Echequié 30:9 - Tupanaarü Ore

⁹ Rü ngẽma Etiopíaanecüã̱xgü rü norü poragu nayaxõgü. Natürü ngẽxguma chanapoxcuegu i Equítuane rü choma rü tá márgu chayamugü i orearü ngeruü̃gü nax ngẽma Etiopíaanecüã̱xgüxü̃ namuü̃exẽẽxü̃ca̱x. Rü ngẽma ngunexü̃ rü marü ningaica.

Echequié 30:9 Referans Kwoze

Ichaía 23:5

Rü ngẽxguma ngẽma Equítuanecüã̱xgü nüxü̃ cuáxchigagügu i ngẽma Tíruarü türemaxã ngupetüxü̃ rü poraãcü nangechaxü̃gü rü nüxü̃́ nangu̱x.

Chofonía 2:15

Rü ngẽma tá nüxü̃ nangupetü ya yima ĩane ya nügü írütaxü̃ne rü norü poragu yaxõxü̃ne. Rü ngẽma duü̃xü̃gü i nawa maxẽxü̃ rü ñaãcü nidexagü rü ñanagürügü: “Taxuxü̃ma i nachixü̃ane i ñoma i naanewa ngẽxmaxü̃maxã nawüxigu i tochixü̃ane”, ñanagürügü. Natürü yima ĩane rü tá nangeãcu rü ngẽmaca̱x naeü̃gü i idüraexü̃ tá nawa namaxẽ. Rü ngẽma duü̃xü̃gü i norü ngaicamana chopetüxü̃ rü tá nüxü̃ nacugüe rü nanexáerugü.

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.

Amúx 4:2

Rü nüma ya Cori ya Tupana rü marü norü üüneégagu pemaxã nanaxuegu rü ñanagürü: —Tá ínangu i ngunexü̃ i pexü̃ yawe̱xgüraxü̃ãcüma pexü̃ yagagüxü̃, rü yíxema penegü rü tá poxwamaxã tüxü̃ niwe̱xgüraxü̃.

Echequié 39:6

Rü tá chayagu i ngẽma naane i Magóx. Rü ngẽma duü̃xü̃gü i ngẽma nachixü̃anegü i márpechinüwa taãẽãcü maxẽxü̃ rü naétü tá chanayixẽxẽ ya üxüema. Rü ngẽxguma tá nixĩ i choxü̃ yacua̱xãchitanüxü̃ nax choma yixĩxü̃ ya Cori ya Tupana.

Echequié 38:11

Rü cuma rü tá ñacurügü: ‘Naxca̱x tá íchayagoõchi i wüxi i nachixü̃ane i turaxü̃ i tama nüxü̃ cuáxü̃ nax nügü ínapoxü̃xü̃ rü ngẽma norü duü̃xü̃gü rü taãẽãcü imaxẽxü̃ rü nagu rüxĩnüexü̃ nax taxuxü̃táma i ta̱xacü nüxü̃́ ngupetüxü̃. Rü guxü̃nema ya yima norü ĩanegü rü nataxuma i norü poxeguxü̃gü rü nataxuma i norü ĩã̱xgü rü nataxuma i norü wãxtaruü̃gü.

Echequié 33:33

Natürü guxü̃ma i ngẽma nüxü̃ quixuxü̃ rü tá ningu. Rü ngẽxguma yanguxgu rü ngẽma duü̃xü̃gü tá nüxü̃ nicua̱xãchitanü nax aixcüma natanüwa nayexmaxü̃ ga chorü orearü uruxü̃ —ñanagürü.

Echequié 27:35

Rü ngẽma cuxü̃ ngupetüxü̃gagu rü ngẽma nachixü̃anegü i márpechinüwa ngẽxmagüxü̃arü duü̃xü̃gü rü poraãcü namuü̃e. Rü ngẽma norü ãẽ̱xgacügü rü muü̃maxã nidu̱xruxe. Rü nachametüwa nango̱x nax poraãcü namuü̃exü̃.

Echequié 26:16

Rü guxü̃ma i norü ãẽ̱xgacügü i ngẽma nachixü̃anegü i már arü ngaicamawa ngẽxmagüxü̃, rü ngẽxguma tá nüxü̃ naxĩnüegu i ngẽma pexü̃ ngupetüxü̃, rü tá inachigü i norü tochicaxü̃wa rü tá ínacuxü̃ i norü ãẽ̱xgacüchirugü rü muü̃maxã tá waixü̃müwa narütogü. Rü poraãcü tá namuü̃e, rü taxũtáma ínayachaxãchi nax yadu̱xruxexü̃.

Yeremía 49:31

Rü Cori ya Tupana rü ñanagürü: “¡Naxca̱x ipexĩãchi i ngẽma duü̃xü̃gü i nagu rüxĩnüexü̃ nax taxuxü̃táma ta̱xacü nüxü̃ ngupetüxü̃! Rü ngẽma norü ĩanearü poeguxü̃ rü nataxuma i norü ĩã̱xgü rü nataxuma i norü tairuü̃gü. Rü ngẽma duü̃xü̃gü rü nüxicatama chianexü̃wa namaxẽ.

Yeremía 49:21

Rü ngẽxguma Edóü̃ norü uanügümaxã nügü nadaixgu, rü norü uanügü nüxü̃ rüporamaegügu, rü tá natagatanüxü̃chi, rü ngẽmaca̱x tá nidu̱xruane. Rü ngẽma duü̃xü̃gü rü tá aita naxüe rü ngü̃xẽẽca̱x ínacagü. Rü ngẽma nax aita naxüexü̃ rü tá nüxü̃ naxĩnüe ñu̱xmata Már ya Dauchíüxü̃wa nangu.

Ichaía 47:8

Rü ngẽmaca̱x i ñu̱xmax, Pa Babiróniaanecüã̱x i Ñoma Ngecü i Ngĩrü Meruü̃guxica Rüxĩnücürüxü̃ Pixĩgüx, rü pema rü petaãxẽ nax wüxi i mexü̃wa pengẽxmagüxü̃. Rü pegüãẽwa ñaxü̃gu perüxĩnüe: “Tataxuma ya texé ya taxrüxü̃ poraxe. Rü tagutáma guxchaxü̃wa tangexmagü rü tagutáma taturae”, ñaxü̃gu perüxĩnüe.

Ichaía 20:5

Rü ngẽma togü i nachixü̃anegü i Etiopíaaneaxü̃́ yaxõgüxü̃ nax ínapoxü̃ãxü̃ca̱x rü ngẽma Equítuanecüã̱xmaxã nügü icua̱xüü̃güxü̃ rü tá poraãcü namuü̃e rü naxãnee.

Ichaía 20:3

Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.

Ichaía 19:17

Rü ngẽma Equítuanecüã̱xgü i duü̃xü̃gü rü Yudáanecüã̱xgüxü̃ tá namuü̃e. Rü ngẽxguma ngẽma Yudáanecüã̱xgüna nacua̱xãchiemaregu rü tá naba̱i̱xãchie, erü tá nüxna nacua̱xãchie i ngẽma ãũcümaxü̃ i poxcu i Cori ya Tupana ya Guxãétüwa Ngẽxmacü namaxã ueguxü̃ i Equítuane.

Ãẽ̱xgacügü ga guxchaxü̃güarü mexẽxẽruü̃gü 18:7

Rü nüma ga yema 5 ga ngugütaeruü̃gü rü inaxĩãchi rü Láiwa naxĩ. Rü yema duü̃xü̃gü ga guma ĩanecüã̱xgü rü taxuxü̃ma ga ãũcümaxü̃gu narüxĩnüe yema Chidóü̃cüã̱xgürüxü̃. Rü ínataãxẽgü rü taxuxü̃ma i guxchaxü̃ nügümaxã ínaxüe Rü taxúema ítanachixewegü, rü taxúema nagu tidauxcüraxü̃gü. Rü taxuxü̃ma nüxü̃́ nataxu. Rü Chidóü̃cüã̱xgüarü yáxü̃wa nayexmagü. Rü tama to ga duü̃xü̃gümaxã naxãmücü.

1 Tesalonicenses 5:2

Erü pematama mea nüxü̃ pecua̱x rü ngẽma ngunexü̃ i taxúema nagu ínangũ̱xuxẽẽxü̃gu tá nixĩ i ínanguxü̃ ya tórü Cori ya Ngechuchu. Rü ñoma wüxi i ngĩ́ta̱xaxü̃ i ngürüãchi chütacü ínguxü̃rüxü̃ tá nixĩ.

Echequié 24:14

Rü ngẽma nagu charüxĩnüxü̃ rü taxũtáma chanaxüchicüxü, rü chomatátama chayanguxẽxẽ. Rü cuxü̃ tá chapoxcu nagagu ga cucüma ga nagu cumaxü̃xü̃ rü nagagu ga guxü̃ma ga yema chixexü̃ ga cuxüxü̃. Rü taxũtáma choxü̃́ cuxauxãchitümüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma chorü ore, rü ngẽmaãcü tá chanaxü —ñanagürü ga Cori ya Tupana.

Abacú 2:3

Rü ñu̱xma rü taxũta nawa nangu nax yanguxü̃ ga yema cuxü̃ chawéxü̃. Natürü taxũtáma nangupetümare nax yanguxü̃. ¡Cumax rü mea ínanguxẽxẽ ega woo tama paxa yanguxgu! Erü aixcüma tá ningu i ngẽxguma norü ngunexü̃wa nanguxgux.