Echequié 32:27 - Tupanaarü Ore

²⁷ Natürü tama yema nũxcümaü̃güxü̃ ga churaragü ga tama muü̃wa̱xexü̃tanügu nata̱xgü. Rü nümagü ga tama Tupanaaxü̃́ yaxõgüxü̃ rü poraãcü nanamuü̃xẽxẽ ga yema duü̃xü̃gü ga maxẽxü̃, natürü nayue rü naxnegümaxã nanata̱xgü. Rü norü taramaxã nacuxeruxü̃ã̱xgü, rü nügütanecagu nanaxǘgü ga norü poxü̃ruü̃gü.

Echequié 32:27 Referans Kwoze

Echequié 32:21

Rü ngẽma naxmaü̃wa ngẽxmagüxü̃ i churaragü ga yexera iporaexü̃ ga nüxíra yuexü̃ rü íta̱xgüxü̃, rü tá ngẽma Equítuanearü churaragüxü̃ nayauxgü namaxã i ngẽma naétüwa ügüxü̃. Rü ñanagürügü tá: “Dücax, marü nua ãxmaxü̃wa nangugü i ngẽma tama Tupanaaxü̃́ yaxõgüxü̃ i ñu̱xmax daigu yuexü̃”, ñanagürügü tá.

Wiyaegü 109:18

¡Rü ngẽma nacüma i chixexü̃, rü noxtacüma yadü̱xã i naxü̃ne ñoma wüxi i naxchirumaxã idü̱xü̱xü̃rüxü̃! ¡Rü naanügu rü naxchina̱xãgu noxtacüma naxücu i ngẽma chixexü̃ i nagu naxĩnüxü̃ ñoma dexá rüe̱xna chíxü̃ tagu ücuxü̃rüxü̃!

Yox 20:11

Rü ngẽma yatü rü woo nangextü̱xügutama rü naporagutama tá nixĩ i nayuxü̃.

2 Corintios 10:4

Erü ngẽma toxne i namaxã ítanapoxü̃xü̃ i Tupanaarü ore rü tama ñoma i naanecüã̱x namaxã ãxnexü̃ nixĩ. Erü toma rü toxü̃́ nangẽxma i Tupanaarü pora nax ngẽmamaxã itayanaxoxẽẽxü̃ca̱x i Chatanáarü pora rü itayanaxoxẽẽxü̃ca̱x i guxü̃ma i ngẽma ore i duü̃xü̃güaxü̃́ naguxchaxẽẽxü̃ nax tama Tupanaaxü̃́ yaxõgüãxü̃ca̱x. Rü guxü̃ma i ta̱xacü i nagu naxĩnüexü̃ i ngẽma duü̃xü̃gü i chixexü̃, rü Cristuna tanaxuaxü̃ nax nüma namaxã inacuáxü̃ca̱x.

Ore i mexü̃ ga Cuáü̃ ümatüxü̃ 8:24

Rü ngẽmaca̱x pemaxã nüxü̃ chixu rü tá perü pecadugu peyue. Erü ngẽxguma tama choxü̃́ peyaxõgügu nax choma chixĩxü̃ ya Cristu, rü perü pecadugu tá peyue —ñanagürü.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Wiyaegü 92:9

Rü ngẽma curü uanügü, Pa Cori Pa Tupanax, rü tá inayarüxo. Rü guxü̃ma i ngẽma chixexü̃ ügüxü̃ rü tá nawoone.

Wiyaegü 92:7

Rü ngẽma duü̃xü̃gü i chixexü̃gu rüxĩnüexü̃ rü chixexü̃ ügüxü̃ rü nimu ñoma maxẽ i baxcaxü̃rüxü̃, natürü yixcüra rü tá narüxoxochi.

Wiyaegü 49:14

Rü ngẽma yu nixĩ i namaxã icuáxü̃ i duü̃xü̃gü, erü naxmaxü̃wa nanagagü ñoma carnérugü i daiwa gagüxü̃rüxü̃. Rü duü̃xü̃gü rü napatagü ya imexẽchinearü yáxü̃gu rü naxmaxü̃gu tá niyixe i naxü̃negü. Natürü ngẽma ngunexü̃ i nagu yuwa ínadagüxü̃ i duü̃xü̃gü rü ngẽma mexü̃gu maxẽxü̃ rü tá ngẽma chixexü̃gu maxẽxü̃maxã inacua̱xgü.

Echequié 32:28

Rü cumax, Pa Equítuanex, rü ngẽma tama Tupanaaxü̃́ yaxõgüxü̃ i daigu yuexü̃tanüwa tá cungexma rü ngẽmatanügu tá cuta̱x.

Ichaía 14:16

Rü ngẽma duü̃xü̃gü i cuxü̃ daugüxü̃ nax ãmaxü̃gu quixücuchixü̃, rü tá ngéma cuxü̃ narüdaunü rü tá nüxna nacua̱xãchie ga yema cuxüxü̃, rü tá ñanagürügü: “¿Ẽ̱xna ñaachire̱x yixĩxü̃ ga yema yatü ga ñoma i naane idu̱xruxanexẽẽxü̃, rü guxü̃ma ga nachixü̃anegüxü̃ rüporamaexü̃, rü ñoma i naane rü nachica i chianexü̃ yanguxuchixẽẽxü̃, rü ĩanegü rüxoxẽẽgüxü̃, rü poxcuexü̃ tama ínguxü̃xẽẽxü̃?” ñanagürügü tá.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?