Echequié 34:12 - Tupanaarü Ore

¹² Rü ñoma carnérugüarü dauruxü̃ i norü carnérugüca̱x oegaãẽxü̃ i ngẽxguma nawoonegu, rü ngẽxgumarüxü̃ tá ta i choma rü naxca̱x chaxoegaãxẽ i ngẽma chorü carnérugü. Rü wüxi ga ngunexü̃ ga ẽanexü̃gu rü taxü̃ ga buanecü ixüxgu rü nügü nawoonemare, natürü i choma rü wena táxarü chayagagü i ngexta ínawoonexü̃wa nax wüxiwa nangẽxmagüxü̃ca̱x.

Echequié 34:12 Referans Kwoze

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Ore i mexü̃ ga Luca ümatüxü̃ 19:10

Rü Tupana Nane ya duü̃xü̃xü̃ ixĩcü, rü ñoma i naanewa naxũ nax naxca̱x yadauxü̃ca̱x i ngẽma duü̃xü̃gü i iyarütauxexü̃ nax namaxẽxẽẽãxü̃ca̱x —ñanagürü.

Echequié 30:3

Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Yeremía 31:10

Pa Duü̃xü̃gü i To i Nachixü̃anecüã̱xgüx, ¡Iperüxĩnüe i norü ore ya Cori ya Tupana, rü penaxunagü nawa i ngẽma pechixü̃anegü i yáxü̃wa ngẽxmagüxü̃ i márpechinüwa! ¡Rü ñapegürügü: “Cori ya Tupana rü noxri rü Iraétanüxü̃maxã nanawoone, natürü i ñu̱xma rü wena nananutaque̱xe. Rü nüma tá nüxna nadau ñoma wüxi i carnéruarü dauruxü̃ norü carnéruna dauxü̃rüxü̃”, ñapegürügü!

Chofonía 1:15

Rü ngẽma ngunexü̃ rü Tupana tá nayanguxẽxẽ i norü nu. Rü ngẽma duü̃xü̃gü rü tá nanaxĩ̱xãchiãẽgü rü ngúxü̃ tá ningegü. Rü norü uanügü rü tá nagu napogüe ya yima norü ĩanegü. Rü poraãcü tá nawaane rü narücaixane. Rü ngẽmaãcü guxü̃wama tá naxẽane.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Ichaía 50:10

Rü pema nax Tupanaxü̃ pemuü̃exü̃ rü norü duü̃xü̃ga pexĩnüexü̃, rü ngẽxguma waanexü̃wa i omü ínataxuxü̃wa pexĩxgu rü ¡Tupanagu perüxĩnüe rü nüxü̃́ peyaxõgü!

Ore i mexü̃ ga Cuáü̃ ümatüxü̃ 10:16

Rü choxü̃́ nangẽxmagü ta i togü i carnérugü i tama ñaa naxpüü̃wa ngẽxmagüxü̃. Rü ngẽmagü rü tá ta nua chanagagü, rü tá chauga naxĩnüe. Rü wüxitücumü tátama nixĩ rü choma tátama nixĩ i norü dauruxü̃ chixĩxü̃.

Ucu̱xẽgüchiga 27:23

¡Mea namaxã inacua̱x i curü carnérugü rü mea nüxna nadau. Erü ngẽma nax cudiẽruã́xü̃ rü ngẽma nax ãẽ̱xgacü quixĩxü̃, rü tama guxü̃guca̱x nixĩ!

Ichaía 56:8

Rü choma rü tá nachixü̃aneca̱x chanawoeguxẽxẽ i ngẽma Iraétanüxü̃ i taxũta nachixü̃aneca̱x woeguxü̃. Rü tá chananutaque̱xe wüxigu namaxã i togü i nachixü̃anecüã̱x i duü̃xü̃gü. Rü choma ya Tupana nixĩ i nüxü̃ chixuxü̃ i ngẽma —ñanagürü.

Yeremía 23:3

Rü chomatátama chayagagü i ngẽma chorü duü̃xü̃gü ga togü ga nachixü̃anegügu chawoonexü̃. Rü tá chanaxĩtaque̱xexẽxẽ nax wena nachixü̃aneca̱x nawoeguxü̃ca̱x, rü ngẽmaãcü ngéma yamuxü̃ca̱x.

Yeremía 31:8

Rü tá pexü̃ chawoeguxẽxẽ nüxna i ngẽma nachixü̃ane i nórtewa ngẽxmaxü̃ rü nüxna i ngẽma togü i nachixü̃anegü i guxü̃ i naanewa ngẽxmagüxü̃. Rü ngẽma woeguxü̃tanügu tá naxãgü i ngẽma ngexetüxü̃, rü ngẽma ichixeparaxü̃, rü ngẽma ngexü̃gü i tapütüwegüxü̃, rü ngẽma ngexü̃gü i marü ixíraxacügüxü̃. Rü ngẽmaãcü tá muxü̃tama i duü̃xü̃gü nawoegu naxca̱x i norü naane.

Yeremía 33:12

Rü nüma ya Cori ya Tupana ya Guxãétüwa Ngẽxmacü rü ñanagürü: —Ñaa nachixü̃ane i ñu̱xma rü wüxi i chianexü̃ nixĩ rü nawa nataxuma i duü̃xü̃gü rü naeü̃gü. Natürü yixcüra rü guxü̃ma ya norü ĩanegüwa rü tá nangẽxmagü i maxẽchitaxü̃gü i ngexta ngẽma carnérugüarü dauruü̃gü nawa nagagüxü̃ i norü carnérugü nax ngẽxma nangü̃exü̃ca̱x.

Echequié 32:7

Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Chacaría 10:3

Rü ngẽmaca̱x ñanagürü ya Cori: —Choma rü namaxã chanu i ngẽma perü ãẽ̱xgacügü i pemaxã icua̱xgüxü̃ rü tá chanapoxcue —ñanagürü. Rü Cori ya Guxãxétüwa Ngẽxmacü ya norü duü̃xü̃güna daucü rü Yudátanüxü̃xü̃ tá naporaexẽxẽ ñoma cowaru i daica̱x poraexü̃rüxü̃.

Chacaría 9:16

Rü ngẽma ngunexü̃gu rü Cori ya norü Tupana rü tá norü duü̃xü̃güxü̃ ínapoxü̃ ñoma carnérugüxü̃ ínapoxü̃xü̃rüxü̃. Rü norü duü̃xü̃gü rü ñoma ngã̱xcueruü̃arü nutaxacügürüxü̃ tá niyauratanücüxü.

Ore i mexü̃ ga Luca ümatüxü̃ 15:8

Rü ngẽxguma chi wüxi i ngecüaxü̃́ nangẽxmagu i 10 tachinü i diẽru i tatanüxü̃, rü wüxi ngĩxü̃́ iyarütaxu̱xgu, ¿rü taux ẽ̱xna i omüwa nangĩxichiãxü̃ rü nabixichiãxü̃ ya ngĩpata, rü meama ngĩxca̱x nadauxü̃ ñu̱xmata ngĩxü̃ iyangau?