Echequié 33:8 - Tupanaarü Ore

⁸ Rü ngẽxguma chi choma rü yu namaxã chaxuegugu i wüxi i duü̃xü̃ i chixexü̃ üxü̃, rü chi cuma rü tama namaxã nüxü̃ quixuxgu nax nüxü̃ naxoxü̃ca̱x i ngẽma nacüma i chixexü̃, rü nüma rü tama nüxü̃ naxoxgu, rü nüma rü düxwa norü pecadugagu tá nayu. Natürü i choma rü tá cuxna chaca naxca̱x i ngẽma duü̃xü̃ i norü chixexü̃gu yuxü̃.

Echequié 33:8 Referans Kwoze

Echequié 33:6

Natürü ngẽma dauxü̃taeruxü̃ rü ngẽxguma chi nüxü̃ nada̱u̱xgu nax ínangugüxü̃ i ngẽma uanüarü churaragü, rü tama yacueãgu ya norü cornéta nax naxuãẽgüxü̃ca̱x i duü̃xü̃gü, rü chi ngẽmagagu ngẽma uanügü texéxü̃ yama̱xgu rü yíxema rü tümaarü pecadugügagu tá tayu, natürü choma ya Cori ya Tupana rü tá ngẽma dauxü̃taeruxü̃na chacaxü̃ naxca̱x i ngẽma duü̃xü̃arü yuchiga”.

Echequié 33:14

Rü ngẽxguma chi yu namaxã chixuxgu i wüxi i yatü i chixexü̃gu maxü̃xü̃, rü nüma rü nüxü̃ naxoxgu i ngẽma pecadu i nagu namaxü̃xü̃, rü mexü̃ naxü̱xgu, rü aixcüma yanguxẽẽãgu i ngẽma mexü̃ i nüxü̃ yaxuxü̃, rü natáeguxẽẽã̱xgu ga yema namücüarü ngẽmaxü̃ ga norü diẽruca̱x nüxna taxãxü̃, rü natáeguxẽẽã̱xgu ga yema naxca̱x nangĩ́xü̃, rü naga naxĩnügu i ngẽma mugü i maxü̃ ixãxü̃, rü nüxü̃ naxoxgu nax chixexü̃ naxüxü̃, rü aixcüma tá namaxü̃ rü taxũtáma nayu.

Echequié 18:4

Rü guxü̃ma i duü̃xü̃güarü maxü̃ rü cho̱xme̱xwa nangẽxma woo papagü rü woo nanegü. Rü yíxema chixexü̃ ǘxe rü tümaarü chixexü̃gagu tátama tayu.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Echequié 18:18

Natürü ya yima nanatü rü norü chixexü̃gügagu tátama nayu erü nachixecüma rü nangĩ̱x rü chixexü̃ naxü i natanüxü̃tanüwa.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Ucu̱xẽgüchiga 11:21

Aixcümaxü̃chi tá napoxcu i ngẽma duü̃xü̃ i chixexü̃gu maxü̃xü̃, natürü yíxema mexü̃ i nacümagu maxü̃́xẽ, rü taxũtáma tapoxcu.

Naanearü ügüchiga 3:4

Natürü yema ga ãxtape rü ngĩxü̃ nangãxü̃ rü ñanagürü ngĩxü̃: —Tama aixcüma nixĩ i ngẽma. Rü taxũtáma peyue.

Ngu̱xẽẽtaeruü̃arü ore 8:13

Natürü ngẽma chixexü̃gu maxẽxü̃ rü taxũtáma mexü̃wa nangẽxmagü rü taxũtáma mucü ya taunecü namaxẽ. Rü ñoma wüxi i gáuxchipetarüxü̃ paxa inarütaxu, erü tama Tupanaxü̃ namuü̃e.

Iraétanüxü̃arü muxchiga 27:3

—Rü gumá tonatü rü chianexü̃gu nayu, natürü tüma rü tama yema Cori ya Tupanamaxã nuexü̃ ga Corétanüxü̃ tixĩ. Rü tümaarü chixexü̃gagutama tayu rü nataxuma ga tümane ga yatüxü̃.

Naanearü ügüchiga 2:17

Natürü ngẽma nanetü i cua̱x i mexü̃ rü cua̱x i chixexü̃ nawa ngẽxmaxü̃, rü taxũtáma cunangõ̱x i norü o. Erü ngẽxguma tá cunangõ̱xgux rü cumaxã nüxü̃ chixu rü tá cuyu —ñanagürü.

Echequié 3:18

Dücax, rü ngẽxguma choma rü cumaxã nüxü̃ chixuxgu nax wüxi i duü̃xü̃ i chixexü̃gu maxü̃xü̃maxã chaxueguxü̃ i poxcu, natürü i cuma rü tama cunaxucu̱xẽgu nax nüxü̃ naxoxü̃ca̱x i nacüma i chixexü̃ nax ngẽmaãcü namaxü̃xü̃ca̱x, rü nüma rü tá nayu nagagu i norü chixexü̃. Natürü i chomax rü tá cuxna naxca̱x chaca i ngẽma duü̃xü̃ erü tama cunaxucu̱xẽ.