Echequié 34:10 - Tupanaarü Ore

¹⁰ Rü choma ya Cori ya Tupana rü ñachagürü pexü̃, Pa Chorü Carnérugüarü Dauruü̃güx: Choma rü pemaxã ícharüxuanü. Rü tá pexna chaca i chorü carnérugüchiga, rü tá pexna chanayaxu i ngẽma puracü nax chorü carnérugüarü dauruü̃gü pixĩgüxü̃. Rü ngẽmaãcü taxũtáma nüxna pedaugü rü taxũtáma namachimaxã pexãwemügü” —ñanagürü.

Echequié 34:10 Referans Kwoze

Chacaría 10:3

Rü ngẽmaca̱x ñanagürü ya Cori: —Choma rü namaxã chanu i ngẽma perü ãẽ̱xgacügü i pemaxã icua̱xgüxü̃ rü tá chanapoxcue —ñanagürü. Rü Cori ya Guxãxétüwa Ngẽxmacü ya norü duü̃xü̃güna daucü rü Yudátanüxü̃xü̃ tá naporaexẽxẽ ñoma cowaru i daica̱x poraexü̃rüxü̃.

Echequié 34:2

—Cumax, Pa Yatüx, ¡rü chauégagu namaxã idexa i ngẽma dauruü̃gü i namaxã icua̱xgüxü̃ i chorü duü̃xü̃gü i Iraétanüxü̃ i ñoma carnérugürüxü̃ ixĩgüxü̃! ¡Rü ngẽma dauruü̃gümaxã nüxü̃ ixu i ñaa chorü ore rü ñaxü̃! “Pegümaxã pengechaxü̃gü, Pa Chorü Carnérugüarü Dauruü̃güx erü pegünaxicatama pedaugü. Natürü ngẽma penaxwa̱xexü̃ nixĩ nax mea nüxna pedaugüxü̃ i ngẽma chorü carnérugü.

Echequié 13:8

Rü ngẽmaca̱x i choma i Cori ya Tupana rü ñachagürü pexü̃: ‘Rü ñu̱xma nax doraxü̃ pixugüxü̃, rü ñu̱xũchi ngẽma nüxü̃ pidaugüxü̃ rü tama aixcüma nax yixĩxü̃, rü ngẽmaca̱x i choma rü pemaxã chanu. Rü choma ya Cori ya Tupana nixĩ i nüxü̃ chixuxü̃ i ngẽma’.

Yeremía 21:13

Rü Cori ya Tupana rü ñanagürü ta: “Pa Ĩane ya Yerucharéü̃x, cuma rü doxonexü̃maxã icucua̱x ñoma wüxi ya nuta ya taxüchicü ya doxonexü̃wa ngẽxmacürüxü̃. Natürü choma ya Cori ya Tupana rü poraãcü cumaxã chanu. Pemax rü ñapegürügü: ‘¿Rü ta̱xacü tá nüxü̃́ natauxcha nax taxca̱x íyaxüãchixü̃? ¿Rü ta̱xacü tá nüxü̃́ natauxcha nax nua tórü cu̱xchicaxü̃wa nangugüxü̃?’ ñaperügügü.

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

Naúü̃ 2:13

Rü Cori ya Tupana ya Guxãxétüwa Ngẽxmacü rü ĩane ya Nínibemaxã nanaxuegu rü ñanagürü: —Daxe chixĩ i choma rü cuxca̱x nua chaxũ. Rü tá íchanagu i curü carugü i dairuxü̃, rü tanimacaxü̃ tá chayaxĩxẽẽgü. Rü tá chanadai i cuxacügü rü ngẽxma tá nixĩ i yanaxoxü̃ nax curü naanewa nangĩ́xta̱xagüxü̃. Rü taxũtáma texé nüxü̃ taxĩnü i curü ãẽ̱xgacüarü orearü ngeruü̃gü —ñanagürü.

Echequié 34:8

Rü choma ya Cori ya Tupana rü chauégagu pemaxã nüxü̃ chixu rü muxü̃ma ga naeü̃gü ga idüraexü̃ rü marü naxca̱x nangĩ̱xgü rü nanangõ̱xcu ga chorü carnérugü, yerü nangearü dauruxü̃ã̱xgü. Rü pema i norü dauruü̃gü rü tama naxca̱x peyadaugü. Rü pema rü pegünaxicatama pedaugü rü tama chorü carnérugüna pedaugü.

Echequié 3:18

Dücax, rü ngẽxguma choma rü cumaxã nüxü̃ chixuxgu nax wüxi i duü̃xü̃ i chixexü̃gu maxü̃xü̃maxã chaxueguxü̃ i poxcu, natürü i cuma rü tama cunaxucu̱xẽgu nax nüxü̃ naxoxü̃ca̱x i nacüma i chixexü̃ nax ngẽmaãcü namaxü̃xü̃ca̱x, rü nüma rü tá nayu nagagu i norü chixexü̃. Natürü i chomax rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Wiyaegü 23:5

Rü mexü̃ i õna cha̱u̱xca̱x cumexẽxẽ nape̱xewa i chorü uanügü, rü pumaramaxã choxü̃ cubaeru. Rü ngẽma chorü taãxẽ i choxna cuxãxü̃ rü ñoma copa i ããcuxüchixü̃rüxü̃ nixĩ.

Nüxíraxü̃xü̃ ga popera ga Pedru ümatüxü̃ 3:12

Erü nüma ya tórü Cori rü tüxna nadau ya yíxema aixcüma naga ĩnüexe, rü nüxü̃ naxĩnü i tümaarü yumüxẽ. Natürü tümamaxã nanu ya yíxema chixexü̃ ügüxe”, ñanagürü i Tupanaarü ore.

Echequié 35:3

Rü ñaa tá nixĩ i ngẽma ore i nüxü̃ quixuxü̃: “Cori ya Tupana rü ñanagürü: ‘Choma rü cumaxã nüxü̃ chixu, Pa Ma̱xpǘne ya Cheí, nax cumaxã charüxuanüxü̃. Rü tá cuxü̃ chapoxcu rü tá chianexü̃xü̃ chayanguxuchixẽxẽ i curü naane nax taxúema nawa maxü̃xü̃.

Echequié 34:22

Natürü choma rü tá nüxna chadau i chorü carnérugü. Rü tá ngẽma ngĩ́ta̱xagüxü̃na íchanapoxü̃ nax tama naxca̱x nangĩ̱xgüechaxü̃ca̱x. Rü tá chanapoxcu i ngẽma carnérugü i namücümaxã chixecümagüxü̃”.

Echequié 21:3

¡Rü Iraéanemaxã nüxü̃ ixu i ñaa chorü ore! “Choma rü curü uanü chaugü chixĩxẽxẽ. Rü tá chanayaxu i chorü tara rü tá chanadai i ngẽma chixexü̃arü üruü̃gü rü woo ngẽma mexü̃ ügüxü̃.

Echequié 5:8

Rü ngẽmaca̱x i choma ya Cori ya Tupana rü nüxü̃ chixu rü ñachagürü: ‘Choma rü tá ta pemaxã chanu, Pa Yerucharéü̃cüã̱xgüx, rü tá pexü̃ chapoxcue nape̱xewa i ngẽma togü i nachixü̃anecüã̱xgü.

Echequié 3:20

Rü ngẽxguma chi wüxi i duü̃xü̃ i noxri mea maxü̃xü̃ rü nüxü̃ naxoxgu nax mea namaxü̃xü̃ rü poxcu namaxã chaxueguxgu rü ngẽxguma cuma rü tama cunaxucu̱xẽgu rü nüma rü norü chixexü̃gu tá nayu. Rü yema mexü̃ ga noxri naxüxü̃ rü taxũtáma chope̱xewa ínanapoxü̃. Rü nüma rü norü chixexü̃gagu tá nayuama, natürü i choma rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Yeremía 50:31

Rü nüma ya Cori ya Tupana ya Guxãétüwa Ngẽxmacü rü ñanagürü: —Pema nax pegü íperüporaexü̃ nax chomaxã penuexü̃, rü choma rü marü pemaxã charüxuanü. Rü marü nawa nangu i ngunexü̃ rü ora nax pexü̃ chapoxcuexü̃.

Yeremía 39:6

Rü ñu̱xũchi Chedequíape̱xegu tüxü̃ nadai ga nanegü rü guxü̃ma ga natanüxü̃ ga ãẽ̱xgacügü ixĩgüxü̃ ga Yudáanewa.

Echequié 13:23

Rü ngẽmaca̱x i pema rü taxũtáma wena doraxü̃ pedaugü rü doraxü̃ pixugü. Choma rü tá pexme̱xwa íchananguxü̃xẽxẽ i ngẽma chorü duü̃xü̃gü. Rü ngẽxguma i pema rü tá nüxü̃ picua̱xãchitanü nax choma chixĩxü̃ ya Cori ya Tupana’ ” —ñanagürü.

Echequié 34:9

Rü ngẽmaca̱x, Pa Chorü Carnérugüarü Dauruü̃güx, name i choxü̃́ iperüxĩnüe i ñaa ore i pemaxã nüxü̃ chixuxü̃: