Echequié 32:6 - Tupanaarü Ore

⁶ Rü ngẽma waixü̃mü rü tá cugümaxã chayawaianexẽxẽ ñu̱xmata yima ma̱xpǘnegüarü tuãchiwa nangu. Rü yima cugümaxã tá nanapagü i ngẽma natüacügü.

Echequié 32:6 Referans Kwoze

Ichaía 34:3

Rü ngẽma yuexü̃ rü ngéma tá nawogümare. Rü ngẽma naxü̃negü rü tá nanayixanexẽẽgü. Rü nagü rü ma̱xpǘnegüwa tá narüyáü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:20

Rü ĩanearü ĩxpemawa nayama̱i̱xtüxü̃. Rü yema naxpáü̃wa ínagoxochi ga nagü. Rü gumá nagü rü 300 ga quirumétru narübaichi, rü wüxi ga metruarü ngãxü̃ nixĩ ga norü mátama ga gumá nagü.

Ichaía 34:7

Rü ngẽma ãẽ̱xgacügü i Edóü̃cüã̱xgü rü tá nadai ñoma wocagü iyatüxü̃ daiwa nagagüxü̃rüxü̃. Rü ñoma wocaacügürüxü̃ rü wocagü iyatüxü̃rüxü̃ tá nayue i ngẽma Edóü̃cüã̱xgü rü waixü̃mü rü tá nagümaxã nawaiane rü waixü̃müte̱xe rü norü chíxü̃maxã tá guxü̃wama niwaite̱xe.

Ínachoxü̃xü̃chiga 7:17

Rü ngẽmaca̱x ya Cori ya Tupana rü ñanagürü cuxü̃: ‘Ñu̱xma rü tá nüxü̃ cudau nax aixcüma Cori ya Tupana chixĩxü̃. Erü Moichéxü̃ chamu nax norü naixmena̱xã yanangexü̃nemaxã ñaa taxtüchíüwa nacua̱i̱xcaãxü̃ca̱x nax ngẽma dexá rü nagüxü̃ yanguxuchixü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 16:6

Yerü nümagü rü nanadai ga curü duü̃xü̃gü rü curü orearü uruü̃gü, rü inanaba ga nagü. Rü ñu̱xma i cuma rü wüxi i mexü̃ nixĩ i cuxüxü̃ nax ngẽma dexá nagüxü̃ cunaca̱xichixẽẽxü̃ nax nawa naxaxegüxü̃ca̱x i ngẽma duü̃xü̃gü i chixexü̃ ügüxü̃. Erü ngẽma nixĩ i norü natanü naxca̱x nax curü duü̃xü̃güxü̃ nada̱i̱xü̃ rü nagüxü̃ nabaxẽxẽxü̃”, ñanagürü.

Echequié 35:6

Rü cumaxã nüxü̃ chixu rü ñu̱xma nax aixcüma yixĩxü̃ nax chamaxü̃xü̃ i choma rü aixcüma tá nixĩ nax cuyuxü̃ rü curüxoxü̃. Erü cugagu nixĩ nax nayuexü̃ ga yema Iraétanüxü̃, rü ngẽmaca̱x tá cuwe ningechigü i ngẽma yu.

Echequié 35:8

Rü naxü̃negü i ngẽma churaragü i daigu yuexü̃maxã tá chanapagüxẽxẽ i curü ma̱xpǘnegü, rü curü doxonexü̃gü, rü curü natügü.