Echequié 30:6 - Tupanaarü Ore

⁶ Rü ngẽmaca̱x i choma i Cori ya Tupana rü ñacharügü: ‘Guxü̃ma i ngẽma Equítuaneétüwa ügüxü̃ rü tá daigu nayue. Rü Midóxwa tá inaxügü rü ñu̱xmatáta Achuáü̃gu yacuá nax nayuexü̃. Rü ngẽma ngü̃xẽxẽ i nügü namaxã yacua̱xüxü̃ ga Equítuane rü tá ngẽxma narüxo. Rü choma ya Cori ya Tupana nixĩ i nüxü̃ chixuxü̃ i ngẽma.

Echequié 30:6 Referans Kwoze

Echequié 29:10

Rü ngẽmaca̱x i chomax, rü cumaxã nüxü̃ chixu nax curü uanü chixĩxü̃ rü ngẽma curü taxtüarü uanü chixĩxü̃. Rü guxü̃ma i Equítuane rü tá ãũcümaxü̃ i chianexü̃xü̃ chayaxĩxẽxẽ. Rü Midóxwa tá inaxügü rü ñu̱xmatáta Achuáü̃wa nangu rü Etiopíaanearü üyeanewa nangu rü tá nachianemare.

Naúü̃ 3:9

Rü yema Etiopíaane rü Equítuane nixĩ ga yema Tébaarü poxü̃ruü̃gü ixĩgüxü̃. Rü yema Fúxane rü Líbiaane rü Tébaarü ngü̃xẽẽruü̃gü nixĩgü.

Ichaía 31:3

Rü ngẽma Equítuanecüã̱x rü duü̃xü̃gümare nixĩgü, rü tama tupanagü nixĩgü. Rü ngẽma norü cowarugü rü namachimare nixĩgü, rü tama nixããxẽ. Rü nüma ya Cori ya Tupana rü tá guxchaxü̃ naxca̱x ínanguxẽxẽ i ngẽma Equítuanecüã̱x nax ngẽmaãcü napoxcugüãxü̃ca̱x. Rü ngẽma Equítuanecüã̱x rü ngẽma Iraétanüxü̃ i norü ngü̃xẽẽca̱x daugüxü̃ rü wüxigu tá guxchaxü̃gu nayi rü tá nayue.

Yox 9:13

Rü ngẽxguma nanuxgu ya Cori ya Tupana rü tama nixĩ i tauxchaãcüma nangüxmüxü̃. Rü nape̱xegu nixĩ i nacaxã́pü̱xügüxü̃ i ngẽma ngo̱xo i Raá rü norü ngü̃xẽẽruü̃gü.

Ichaía 49:12

Rü pema ya Iraétanüxü̃ rü tá yáxü̃wama ne pexĩ, rü ñuxre rü nórtewaama rü togü rü oéstewaama rü togü rü Equítuanearü súrwaama tá ne pexĩ.

Echequié 33:28

Rü pechixü̃ane rü tá chianexü̃ i taxúema nagu ãpataxü̃ chayanguxuchixẽxẽ. Rü ngẽma perü pora i namaxã pegü picua̱xüü̃güxü̃ rü tá pexna chanayaxu. Rü Iraéanearü ma̱xpǘnegü rü tá nangeãcuanemare rü taxúetama nawa taxüpetü.

Yeremía 48:14

Rü tama name i Moáanecüã̱xgü ñanagürügü: “Toma rü tama tamuü̃e, rü daitanüxü̃ i poraexü̃ tixĩgü”, ñanagürügü.