Echequié 33:12 - Tupanaarü Ore

¹² Cuma, Pa Yatüx, ¡rü cutanüxü̃maxã nüxü̃ ixu i chorü ore i ñaxü̃! “Rü ngẽxguma wüxi ya yatü ya mecümacü chixexü̃ uxgu, rü yema mexü̃ ga ü̃paacü naxüxü̃ rü taxũtáma nanamaxẽxẽ. Rü ngẽxguma wüxi i duü̃xü̃ i chixexü̃arü üruxü̃ nüxü̃ rüxoxgu i ngẽma chixexü̃ i nagu namaxü̃xü̃, rü yema chixexü̃ ga ü̃paacü naxüxü̃ rü taxũtáma naxca̱x nayu. Rü ngẽxguma ngẽma duü̃xü̃ i mexü̃gu maxü̃xü̃ rü chixexü̃ naxü̱xgu, rü ngẽma nacüma ga mexü̃ ga ü̃paacü naxüxü̃ rü taxũtáma ínanapoxü̃ nax tama nayuxü̃ca̱x.

Echequié 33:12 Referans Kwoze

Romanos 3:25

Rü Tupana nanamu ga Cristu nax nayuxü̃ca̱x rü yemaacü tórü pecadu naxütanüxü̃ca̱x. Rü ngẽxguma Cristuaxü̃́ yaxõgügu rü Tupana tüxü̃́ nüxü̃ narüngüma i tórü pecadugü. Rü ngẽmaãcü Tupana tüxü̃ nüxü̃ nadauxẽxẽ nax Cristugagu yixĩxü̃ i tüxü̃ yamexẽẽgüxü̃. Rü nüma ya Tupana rü tüxü̃́ nüxü̃ narüngüma ga tórü pecadugü ga ü̃pa ixügüxü̃ yerü yáxna tamaxã naxĩnü. Rü ñu̱xma rü tüxü̃ nanawéxchaü̃ nax Cristugagu yixĩxü̃ nax tüxü̃ yamexẽẽgüxü̃ nax nape̱xewa imexü̃ca̱x. Nüma rü aixcüma mecü nixĩ rü tüxü̃ nimexẽẽgü ya guxãma ya yíxema Ngechuchuaxü̃́ yaxõgüxe.

Nüxíraxü̃xü̃ ga popera ga Cuáü̃ ümatüxü̃ 2:1

Pa Chauxacügüx, pexca̱x chanaxümatü i ñaa ore nax tama pecadu pexügüxü̃ca̱x. Natürü ngẽxguma chi wüxíe pecadu uxgu, rü Tupanape̱xewa tüxü̃́ nangẽxma ya tümaarü chogüruxü̃. Rü yimá nixĩ ya Ngechuchu ya Cristu ya aixcüma mecü ixĩcü.

Echequié 33:2

—Pa Yatüx, name nixĩ i cutanüxü̃maxã quidexaxü̃ rü namaxã nüxü̃ quixuxü̃ i ñaa ore: “Rü ngẽxguma wüxi i nachixü̃ane rü to i nachixü̃aneca̱x íchayaxüãchixẽẽgu nax nügü nada̱i̱xü̃ca̱x, rü ngẽxguma i ngẽma duü̃xü̃gü i ngẽma nachixü̃ane i naxca̱x íyaxüãchixü̃ rü wüxi i duü̃xü̃xü̃ naxunetagü nax nadauxü̃taexü̃ca̱x.

Echequié 18:21

Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü naga naxĩnügu i ngẽma chorü mugü, rü aixcüma mexü̃ naxü̱xgu rü tá namaxü̃ rü taxũtáma nayu.

Echequié 3:18

Dücax, rü ngẽxguma choma rü cumaxã nüxü̃ chixuxgu nax wüxi i duü̃xü̃ i chixexü̃gu maxü̃xü̃maxã chaxueguxü̃ i poxcu, natürü i cuma rü tama cunaxucu̱xẽgu nax nüxü̃ naxoxü̃ca̱x i nacüma i chixexü̃ nax ngẽmaãcü namaxü̃xü̃ca̱x, rü nüma rü tá nayu nagagu i norü chixexü̃. Natürü i chomax rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Echequié 33:20

Rü pemax rü muẽ̱xpü̱xcüna rü ñaperügüecha: “Ngẽma Cori ya Tupana üxü̃ rü tama name”. Natürü i chomax, Pa Iraétanüxü̃x, rü aixcüma tá wüxichigüna chaca naxca̱x i ngẽma mexü̃ rüe̱xna chixexü̃ i naxüxü̃ —ñanagürü.

Yeremía 18:8

Natürü ngẽxguma chi ngẽma nachixü̃ane rü nüxna yaxũgachigu i ngẽma chixexü̃ i nagu namaxü̃xü̃, rü marü taxũchima naxca̱x ngéma chanamu i ngẽma poxcu i naxca̱x íchamexẽẽxü̃.

Yeremía 18:10

Natürü ngẽxguma chi ngẽma nachixü̃ane chixexü̃ naxü̱xgu rü tama naga naxĩnügu i ngẽma chorü ucu̱xẽ, rü taxũtáma nüxna chanaxã i ngẽma mexü̃gü i namaxã chaxueguxü̃.