Echequié 32:19 - Tupanaarü Ore

¹⁹ ¿Ẽ̱xna, Pa Equítuanex, cugügu curüxĩnügu rü natanüwa i guxü̃ma i ngẽma togü i nachixü̃anegü rü cuma nixĩ i guxü̃arü yexera curümemae? Natürü i ñu̱xmax rü tá icuyarütaxu rü naanetüü̃wa tá cungexma namaxã i ngẽma cuxrüxü̃ tama Tupanaxü̃ cua̱xgüxü̃”, ñanagürü.

Echequié 32:19 Referans Kwoze

Echequié 31:18

Rü guxü̃ma ga Edéü̃arü naixnecüwa rü nataxuma ga nai ga guma ocayiwamaxã wüxiguxü̃ rü nataxuma ga naxrüxü̃ mexẽchixü̃ rü taxüchixü̃. Natürü waixü̃mütüü̃wa tá nangẽxma namaxã ga yema togü ga naigü ga Edéü̃cüã̱x ga nüxíra yuexü̃. Rü ngéma tá nangẽxma namaxã ga yema duü̃xü̃gü ga tama choxü̃ cua̱xgüxü̃ rü yema duü̃xü̃gü ga daigu yuexü̃. Rü guma ocayiwa rü ãẽ̱xgacü i Faraóü̃chiga rü norü duü̃xü̃güchiga nixĩ. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.

Echequié 32:24

Rü ngéma naxmaxü̃wa nangẽxma i Eláü̃ namaxã i guxü̃ma i norü churaragü i nacüwagu ta̱xgüxü̃. Rü guxü̃ma i nümagü i tama Tupanaaxü̃́ yaxõgüxü̃ rü daigu nayue rü nata̱xgü. Rü yexguma namaxẽgu rü poraãcü nanamuü̃xẽxẽ i duü̃xü̃gü natürü i ñu̱xma rü ngexü̃rüüxü̃mare i duü̃xü̃gürüxü̃ naxmaxü̃güwa nangẽxmagü.

Echequié 32:21

Rü ngẽma naxmaü̃wa ngẽxmagüxü̃ i churaragü ga yexera iporaexü̃ ga nüxíra yuexü̃ rü íta̱xgüxü̃, rü tá ngẽma Equítuanearü churaragüxü̃ nayauxgü namaxã i ngẽma naétüwa ügüxü̃. Rü ñanagürügü tá: “Dücax, marü nua ãxmaxü̃wa nangugü i ngẽma tama Tupanaaxü̃́ yaxõgüxü̃ i ñu̱xmax daigu yuexü̃”, ñanagürügü tá.

Echequié 31:2

—Pa Yatüx, ¡idexa i Equítuarü ãẽ̱xgacümaxã rü guxü̃ma i norü duü̃xü̃gümaxã, rü nüxü̃ ñanagürü! “¿Ta̱xacügu tá chanangu i curü pora?

Echequié 28:10

Rü to i nachixü̃anecüã̱xgü tá cuxü̃ nima̱xgü. Rü tá cuyu naxrüxü̃ i ngẽma duü̃xü̃gü i tama choxü̃ cua̱xgüxü̃. Rü choma ya Cori ya Tupana nixĩ i nüxü̃ chixuxü̃ i ngẽma ore, rü choma tá chayanguxẽxẽ’ ” —ñanagürü ga Cori ya Tupana.

1 Chamué 17:36

Rü choma i curü duü̃xü̃, Pa Ãẽ̱xgacüx, rü woo leóü̃ yixĩxgu rüe̱xna osu i düraxü̃ yixĩxgu rü chayama̱x. Rü ñaa Firitéu i tama Tupanaxü̃ cuáxü̃ rü ngẽmaãcü tá namaxã chanaxü, erü Tupana ya Maxü̃cüarü churaragüxü̃ naxãũxũne.

1 Chamué 17:26

Rü yexguma ga Dabí rü yema naxü̃tawa yexmagüxü̃na naca rü ñanagürü: —¿Ta̱xacümaxã tá nüxü̃́ naxãtanü ya yimá yatü ya ñaa Firitéuxü̃ imácü rü naxoxẽẽcü nax ngẽma Iraéanecüã̱xgümaxã ta̱xacü nax yaxugüxü̃? ¿Erü ta̱xacü nixĩ i ñaa Firitéu i tama Tupanaxü̃ cuáxü̃ rü ngẽmaca̱x Tupana ya Maxü̃cüarü churaragüxü̃ naxãũxũnexü̃? —ñanagürü.

Echequié 32:26

Rü ngẽxgumarüxü̃ ta ngéma naxmaxü̃wa nangẽxma i Méche rü Tubáx namaxã i norü churaragü ga nacüwagu ta̱xgüxü̃. Rü guxü̃ma ga yema rü tama Tupanaaxü̃́ nayaxõgü. Rü poraãcü nanamuü̃xẽxẽ i ngẽma duü̃xü̃gü i maxẽxü̃, natürü nümagü rü daigu nayue.