Echequié 32:7 - Tupanaarü Ore

⁷ Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Echequié 32:7 Referans Kwoze

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

Joel 2:31

Rü yimá üa̱xcü rü tá nixo rü yimá tauemacü rü ñoma nagürüxü̃ tá naduema naxü̃pa i ngẽma ngunexü̃ i nagu tá chanapoxcuxü̃ i ñoma i naane. Rü ngẽma ngunexü̃ rü tá poraãcü naxãũcüma —ñanagürü.

Echequié 30:3

Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Ichaía 34:4

Rü yimá üa̱xcü rü tauemacü rü ẽxtagü rü tá inadexgü. Rü ngẽma ya̱u̱xtüweanexü̃ rü ñoma wüxi i poperarüxü̃ tá nadixcumü. Rü yima ẽxtagü rü tá narüyi. Rü ñoma úbaatügü i paxü̃ rüyi̱xü̃rüxü̃ tá nixĩgü. Rü ngẽma iguatügü i paxü̃ rüyi̱xü̃rüxü̃ tá nixĩgü.

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Joel 3:15

Rü tá nixogü ya üa̱xcü rü tauemacü. Rü taxũtáma marü ninaigü i ẽxtagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 8:12

Rü yema norü ãgümücü ga Tupanaarü orearü ngeruxü̃ rü nayacue ga norü cornéta. Rü wüxi ga yema norü tomaepü̱xarü üye ga üa̱xcü rü nixo. Rü yexgumarüxü̃ ta wüxi ga yema norü tomaepü̱xarü üye ga tauemacü rü woramacurigü rü ẽxtagü rü nixo. Rü yemaacü wüxi ga yema norü tomaepü̱xarü üye ga guxü̃ma ga yema rü naxẽane. Rü ga ngunecü rü ãgümücü ga ora naxẽane. Rü ga chütacü rü ãgümücü ga ora nixo ga tauemacü rü woramacurigü rü ẽxtagü.

Ore i mexü̃ ga Márcu ümatüxü̃ 13:24

Natürü marü nangupetügu i ngẽma ngúxü̃gü, rü ngẽma ngunexü̃gügu rü tá nixo ya üa̱xcü rü taxũtáma inabaxi ya tauemacü.

Amúx 8:9

Rü choma i Cori ya Tupana rü pemaxã nüxü̃ chixu rü ñachagürü: “Rü ngẽma ngunexü̃gu rü tá tocuchigu chayaxoxẽxẽ ya üa̱xcü. Rü woo ngunecü rü tá chanawaanexẽxẽ i ñoma i naane.

Echequié 30:18

Rü ngẽxguma chayanaxoxẽẽgu i Equítuanearü pora i namaxã nügü yacua̱xüü̃güxü̃, rü yima ĩane ya Tafnéxwa tá nixo ya üa̱xcü. Rü caixanexü̃ i waanexü̃ tá Equítuaneétügu nangu. Rü tá ínanayauxü̃ i norü duü̃xü̃gü rü to i nachixü̃anewa tá nanagagü.

Yeremía 13:16

¡Rü Cori ya Tupanaxü̃ picua̱xüxü̃gü naxü̃pa nax nüma waanexü̃ ínanguxẽẽxü̃ rü naxü̃pa nax yima ma̱xpǘnegü ya waanexü̃wa ngẽxmagünegu peyacaipetütanüxü̃, rü naxü̃pa nax waanexü̃ i ãũcümaxü̃xü̃ yanguxuchixẽxẽãxü̃ i ngẽma ngóonexü̃ i ípenanguxẽxẽxü̃!

Ucu̱xẽgüchiga 13:9

Ngẽma mexü̃gu maxẽxü̃, rü ñoma omü i báixemaxü̃rüxü̃ nixĩgü. Natürü ngẽma chixexü̃gu maxẽxü̃, rü ñoma omü i oxü̃rüxü̃ nixĩgü.

Ore i mexü̃ ga Luca ümatüxü̃ 21:25

Rü ngẽxguma rü tá nango̱x i cua̱xruxü̃gü. Rü üa̱xcü rü tauemacü rü woramacurigü rü tá nixĩgachitanü i nachicawa. Rü guxü̃ i nachixü̃anegüwa rü duü̃xü̃gü rü tá nanaxĩ̱xãchiãẽtanü rü tá naba̱i̱xãchie i ngẽxguma poraãcü naxãũgaãchigu i már arü yuapegü.

Yox 9:7

Rü nüma nixĩ i namuaxü̃ ya üa̱xcü nax tama inabaxixü̃ca̱x rü ñu̱xũchi ẽxtagü nax tama yana̱i̱xgüxü̃ca̱x.

Ngu̱xẽẽtaeruü̃arü ore 12:2

¡Rü nüxna nacua̱xãchi ya Tupana ya cuxü̃ ngo̱xẽxẽcü ñoma rü ta i ngẽma caixanexü̃, rü tama nayadüxétü ya üa̱xcü rü tauemacü rü ẽxtagü, rü naxü̃pa nax pucüwena nangẽxmaamaxü̃ i ngẽma caixanexü̃!

Echequié 31:15

Rü choma ya Cori ya Tupana rü ñacharügü: ‘Rü ngẽxguma nayu̱xgu ya yima ocayiwa rü waixü̃mütüü̃wa nangẽxmagu rü choma rü tá chanamu i ngẽma már i mátamaxü̃ nax norü ngechaü̃maxã yachexü̃ca̱x. Rü tá íchayachaxãchixẽxẽ i ngẽma natügü rü natüxacügü. Rü tá chanamu ya yima ma̱xpǘne ya Líbanu nax yima ocayiwaca̱x nangechaxü̃xü̃. Rü ngẽxgumarüxü̃ tá ta chanamu ya yima naigü ya naanewa rüxügüne nax nañe̱xgüxü̃ca̱x.

Echequié 34:12

Rü ñoma carnérugüarü dauruxü̃ i norü carnérugüca̱x oegaãẽxü̃ i ngẽxguma nawoonegu, rü ngẽxgumarüxü̃ tá ta i choma rü naxca̱x chaxoegaãxẽ i ngẽma chorü carnérugü. Rü wüxi ga ngunexü̃ ga ẽanexü̃gu rü taxü̃ ga buanecü ixüxgu rü nügü nawoonemare, natürü i choma rü wena táxarü chayagagü i ngexta ínawoonexü̃wa nax wüxiwa nangẽxmagüxü̃ca̱x.

Joel 2:10

Rü ngẽma munügüpe̱xewa rü naxĩã̱xãchi i ñoma i naane rü caixanexü̃gü. Rü üa̱xcü rü tauemacü rü tá nixogü. Rü woramacurigü rü ẽxtagü rü taxũtáma ninaigü.