Echequié 31:2 - Tupanaarü Ore

² —Pa Yatüx, ¡idexa i Equítuarü ãẽ̱xgacümaxã rü guxü̃ma i norü duü̃xü̃gümaxã, rü nüxü̃ ñanagürü! “¿Ta̱xacügu tá chanangu i curü pora?

Echequié 31:2 Referans Kwoze

Echequié 29:19

Rü ngẽmaca̱x i choma rü cumaxã nüxü̃ chixu rü ñachagürü: “Choma rü tá Nabucudonochóme̱xẽwa chanangexmaxẽxẽ i Equítuane nax ngẽmaãcü napuxü̃güãxü̃ca̱x i Equítuanecüã̱xgüarü ngẽmaxü̃gü rü guxü̃ma i nüxü̃́ ngẽxmagüxü̃ nax ngẽmaãcü norü churaragüaxü̃́ naxütanüãxü̃ca̱x.

Echequié 31:18

Rü guxü̃ma ga Edéü̃arü naixnecüwa rü nataxuma ga nai ga guma ocayiwamaxã wüxiguxü̃ rü nataxuma ga naxrüxü̃ mexẽchixü̃ rü taxüchixü̃. Natürü waixü̃mütüü̃wa tá nangẽxma namaxã ga yema togü ga naigü ga Edéü̃cüã̱x ga nüxíra yuexü̃. Rü ngéma tá nangẽxma namaxã ga yema duü̃xü̃gü ga tama choxü̃ cua̱xgüxü̃ rü yema duü̃xü̃gü ga daigu yuexü̃. Rü guma ocayiwa rü ãẽ̱xgacü i Faraóü̃chiga rü norü duü̃xü̃güchiga nixĩ. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.

Echequié 30:10

Rü Babiróniaanearü ãẽ̱xgacü i Nabucudonochóaxü̃́ tá chanatauxchaxẽxẽ nax naxoxẽẽãxü̃ca̱x i Equítuanearü ngẽmaxü̃gü.

Yema Cuáü̃ nüxü̃ dauxü̃ i yixcüra tá ngupetüxü̃chiga 10:11

Rü ñu̱xũchi chomaxã nüxü̃ nixu, rü ñanagürü choxü̃: “Name nixĩ nax wenaxarü Tupanaarü orexü̃ quixuxü̃ nachiga i muxü̃ma i duü̃xü̃gütücumügü, rü muxü̃ma i nachixü̃anecüã̱xgü i duü̃xü̃gü, rü muxü̃ma i duü̃xü̃gü i to i nagawa idexagüxü̃, rü muxü̃ma i nachixü̃anegüarü ãẽ̱xgacügü”, ñanagürü choxü̃.

Yeremía 1:17

¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.

Yeremía 1:5

—Yexguma taxũta cuxü̃ chango̱xẽẽgu rü woetama marü choma cuxü̃ chaxuneta. Rü naxü̃pa nax cubuxü̃ rü choma rü marü cuxü̃ chayaxu rü nachixü̃anegüarü orearü uruxü̃ cuxü̃ chixĩxẽxẽ —ñanagürü.

Echequié 29:15

Rü wüxi i nachixü̃ane i guxü̃ i nachixü̃anegüarü yexera tama poraxü̃ tá nixĩ. Rü marü taxũtáma wena togü i nachixü̃anegüétüwa nangẽxma. Rü choma rü tá chanaxíxraxẽxẽ nax ngẽmaãcü taxuacüma togü i nachixü̃anegümaxã inacuáxü̃ca̱x.