Echequié 32:22 - Tupanaarü Ore

²² “Rü ngẽma ãxmaxü̃wa nangẽxma i Achíriaane. Rü nacüwagu nata̱xgü i guxü̃ma i norü churaragü. Rü guxü̃ma i nümagü rü daigu nayue.

Echequié 32:22 Referans Kwoze

Echequié 32:26

Rü ngẽxgumarüxü̃ ta ngéma naxmaxü̃wa nangẽxma i Méche rü Tubáx namaxã i norü churaragü ga nacüwagu ta̱xgüxü̃. Rü guxü̃ma ga yema rü tama Tupanaaxü̃́ nayaxõgü. Rü poraãcü nanamuü̃xẽxẽ i ngẽma duü̃xü̃gü i maxẽxü̃, natürü nümagü rü daigu nayue.

Echequié 32:24

Rü ngéma naxmaxü̃wa nangẽxma i Eláü̃ namaxã i guxü̃ma i norü churaragü i nacüwagu ta̱xgüxü̃. Rü guxü̃ma i nümagü i tama Tupanaaxü̃́ yaxõgüxü̃ rü daigu nayue rü nata̱xgü. Rü yexguma namaxẽgu rü poraãcü nanamuü̃xẽxẽ i duü̃xü̃gü natürü i ñu̱xma rü ngexü̃rüüxü̃mare i duü̃xü̃gürüxü̃ naxmaxü̃güwa nangẽxmagü.

Ichaía 30:33

Erü nũxcümacürüwatama nixĩ ga Achíriaanearü churaragüca̱x rü norü ãẽ̱xgacüca̱x ínamexẽẽãxü̃ i wüxi i nachica i taxü̃ rü mátamaxü̃ i üxü nawa ngẽxmaxü̃. Rü ngéma nangẽxma ya tacü ya üxü i muxü̃ma i üxü nawa ngẽxmane. Rü nüma ya Cori ya Tupana rü wüxi i cuemaxã tá nayanaixẽxẽ. Rü ñoma üxüema i achúfremaxã inaixü̃rüxü̃ tá nixĩ.

Iraétanüxü̃arü muxchiga 24:24

Rü Chípreanewa tá ne naxĩ ya wapurugü, rü guxü̃netáma ya Achíriaanearü ĩanegügu rü Ébeanearü ĩanegügu rü tá napogüe —ñanagürü.

Echequié 27:23

Rü yema duü̃xü̃gü ga cuxü̃tawa yataxegüxü̃ rü Aráü̃cüã̱x rü Canécüã̱xgü rü Edéü̃cüã̱xgü nixĩgü. Rü Chabáanewa rü Achíriaanewa rü Médiaanewa ne naxĩ ga taxetanüxü̃ nax cuxü̃tawa yataxegüxü̃ca̱x.

Naúü̃ 1:14

Rü Cori ya Tupana rü Nínibearü ãẽ̱xgacüxü̃ ñanagürü: —Cuma rü taxũtáma cuxü̃́ nangema i cutaagü i nüxí cuchicüxü ãẽ̱xgacü ixĩgüxü̃. Rü yima curü tupaucawa ngẽxmagüxü̃ i curü tupananetachicüna̱xãgü rü tá nagu chipogügü. Rü ngẽxma tátama cuxü̃ chata̱x, erü cuma rü wüxi i duü̃xü̃ i chixexü̃arü üruxü̃ quixĩ —ñanagürü.

Ichaía 14:25

Rü tá chanadai i ngẽma Achíriaanecüã̱xgü i chorü naanewa ngẽxmagüxü̃, rü yima chorü ma̱xpǘnegügu tá chayadai. Rü ngẽma nachixü̃aneme̱xẽwa tá tüxü̃ íchanguxü̃xẽxẽ ya chorü duü̃xẽgü ya chixri tümamaxã inacua̱xgüxe. Rü ngẽma guxchaxü̃gü i tüxü̃ yangexẽẽgüxü̃ rü tá inayarüxo.