Echequié 34:13 - Tupanaarü Ore

¹³ Rü ngẽma togü i nachixü̃anegü i nagu nawoonexü̃wa rü tá íchanagaxü̃, rü wüxigu tá chanangutaque̱xexẽxẽ. Rü norü naanewa tátama chanagagü. Rü ngẽma Iraéanearü ma̱xpǘnegüwa tá chanamugü nax ngéma nachibüexü̃ca̱x rü natügüwa naxaxegüxü̃ca̱x. Rü ngẽmaãcü i ngẽma duü̃xü̃gü i yaxǘgüxü̃ i ngẽma naanewa íngẽxmagüxü̃wa tá nangẽxmagü i ngẽma chorü carnérugü.

Echequié 34:13 Referans Kwoze

Echequié 11:17

¡Rü ngẽxgumarüxü̃ ta namaxã nüxü̃ ixu i ñaa to i chorü ore i ñaxü̃: —Ngẽma nachixü̃anegü ga nagu nawoonexü̃wa rü tá chananutaque̱xe rü wena tá nüxna chanaxã i ngẽma Iraéane nax noxrü yixĩxü̃ca̱x!

Wiyaegü 106:47

Pa Cori Pa Torü Tupanax ¡toxü̃ rüngü̃xẽxẽ rü toxü̃ ínanguxü̃xẽxẽ naxme̱xwa i ngẽma to i nachixü̃anegü nax ngẽmaãcü nüxü̃ ticua̱xüü̃güxü̃ca̱x i cuéga i üünexü̃! Erü tanaxwa̱xe i taãẽãcüma cuxü̃ ticua̱xüü̃gü.

Yeremía 32:37

Rü yexguma chorü duü̃xü̃gümaxã poraãcü chanuxgu rü muxü̃ma ga nachixü̃anegu chanawoone. Natürü wena tá chananutaque̱xe i ngẽma chorü duü̃xü̃gü rü daa Yerucharéü̃cax tá chanawoeguxẽxẽ. Rü ngẽxguma i nümagü rü taãẽãcüma tá namaxẽ rü taxũtáma ãũcümaxü̃wa nangẽxmagü.

Amúx 9:14

Rü choma rü tá wena nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃. Rü nümagü rü tá nayamexẽxẽ ya yima norü ĩanegü ga nagu nüxü̃́ napogüene rü yimawa tá namaxẽ. Rü tá norü úbanecü naxügü rü ngẽma úbatüxü̃ i bínuwa tá naxaxegü. Rü nanetümaxã tá natoegü rü ngẽmaarü o tá nangõ̱xgü.

Echequié 36:24

Rü choma, Pa Iraétanüxü̃x, rü tá pexü̃ íchagaxü̃ nawa i guxü̃ma i ngẽma nachixü̃anegü i nawa pengẽxmagüxü̃. Rü wüxiwa tá pexü̃ chagagü, rü ñu̱xũchi perü naaneca̱x tá pexü̃ chawoeguxẽxẽ.

Yeremía 30:3

Rü tá nawa nangu i ngunexü̃ nax Babiróniawa íchanguxü̃xẽẽxü̃ i chorü duü̃xü̃gü i Iraéanecüã̱x rü Yudáanecüã̱x. Rü yema naane ga norü o̱xigüna chaxãxü̃ca̱x tá chanawoeguxẽxẽ. Rü ngẽma naane rü wenaxarü chorü duü̃xü̃güarü tá nixĩ” —ñanagürü ga Cori ya Tupana.

Echequié 20:41

Rü ngẽxguma pexü̃ íchagaxü̃gu nawa i ngẽma nachixü̃anegü rü yima ĩanegü i ñu̱xma nagu pewoonene, rü tá pexü̃ chayaxu ñoma ãmare i chi̱xemaxü̃rüxü̃. Rü ngẽmaãcü guxü̃ i togü i nachixü̃anecüã̱xpe̱xewa tá ichanawe̱x i chorü üüne i petanüwa tá chango̱xẽxẽxü̃.

Yeremía 23:8

Natürü ñapegürügü tá: “Namaxü̃ ya Cori ya Tupana ga nachixü̃ane ga nórtewaama yexmaxü̃wa rü yema togüama ga nachixü̃anegü ga nagu tawoonexü̃wa tüxü̃ ínguxü̃xẽẽcü i yíxema i Iraétanüxü̃”, ñapegürügü tá. Rü perü naanewa tátama peyamaxẽ —ñanagürü ya Tupana.

Yeremía 31:8

Rü tá pexü̃ chawoeguxẽxẽ nüxna i ngẽma nachixü̃ane i nórtewa ngẽxmaxü̃ rü nüxna i ngẽma togü i nachixü̃anegü i guxü̃ i naanewa ngẽxmagüxü̃. Rü ngẽma woeguxü̃tanügu tá naxãgü i ngẽma ngexetüxü̃, rü ngẽma ichixeparaxü̃, rü ngẽma ngexü̃gü i tapütüwegüxü̃, rü ngẽma ngexü̃gü i marü ixíraxacügüxü̃. Rü ngẽmaãcü tá muxü̃tama i duü̃xü̃gü nawoegu naxca̱x i norü naane.

Yeremía 30:18

Rü Cori ya Tupana rü ñanagürü: —Choma rü tá nüxü̃ charüngü̃xẽẽxü̃ i guxü̃ma i Acóbutanüxü̃. Rü tá choxü̃́ nangechaxü̃tümüxü̃ i ngẽma nachixü̃ane. Rü yima norü ĩanegü i ñu̱xma nachitaxü̃xica íyaxügüne rü tá wena nachicawa tátama nimexẽẽgü. Rü yima ãẽ̱xgacüpatagü rü tá nachicagüwa tátama nimexẽẽgü.

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Ichaía 30:25

Rü ngẽxguma ínanguxgu i ngẽma ngunexü̃ i nagu Cori ya Tupana tá tümaarü uanüxü̃ daixü̃ rü yima ĩanearü poxeguxü̃ tá niwa̱xgü. Rü guxü̃nema ya itaxü̃ne ya ma̱xpǘnegüwa rü ngüchitaeruxü̃wa tá inarüyaegü i natügü rü dexá i poraü̃chiüxü̃.

Yeremía 50:19

Rü choma rü nachixü̃aneca̱x tá chanawoeguxẽxẽ i ngẽma Iraétanüxü̃. Rü Carméruwa, rü Bacháü̃wa, rü Efraíü̃arü naane i ma̱xpǘxanexü̃wa, rü Garaáxanewa tá mea nachibüe”, ñachagürü.

Echequié 20:42

Rü ngẽxguma wena tá perü naane ga perü o̱xigümaxã chaxueguxü̃wa pexü̃ chagagügu rü pema rü tá nüxü̃ picua̱xãchie nax choma ya Cori yixĩxü̃ i Iraétanüxü̃arü Tupana.

Echequié 36:12

Pa Ma̱xpǘnegüx, choma rü tá wena pewa chanangexmagüxẽxẽ i chorü duü̃xü̃gü i Iraétanüxü̃. Rü nümagü rü tá wena perü yora nixĩgü rü tá pemaxã inacua̱xgü. Rü nanegü rü guxü̃gutáma pewa nangẽxmagü’ ” —ñanagürü.

Echequié 36:29

Rü pexna tá chayaxũgachixẽxẽ i guxü̃ma i ta̱xacü i chixexü̃ i nagu perüxĩnüexü̃ rü perü maxü̃ chixexẽẽxü̃. Rü tá chayamuxẽxẽ i perü trigu. Rü taxũtáma wena taiya pexca̱x íchanguxẽxẽ.

Echequié 36:30

Rü choma rü peanegüwa tá chanamuarü oõ̱xẽxẽ i penetügü nax ngẽmaãcü tama taiyagagu pexãneexü̃ca̱x nape̱xewa i ngẽma togü i nachixü̃anegü.

Echequié 39:25

Natürü i ñu̱xma i choma ya Cori ya Tupana rü nüxü̃ chixu rü ñachagürü: Ñu̱xma rü tá choxü̃́ naxãũxãchitümüxü̃gü i guxü̃ma i ngẽma Iraétanüxü̃ i Acóbutaagü ixĩgüxü̃. Rü ñu̱xma rü tá yáxna namaxã chaxĩnü nax ngẽmaãcü nüxü̃ yacua̱xüü̃güxü̃ca̱x i chauéga i üünexü̃.

Miquéa 4:6

Rü nüma ya Cori ya Tupana rü ñanagürü: —Yixcüra rü tá nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃gü. Rü wüxiwa tá chanangexmagüxẽxẽ i ngẽma noxri to ga nachixü̃anegu woonexü̃ rü turaexü̃ rü ipaexü̃.

Miquéa 5:4

Rü nüma ya yimá Iraétanüxü̃arü ãẽ̱xgacü ya ínguxchaü̃cü rü Cori ya Tupanaarü poramaxã rü norü üünemaxã tá ngẽma norü duü̃xü̃gümaxã inacua̱x. Rü ngẽma norü duü̃xü̃gü rü taxuca̱xtama namuü̃e erü norü pora ya yima ãẽ̱xgacü rü guxü̃ i naanewa tá nangu.

Chofonía 3:13

Rü ngẽma Iraétanüxü̃ i Yerucharéü̃wa yaxǘgüxü̃ rü taxũtáma chixri natanüxü̃maxã inacua̱x, rü taxũtáma doraxü̃ nixugüe rü tagutáma texéxü̃ nawomüxẽẽgü. Rü mea tá ínachibüe, rü tama namuü̃eãcüma tá inarüngü̃gü” —ñanagürü.

Ichaía 49:9

Rü pema rü tá ñaperügü nüxü̃ i ngẽma poxcuexü̃: “¡Marü ípenguxü̃!” ñaperügü tá. Rü ngẽma ẽanexü̃wa ngẽxmagüxü̃ rü tá ñaperügü nüxü̃: “¡Ípechoxü̃ rü nangóonexü̃wa pexĩ!” ñaperügü tá. Pema rü guxü̃ma i namagücüwawa tá nüxü̃ peyangau i mecü ya maxẽ, rü guxü̃ne ya ma̱xpǘnegüwa rü tá nayima ya maxẽ naxca̱x i perü wocagü.

Yeremía 33:12

Rü nüma ya Cori ya Tupana ya Guxãétüwa Ngẽxmacü rü ñanagürü: —Ñaa nachixü̃ane i ñu̱xma rü wüxi i chianexü̃ nixĩ rü nawa nataxuma i duü̃xü̃gü rü naeü̃gü. Natürü yixcüra rü guxü̃ma ya norü ĩanegüwa rü tá nangẽxmagü i maxẽchitaxü̃gü i ngexta ngẽma carnérugüarü dauruü̃gü nawa nagagüxü̃ i norü carnérugü nax ngẽxma nangü̃exü̃ca̱x.

Miquéa 2:12

Rü nüma ya Cori ya Tupana rü ñanagürü: —Choma rü tá chanangutaque̱xexẽxẽ i guxü̃ma i Acóbutanüxü̃. Rü ñoma carnérugü i wüxiwa ingexmagüxẽẽxü̃rüxü̃ rü tá chanade i ngẽma íyaxügüxü̃ i Iraétanüxü̃ i aixcüma chauga ĩnüexü̃. Rü woo taxũtáma namu natürü ñoma namuxü̃rüxü̃ tá tagaãcüma naxãũgatanü.