Echequié 32:13 - Tupanaarü Ore

¹³ Rü choma rü tá chanadai i guxü̃táma i wocagü i curü taxtüarü dexáwa axegüxü̃. Rü ngẽxguma i ngẽma taxtü rü marü taxũtáma duü̃xü̃gücutümaxã rü naxü̃nagücutügümaxã nabuxchíü.

Echequié 32:13 Referans Kwoze

Echequié 29:11

Rü 40 ya taunecü rü taxúetama nawa tamaxü̃. Rü taxúetama nawa taxüpetü. Rü woo duü̃xü̃gü rü woo naeü̃gü rü taxũtáma nawa nachopetü.

Echequié 29:8

Rü ngẽmaca̱x i choma ya Cori ya Tupana rü ñachagürü cuxü̃: Pa Equítuanex, choma rü tá chanamu i curü uanügü nax taramaxã cuxca̱x íyaxü̃ãchixü̃ca̱x. Rü tá nanadai i curü duü̃xü̃gü rü cuxü̃nagü.

Echequié 34:18

Rü ñuxre i pema rü pechixecüma rü tama petaãẽgü nax woo mecü ya maxẽ nax penangṍxü̃ natürü yima íyaxüxcü rü nagu pepugüe. Rü ñu̱xũchi mechiüxü̃ i dexáwa pexaxegü rü ngẽmawena nawa pecuaixegü nax togüca̱x nabuxchíüxü̃ca̱x.

Echequié 32:2

—Pa Yatüx, ¡nagu nawiyae i ñaa ngechaü̃arü wiyae i Equítuanearü ãẽ̱xgacü i Faraóü̃gu ixuxü̃ rü ñaxü̃! “Cumax, Pa Equítuanearü Ãẽ̱xgacü i Faraóü̃x, rü ñoma wüxi i leóü̃rüxü̃ quixĩ natanüwa i ngẽma togü i nachixü̃anegü. Rü cuma rü ñoma coya i taxü̃ i taxtü i Níruwa icháuxacüüxü̃rüxü̃ quixĩ. Rü cuparacutümaxã quichauxacüxü rü ícunabuxchixü i ngẽma dexá rü cunayuapexẽxẽ i ngẽma taxtü.

Echequié 30:12

Rü choma rü tá chayachexẽxẽ i ngẽma taxtü i Níru. Rü duü̃xü̃gü i chixecümaxüchixü̃güme̱xẽwa tá chanangexmagüxẽxẽ i Equítuanecüã̱xgü nax ngẽmaãcü chanaguãcuxẽxẽ i ngẽma nachixü̃ane guxü̃ma i norü ngẽmaxü̃gümaxã. Rü choma ya Cori ya Tupana nixĩ i nüxü̃ chixuxü̃ i ngẽma’.

Echequié 32:14

Rü ngẽxguma i choma rü tá chanamechíüxẽxẽ nax ngẽma natügü meama yaya̱xgüxü̃ca̱x ñoma chíxü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma.