma ichixeparaxü̃, rü ngẽma ngexü̃gü i tapütüwegüxü̃, rü ngẽma ngexü̃gü i marü ixíraxacügüxü̃. Rü ngẽmaãcü tá muxü̃tama i duü̃xü̃gü nawoegu naxca̱x i norü naane.

Yeremía 50:6

Chorü duü̃xü̃gü rü ñoma carnérugü i rütauxexü̃rüxü̃ nixĩgü. Rü norü dauruü̃gü rü chixri nüxna nadaugü, rü yemaca̱x máxpü̱xanexü̃gu narütauxe rü ínatüe. Rü düxwa nüxü̃ narüngümae ga napüxü̃ rü tama nüxü̃ nacua̱xgü nax ngexta nayexmaxü̃.

Echequié 20:34

Rü choma rü tá pexü̃ chade natanüwa i ngẽma duü̃xü̃gü rü nachixü̃anegü i ñu̱xma nagu pewoonexü̃. Rü chorü poramaxã rü chorü numaxã tá pexü̃ chapoxcu rü ngẽmaãcü tá pemaxã ichacua̱x.

Chofonía 3:19

Ngẽma ngunexü̃gu rü tá chanadai i guxü̃ma i ngẽma chixri pemaxã icua̱xgüxü̃. Rü tá pexü̃ charüngü̃xẽxẽxü̃ i pema nax pengearü poxü̃ruü̃ã́xü̃, ñoma wüxi i carnéru ibüyeparaxü̃ i ngearü poxü̃ã́xü̃rüxü̃. Rü pema nax pewoonexü̃ rü tá wena pexü̃ chanutaque̱xe. Rü ngẽma naanegü i ngextá duü̃xü̃gü pexü̃ ixoexü̃wa rü tá pexü̃ chatachigaxẽxẽ.

Wiyaegü 72:2

Rü ngẽmaãcü mea tá curü duü̃xü̃gümaxã inacua̱x rü tá tüxü̃ narüngü̃xẽxẽ ya yíxema taxuxü̃ma tüxü̃́ ngẽxmagüxe.

Yeremía 23:5

Rü nüma ya Cori ya Tupana rü ñanagürü: —Wüxi i ngunexü̃ rü wüxi ya Dabítaxaxüchi tá Iraétanüxü̃arü ãẽ̱xgacü nixĩ. Rü nüma rü tá mea chorü duü̃xü̃gümaxã inacua̱x, erü aixcüma tá cua̱x nüxü̃́ nangẽxma. Rü nüma rü aixcüma tá nüxü̃ narüngü̃xẽxẽ i chorü duü̃xü̃gü nax ngẽmaãcü yanawe̱xãchixẽẽãxü̃ca̱x i norü guxchaxü̃gü i ñoma i naanewa.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Chacaría 10:3

Rü ngẽmaca̱x ñanagürü ya Cori: —Choma rü namaxã chanu i ngẽma perü ãẽ̱xgacügü i pemaxã icua̱xgüxü̃ rü tá chanapoxcue —ñanagürü. Rü Cori ya Guxãxétüwa Ngẽxmacü ya norü duü̃xü̃güna daucü rü Yudátanüxü̃xü̃ tá naporaexẽxẽ ñoma cowaru i daica̱x poraexü̃rüxü̃.