Echequié 30:4 - Tupanaarü Ore

⁴ Rü Equítuaneca̱x tá ínangu i dai. Rü ngẽxguma muxü̃ma nadaixgu rü norü ngẽmaxü̃gü napuxü̃gu rü guxü̃nema ya Equítuanearü ĩanegügu napogüegu, rü Etiopíaanearü duü̃xü̃gü rü tá nidu̱xruxe.

Echequié 30:4 Referans Kwoze

Echequié 29:19

Rü ngẽmaca̱x i choma rü cumaxã nüxü̃ chixu rü ñachagürü: “Choma rü tá Nabucudonochóme̱xẽwa chanangexmaxẽxẽ i Equítuane nax ngẽmaãcü napuxü̃güãxü̃ca̱x i Equítuanecüã̱xgüarü ngẽmaxü̃gü rü guxü̃ma i nüxü̃́ ngẽxmagüxü̃ nax ngẽmaãcü norü churaragüaxü̃́ naxütanüãxü̃ca̱x.

Echequié 29:8

Rü ngẽmaca̱x i choma ya Cori ya Tupana rü ñachagürü cuxü̃: Pa Equítuanex, choma rü tá chanamu i curü uanügü nax taramaxã cuxca̱x íyaxü̃ãchixü̃ca̱x. Rü tá nanadai i curü duü̃xü̃gü rü cuxü̃nagü.

Echequié 29:12

Rü choma rü guxü̃ma i togü i nachixü̃anegüarü yexera tá chanangeãcuxẽxẽ i Equítuane. Rü 40 ya taunecü rü yimá norü ĩanegü rü tá ngéma nawogümare guxü̃nema ya naigü ya ĩanegüarü yexera. Rü taxúetama nawa tamaxü̃. Rü ngẽma togü i nachixü̃anegügu tá chanawoonemare i ngẽma Equítuanecüã̱xgü.

Yeremía 50:15

¡Rü norü guxü̃cüwawa ya yima ĩane ya Babirónia rü daimaxã tagaãcü aita pexüe! Rü nüma i Babiróniacüã̱x rü marü pexme̱xgu nayi. Rü norü poxü̃chicaxü̃gü rü marü niwa̱xgü. Rü norü ĩanearü poxeguxü̃tápü̱xgü rü ta rü niwa̱xgü. Rü ngẽma nixĩ i chorü numaxã namaxã chaxüxü̃. ¡Rü yema Babirónia togü ga nachixü̃anegümaxã naxüxü̃rüxü̃ namaxã penaxü̱x i pema!

Ichaía 19:2

Rü nüma ya Cori ya Tupana rü ñanagürü: —Choma rü tá chayatoye i Equítuanecüã̱xgü, rü norü duü̃xü̃gü rü tá nügü chanadaixẽxẽ. Rü nügümücü ixĩgüxü̃ i duü̃xü̃gü rü tá nügü chanadaixẽxẽ. Rü wüxi ya ĩanecüã̱xgü i duü̃xü̃gü rü nai ya ĩanecüã̱xgü i duü̃xü̃gümaxã tá nügü chanadaixẽxẽ, rü Equítuanecüã̱xgü rü tá to i nachixü̃anecüã̱xgümaxã nügü nadai.

Ichaía 16:7

Rü ngẽmagagu i guxü̃ma i Moácüã̱xgü rü tá norü naaneca̱x naxauxe rü poraãcü tá nanaxĩ̱xãchitanüãxẽ. Rü tá nüxü̃́ nangu̱x i ngẽxguma nüxna nacua̱xãchiegu ga yema paũ ga úbamaxã ãéü̃xü̃ ga Quix-arechéxwa nüxü̃́ yexmagüxü̃.

Ichaía 18:1

¡Nügümaxã nangechaü̃ i ngẽma nachixü̃ane i munü nawa muxũchixü̃ i Etiopíaanearü natügüarü yexerawa ngẽxmaxü̃!

Echequié 38:5

Rü tá cuxü̃ ínixümücü i churaragü i Pérchiaanecüã̱xgü, rü Etiopíaanecüã̱xgü rü Líbiaanecüã̱xgü. Rü guxü̃ma i ngẽma churaragü rü tá nixãxne rü nixãpate̱xe rü tá nüxü̃́ nangẽxmagü i norü poxü̃ruü̃gü.

Danié 11:43

Rü tá nayana i guxü̃ma i Equítuanearü ngẽmaxü̃gü i mexẽchixü̃ i úirunaxca̱x rü diẽrumünaxca̱x. Rü ngẽmawena rü Líbiaanegu, rü Etiopíaanegu tá naxücu.

Chofonía 2:12

Rü ngẽxgumarüxü̃ tá ta i pemax, Pa Etiopíaanecüã̱xgüx, rü Cori ya Tupanaarü taragu tá peyue.

Ichaía 20:3

Rü yexguma ga Cori ya Tupana rü ñanagürü: —Chorü duü̃ ya Ichaía rü tomaepü̱x ya taunecü taguma chapatugu nicuaxi rü taguma naxchirugu nicu̱x. Rü ngẽma rü wüxi i cua̱xruxü̃ nixĩ naxca̱x i ngẽma Equítuanecüã̱xgü rü Etiopíaanecüã̱xgü nax ngẽmawa nüxü̃ nacuáxü̃ca̱x i ta̱xacü tá namaxã ngupetüxü̃.

Yeremía 46:9

¡Rü pema i cowarugu ĩxẽ rü ipexĩãchi naxca̱x i uanügü! ¡Rü ngẽxgumarüxü̃ ta i pema i carugu ĩxẽ rü ipexĩãchi! ¡Rü ipexĩãchi i pema i Etiopíaanearü churaragü rü Líbiaanearü churaragü i poxü̃ruü̃maxã ixãxnexü̃! ¡Rü ipexĩãchi i pemax i Lídiaanearü churaragü i mea würamaxã daixü̃ cua̱xgüxü̃!

Echequié 28:23

Rü cuxca̱x tá íchananguxẽxẽ i da̱xaweanegü. Rü curü uanügü rü tá cuxca̱x ínayachoõchi. Rü guxü̃cüwawa tá taramaxã nanadai i curü duü̃xü̃gü, rü muxü̃ma tá nayue. Rü ngẽmaca̱x curü namagüwa rü tá niya̱x ya nagü. Rü ngẽmaãcü tá nüxü̃ quicua̱xãchi nax choma yixĩxü̃ ya Cori ya Tupana’ ”, ñanagürü.