Echequié 32:9 - Tupanaarü Ore

⁹ Rü ngẽma nachixü̃anegü i tama nüxü̃ cucuáxü̃ rü ngẽxguma nüxü̃ nacuáchigagügu nax marü cuyuxü̃, rü choma rü tá muü̃maxã chayadu̱xruxẽxẽ i muxü̃ma i nachixü̃anegü.

Echequié 32:9 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 11:18

Rü ngẽma duü̃xü̃gü i tama cuxrü ixĩgüxü̃ rü poraãcü nanue, natürü nawa nangu i ngẽma ngunexü̃ i nagu tá cunapoxcuexü̃. Rü marü nawa nangu nax nüxü̃ quicagüxü̃ i guxü̃ma i duü̃xü̃gü i yuexü̃. Rü marü nawa nangu nax nüxü̃́ cunaxütanüxü̃ i ngẽma curü duü̃xü̃gü i curü orearü uruü̃gü, rü ngẽma cupe̱xewa imexü̃, rü guxü̃ma i ngẽma cuxü̃ muü̃exü̃ i yaexü̃ rü buexü̃. Rü marü nawa nangu nax icuyanaxoxẽẽxü̃ i ngẽma duü̃xü̃gü i nachixexẽẽxü̃ i ñoma i naane”, ñanagürügü.

Echequié 30:26

Rü ngẽmaãcü i choma rü guxü̃ i nachixü̃anegügu tá chanawoone i ngẽma Equítuanecüã̱xgü. Rü ngẽxguma tá nixĩ i nüxü̃ yacua̱xãchitanüxü̃ nax choma yixĩxü̃ i Iraétanüxü̃arü Cori ya Tupana” —ñanagürü.

Echequié 30:23

Rü ngẽma Equítuanecüã̱xgü rü choma rü guxü̃ i nachixü̃anegu tá chanawoone. Rü ngẽmaãcü ngẽma togü i nachixü̃anegügu tá nawoonemare.

Echequié 29:12

Rü choma rü guxü̃ma i togü i nachixü̃anegüarü yexera tá chanangeãcuxẽxẽ i Equítuane. Rü 40 ya taunecü rü yimá norü ĩanegü rü tá ngéma nawogümare guxü̃nema ya naigü ya ĩanegüarü yexera. Rü taxúetama nawa tamaxü̃. Rü ngẽma togü i nachixü̃anegügu tá chanawoonemare i ngẽma Equítuanecüã̱xgü.

Ínachoxü̃xü̃chiga 15:14

Rü ngẽxguma tá ngẽmaxü̃ nacuáchigagügu i ngẽma nachixü̃anegü rü tá muü̃maxã nidu̱xrue. Rü ngẽma Firitéugü rü tá poraãcü namuü̃e.

Echequié 27:29

Rü yimá naigü ya wapurugüarü ãgütanüxü̃ rü tá nüxna ínachoü̃ i norü wapurugü. Rü yima wapurugüarü puracütanüxü̃ rü guxü̃ma i norü tope̱xeruü̃gü rü dauxchitagu tá nüxna ínachoü̃.

Echequié 28:19

Rü ñu̱xmax rü guxü̃ma i ngẽma togü i nachixü̃anegü i cuxü̃ cua̱xgüxü̃ rü ngẽxguma cuxü̃ nadaugügu rü naba̱i̱xãchie. Erü wüxi i ãũcümaxü̃gu cuyarüxo. Rü tagutáma wena cungo̱x’ ” —ñanagürü ga Cori ya Tupana.

Echequié 30:9

Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.