Echequié 32:23 - Tupanaarü Ore

²³ Rü ngẽma ãxmaxü̃arü ma̱xmaxü̃xü̃chixü̃gu nata̱xgü. Rü ngẽma Achíriaanearü churaragü rü poraãcü nanamuü̃xẽxẽ i ngẽma duü̃xü̃gü i ñu̱xma maxẽxü̃. Natürü ngẽma churaragü rü daigu nayue. Rü ngẽmagü nixĩ i ñu̱xma Achíriaanemaxü̃cüwagu nata̱xgüxü̃.

Echequié 32:23 Referans Kwoze

Echequié 26:20

Rü ngẽma waixü̃mütüü̃wa tá cuxü̃ chamu, ngẽma nüxíra yuexü̃ íngẽxmagüxü̃wa. Rü waixü̃müarü aixepewaxüchi tá cuxü̃ changexmaxẽxẽ. Rü ngẽma rütauxexüchixü̃ nawa ngẽxmagüxü̃wa tá cuxü̃ changexmaxẽxẽ. Rü tagutáma wena cuwa namaxẽ i duü̃xü̃gü, rü tagutáma texé wena cuxü̃ ítarüdaxẽxẽ i ñoma i naanewa.

Echequié 26:17

Rü ngẽxguma rü tá ñaa yuetaarü wiyaegu cuchiga nawiyaegü: “Pa Ĩane ya Tírux, cuma rü curü duü̃xü̃gümaxã wüxi ya ĩane ya poraxüchichiréne quixĩ. Rü guxü̃ma i ñaa naanewa rü cuxü̃ nacua̱xgü rü curü duü̃xü̃gümaxã cunamuü̃xẽxẽ i nachixü̃anegü. ¿Natürü i ñu̱xmax rü ta̱xacü cuxü̃ nangupetü nax ñaa márcutüwa cutauxchicaxü̃?

Wiyaegü 27:13

Natürü i choma rü chayaxõ nax nüxü̃ tá chadauxü̃ nax aixcüma choxü̃ nangechaü̃xü̃ ya Cori ya Tupana i guxü̃ma i ngẽma ngunexü̃gü i nagu chamaxü̃xü̃gu.

Echequié 32:32

Rü nüma ga Faraóü̃ rü poraãcü nanamuü̃xẽxẽ ga yema duü̃xü̃gü ga maxẽxü̃. Rü yemaca̱x ga nüma rü yema tama Tupanaaxü̃́ yaxõgüxü̃tanügu nata̱x natanügu ga yema daigu yuexü̃ rü yema muxü̃ma ga norü churaragü ga yuexü̃. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Tupana.

Yeremía 11:19

Rü noxri ga choma rü taxuguma charüxĩnü ñoma wüxi i carnéruxacü i norü ma̱xchicawa nagagüxü̃rüxü̃ rü tama nüxü̃ chacua̱x nax wüxi i chixexü̃ cha̱u̱xca̱x ínamexẽẽgüxü̃. Rü yema uanügü rü chauchiga nidexagü rü nügümaxã ñanagürügü: —Ngĩxã tayadaxüchi i ngẽma nai i nanetü i baxcaxüchixü̃, rü wüxicana tayanaxoxẽxẽ natanüwa i ngẽma ñoma i naanewa maxẽxü̃ nax ngẽmaãcü taxúema nüxna cua̱xãchixü̃ca̱x —ñanagürügü.

Ichaía 38:11

Rü nagu charüxĩnü nax tagutáma wena Cori ya Tupanaxü̃ chadauxü̃ i ñoma i naanewa. Rü natanüwa i duü̃xü̃gü i ñoma i naanewa maxẽxü̃ rü taguma wena texéxü̃ chadauxü̃.

Wiyaegü 142:5

Rü cuxna nixĩ i chaca̱xaxü̃, Pa Cori Pa Tupanax, rü cuxü̃ ñachagürü: —Cuma nixĩ i chorü cu̱xchicaxü̃ quixĩxü̃. Rü cuma nixĩ i choxna cunaxãxü̃ i guxü̃ma i ta̱xacü i choxü̃́ ngẽxmaxü̃ i ñoma i naane i nawa chamaxü̃wa —ñachagürü.

Wiyaegü 116:9

Rü ñu̱xma rü Cori ya Tupanaga tá chaxĩnü natanüwa i ngẽma duü̃xü̃gü i ñoma i naanewa maxẽxü̃.

Yox 28:13

Rü nüma i duü̃xü̃ rü tama nüxü̃ nacua̱x nax poraãcü namexü̃ i ngẽma cua̱x. Rü tama ñoma i naanegu nixĩ i nüxü̃ iyarünga̱u̱xü̃ i ngẽma cua̱x.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.