Echequié 32:11 - Tupanaarü Ore

¹¹ Rü nüma ya Cori ya Tupana rü Faraóü̃xü̃ ñanagürü: “Nüma ya Babiróniaanearü ãẽ̱xgacü rü norü taramaxã tá cuxü̃ nima̱x.

Echequié 32:11 Referans Kwoze

Echequié 30:4

Rü Equítuaneca̱x tá ínangu i dai. Rü ngẽxguma muxü̃ma nadaixgu rü norü ngẽmaxü̃gü napuxü̃gu rü guxü̃nema ya Equítuanearü ĩanegügu napogüegu, rü Etiopíaanearü duü̃xü̃gü rü tá nidu̱xruxe.

Echequié 26:7

Rü choma ya Cori ya Tupana rü nórtewaama tá cuxca̱x íchanaxũxẽxẽ ya Babiróniaanearü ãẽ̱xgacü i Nabucudonochó i guxü̃ i ãẽ̱xgacügüxü̃ rüporamaexü̃. Rü nüma rü tá cuxca̱x ínayagoõchi, Pa Tírux, namaxã i muxü̃ma i norü churaragü i cowarugu ĩxü̃ rü carugu ĩxü̃ rü nacutügu ĩxü̃.

Yeremía 46:13

Rü yexguma Nabucudonochó ga Babiróniaanearü ãẽ̱xgacü ixũãchigu nax Equítuaneca̱x íyagoõchixü̃ca̱x, rü nüma ga Cori ya Tupana rü Yeremíamaxã nidexa.

Yeremía 43:10

¡Rü namaxã nüxü̃ ixu i duü̃xü̃gü rü ñacurügü tá nüxü̃! “Nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: ‘Nua tá chanamu i chorü ngü̃xẽẽruxü̃ i Babiróniaanearü ãẽ̱xgacü i Nabucudonochó. Rü choma rü daa nutagü ya nuxã chata̱xgücüétügu tá chanaxǘ i ngẽma Babiróniacüã̱xarü ãẽ̱xgacüarü tochicaxü̃. Rü daa nutagüétügu tá chayatexechi ya napata.

Echequié 29:19

Rü ngẽmaca̱x i choma rü cumaxã nüxü̃ chixu rü ñachagürü: “Choma rü tá Nabucudonochóme̱xẽwa chanangexmaxẽxẽ i Equítuane nax ngẽmaãcü napuxü̃güãxü̃ca̱x i Equítuanecüã̱xgüarü ngẽmaxü̃gü rü guxü̃ma i nüxü̃́ ngẽxmagüxü̃ nax ngẽmaãcü norü churaragüaxü̃́ naxütanüãxü̃ca̱x.

Echequié 31:11

Rü yemaca̱x ga choma rü nüxü̃ chaxo. Rü wüxi i to i nachixü̃anearü ãẽ̱xgacüme̱xẽgu tá chananguxẽxẽ. Rü ngẽma ãẽ̱xgacü rü tá nanapoxcu nagagu i norü chixexü̃.