Echequié 34:14 - Tupanaarü Ore

¹⁴ Rü yima rümemaecü ya maxẽwa tá chanagagü nax yimawa nachibüexü̃ca̱x i Iraéanearü máxpü̱xanexü̃wa. Rü ngẽxma tá narüngü̃gü rü yima rümemaecü ya maxẽ tá nanangõ̱xgü.

Echequié 34:14 Referans Kwoze

Ore i mexü̃ ga Cuáü̃ ümatüxü̃ 10:9

Choma nixĩ i ĩã̱x. Rü texé ya chowa ixücuxe rü tá tamaxü̃. Rü mexü̃wa tá tangexma ngẽxgumarüxü̃ i wüxi i carnéru i naxpüü̃gu ücuxü̃ rü ixũxũxü̃ rü mecü ya maxẽxü̃ iyangauxü̃.

Yeremía 31:25

Rü choma ya Cori ya Tupana rü mea tá chanachibüexẽxẽ rü chayaxaxegüxẽxẽ i guxü̃ma i ngẽma ipaexü̃ rü turaexü̃ —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:16

Rü marü tagutáma tataiyae, rü tagutáma tita̱xawae. Rü marü tagutáma üa̱xcü tüxü̃ nigu, rü tagutáma üa̱xcüarü naianexü̃ tüxü̃́ nangu̱x.

Echequié 34:27

Rü ngẽma nanetügü i naanewa rüxügüxü̃ rü tá nixo. Rü ngẽma naanegü i nanetügü nagu natogüxü̃ rü muxü̃ma i nanetügüarü o tá nawa nabuxgü. Rü ngẽxguma norü uanügüme̱xẽwa íchanguxü̃xẽẽgu i chorü duü̃xü̃gü, rü tá nüxü̃ nicua̱xãchitanü nax choma chixĩxü̃ i norü Tupana.

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Echequié 28:25

Rü ngẽmaca̱x i choma ya Cori ya Tupana rü ñacharügü: “Ngẽma Iraétanüxü̃ i togü i nachixü̃anegu woonexü̃ rü choma rü tá wüxiwa chanagagü. Rü ngẽma nachixü̃anegüpe̱xewa tá ichanawe̱x i chorü pora. Rü ngẽma Iraétanüxü̃ rü wena táxarü naxca̱x nawoegu ga yema naane ga chorü duü̃ ga Acóbuna chaxãxü̃. Rü ngẽmaãcü noxrütama naanewa tá nangẽxmagü.

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Echequié 34:2

—Cumax, Pa Yatüx, ¡rü chauégagu namaxã idexa i ngẽma dauruü̃gü i namaxã icua̱xgüxü̃ i chorü duü̃xü̃gü i Iraétanüxü̃ i ñoma carnérugürüxü̃ ixĩgüxü̃! ¡Rü ngẽma dauruü̃gümaxã nüxü̃ ixu i ñaa chorü ore rü ñaxü̃! “Pegümaxã pengechaxü̃gü, Pa Chorü Carnérugüarü Dauruü̃güx erü pegünaxicatama pedaugü. Natürü ngẽma penaxwa̱xexü̃ nixĩ nax mea nüxna pedaugüxü̃ i ngẽma chorü carnérugü.

Echequié 34:26

Rü chorü ma̱xpǘne ya üünecüwagu tá chanamugü i chorü carnérugü. Rü tá nüxü̃ charüngü̃xẽxẽxü̃ rü naxca̱x chanapuxẽxẽ nax mea nachibüexü̃ca̱x.

Echequié 36:9

Rü choma ya Cori ya Tupana rü tá pexna chadau, Pa Ma̱xpǘnegüx, erü chorü duü̃xü̃gü rü tá wena pegu nixüanegü rü pegu nitoegü.

Echequié 36:12

Pa Ma̱xpǘnegüx, choma rü tá wena pewa chanangexmagüxẽxẽ i chorü duü̃xü̃gü i Iraétanüxü̃. Rü nümagü rü tá wena perü yora nixĩgü rü tá pemaxã inacua̱xgü. Rü nanegü rü guxü̃gutáma pewa nangẽxmagü’ ” —ñanagürü.

Danié 11:24

Rü ngẽxguma taxúetama nagu írüxĩnügu rü tá nagu naxücu i nachixü̃anearü naanegü i memaexü̃. Rü tá nanaxü i ngẽma nũxcümaü̃güxü̃ ga norü o̱xigü taguma üxü̃. Rü norü churaragümaxã tá nügü nayanu i ngẽma muxü̃ i ngẽmaxü̃gü i daiwa napuxü̃güxü̃. Rü tá naxca̱x nadau nax ñuxãcü tá nagu naxücuxü̃ ya yimá ĩanegü ya ípoxegugüne. Natürü ngẽma naxüxü̃ rü taxũtáma mucü ya taunecü natai.

Iraétanüxü̃arü muxchiga 13:18

Rü tá penangugü i ngẽma nachixü̃ane rü ngẽma duü̃xü̃gü i ngẽxma ãchiü̃güxü̃ rü aixcüma naporae rüe̱xna tama, rü aixcüma namu rüe̱xna tama.