Echequié 30:3 - Tupanaarü Ore

³ Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Echequié 30:3 Referans Kwoze

Abdía 1:15

Rü yema chixexü̃ ga petanüxü̃ ga Iraétanüxü̃ca̱x pexüxü̃ rü ngẽmatátama pemaxã nangupetü. Erü ngẽma nixĩ i perü natanü naxca̱x ga yema chixexü̃ ga pexüxü̃. Rü marü ningaica i ngẽma ngunexü̃ i nagu Cori ya Tupana tá napoxcuexü̃ i guxü̃ma i nachixü̃anegü —ñanagürü.

Echequié 34:12

Rü ñoma carnérugüarü dauruxü̃ i norü carnérugüca̱x oegaãẽxü̃ i ngẽxguma nawoonegu, rü ngẽxgumarüxü̃ tá ta i choma rü naxca̱x chaxoegaãxẽ i ngẽma chorü carnérugü. Rü wüxi ga ngunexü̃ ga ẽanexü̃gu rü taxü̃ ga buanecü ixüxgu rü nügü nawoonemare, natürü i choma rü wena táxarü chayagagü i ngexta ínawoonexü̃wa nax wüxiwa nangẽxmagüxü̃ca̱x.

Echequié 30:18

Rü ngẽxguma chayanaxoxẽẽgu i Equítuanearü pora i namaxã nügü yacua̱xüü̃güxü̃, rü yima ĩane ya Tafnéxwa tá nixo ya üa̱xcü. Rü caixanexü̃ i waanexü̃ tá Equítuaneétügu nangu. Rü tá ínanayauxü̃ i norü duü̃xü̃gü rü to i nachixü̃anewa tá nanagagü.

Echequié 7:12

Marü nawa nangu i ngẽma ngunexü̃, rü ínangu i ngẽma ora. Rü ngẽma taxetanüxü̃ rü taxuca̱xma ta̱xacüca̱x nataãxẽ, rü ngẽma naxca̱x taxexü̃ rü taxuca̱xma ta̱xacüca̱x nangechaxü̃. Erü chorü numaxã tá chanapoxcu i guxü̃ma i ngẽma Iraétanüxü̃ i ñu̱xma nügü icua̱xüü̃güxü̃.

Echequié 7:7

Pa Duü̃xü̃gü i Ñoma i Naanewa Maxẽxü̃x, marü ningaica rü marü nawa nangu i ngẽma ngunexü̃ i nagu tá penaxĩ̱xãchiãẽgüxü̃. Rü marü nayagu̱x ga yema taãxẽ ga ma̱xpǘnegüwa yexmaxü̃, rü ñu̱xma rü muü̃xicatama nangẽxma.

Chofonía 1:14

¡Rü marü ningaica i ngẽma Cori ya Tupanaarü ngunexü̃ i ãũcümaxü̃! ¡Marü ningaica erü nüma rü paxatáma ínangu! Rü ngẽma ngunexü̃ i Cori ya Tupana nua nagu ũxü̃gu rü tá nüxü̃ taxĩnüe i nagagü i poraãcü ngechaü̃ gagüxü̃. Rü woo ngẽma nügü írüporaexü̃ rü tá tagaãcü naxauxe.

Chofonía 1:7

¡Rü Cori ya Tupanape̱xewa perüchianegü! Erü ngẽma norü ngunexü̃ i ãũcümaxü̃ i nagu tá napoxcuexü̃ i ngẽma chixexü̃ ügüxü̃ rü marü ningaica. Rü nüma rü marü nüxna naxu i ngẽma to i nachixü̃anecüã̱x nax nadaiaxü̃ca̱x i ngẽma nüxna ixĩgachitanüxü̃.

Joel 1:15

Erü marü ningaica i Tupanaarü poxcu. Rü ngẽma ngunexü̃ rü poraãcü tá naxãũcüma erü Yimá Guxãétüwa Ngẽxmacü rü tá taxü̃ i poxcu taxca̱x ínanguxẽxẽ.

Echequié 32:7

Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Yema Cuáü̃ nüxü̃ dauxü̃ i yixcüra tá ngupetüxü̃chiga 6:17

Erü marü ínangu i ngẽma ngunexü̃ i ãũcümaxü̃ i nagu norü numaxã napoxcuexü̃ i duü̃xü̃gü. ¿Rü texé tá namaxã tapora i ngẽma?” ñanagürügü.

Popera ga Chantiágu ümatüxü̃ 5:9

Pa Chauenexẽgüx, name nixĩ i nüxü̃ perüxoe nax pegü pixuechaü̃ nax tama ngẽmaca̱x pexna naca̱xaxü̃ca̱x ya Tupana. Erü marü ningaica nax ínanguxü̃ nax duü̃xü̃güxü̃ yacagüxü̃ca̱x i norü maxü̃chiga.

Filipenses 4:5

Rü chanaxwa̱xe i mea pemaxẽ nax guxü̃ma i duü̃xü̃gü pexü̃ nacua̱xgüxü̃ca̱x nax aixcüma mexü̃ i duü̃xü̃gü pixĩgüxü̃. ¡Rü nüxna pecua̱xãchie nax tórü Cori rü paxa tá nataeguxü̃ nax núma naxũxü̃!

Ore i mexü̃ ga Matéu ümatüxü̃ 24:33

Rü ngẽmaãcü tá nixĩ i ngẽxguma nagúxchaü̃gu i naane. Erü ngẽxguma nüxü̃ peda̱u̱xgu nax nangupetüxü̃ i guxü̃ma i ngẽma pemaxã nüxü̃ chixuxü̃, rü ngẽmawa tá nüxü̃ pecua̱x nax marü yangaicaxüchixü̃ nax ínanguxü̃ ya Tupana Nane ya duü̃xü̃xü̃ ixĩcü.

Echequié 29:12

Rü choma rü guxü̃ma i togü i nachixü̃anegüarü yexera tá chanangeãcuxẽxẽ i Equítuane. Rü 40 ya taunecü rü yimá norü ĩanegü rü tá ngéma nawogümare guxü̃nema ya naigü ya ĩanegüarü yexera. Rü taxúetama nawa tamaxü̃. Rü ngẽma togü i nachixü̃anegügu tá chanawoonemare i ngẽma Equítuanecüã̱xgü.

Echequié 7:19

Rü ngẽma ngunexü̃ i Cori ya Tupana nagu napoxcuexü̃gu i duü̃xü̃gü rü taxuwatáma nüxü̃́ name i ngẽma norü úirugü rü norü diẽrugü. Rü ngẽma duü̃xü̃gü rü ñoma guxchirerüxü̃ ĩanearü namagügu tá tüxü̃ nawogü ya norü diẽru rü norü úirugü. Erü nataxutama i õna rü ngẽmaca̱x taxuwatáma nüxü̃́ name i ngẽma norü úirugü rü norü diẽrugü nax tümamaxã nachibüexü̃ca̱x rü norü taiya tümamaxã yañaxẽẽgüxü̃ca̱x. Rü ngẽmaãcü tá namaxã nangupetü i ngẽma duü̃xü̃gü erü ngẽma úirugagu nixĩ ga chixexü̃ naxügüxü̃.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Wiyaegü 110:6

Rü ngẽma nachixü̃anegüca̱x rü tá poxcu naxuegu. Rü ngẽxma tá nayue i muxũchixü̃ i duü̃xü̃gü. Rü guxü̃wama i ñoma i naanewa rü muxü̃tama i ãẽ̱xgacügü tá ínawoxü̃.

Wiyaegü 37:13

Natürü nüma ya Cori ya Tupana rü nüxü̃ nacugü. Erü nüxü̃ nacua̱x nax marü yangaicaxü̃ i norü poxcu i ngẽma duü̃xü̃gü i chixexü̃gu rüxĩnüexü̃.

Ínachoxü̃xü̃chiga 14:24

Natürü yexguma marü ngunetüxü̃wa nanguxgu, rü nüma ga Cori ya Tupana rü yema caixanexü̃ ga üxüemarüxü̃ ixĩxü̃wa Equítuanecüã̱xgüarü churaragüxü̃ nadawenü. Rü nanaxĩ̱xãchiãẽgüxẽxẽ. Rü yemaca̱x nügümaxãtama nanue.

Ínachoxü̃xü̃chiga 14:20

Rü yemaacü ga yema caixanexü̃ rü Equítuanecüã̱xgü rü Iraétanüxü̃arü ngaxü̃wa nixüãchi. Rü yema Equítuanecüã̱xgüca̱x rü nanaxẽanexẽxẽ natürü Iraétanüxü̃ca̱x rü nanangóonexẽxẽ. Rü yemaca̱x nixĩ ga Equítuanecüã̱xgü ga taxucürüwama Iraétanüxü̃xü̃ iyangaugüxü̃ ga yema chütaxü̃gu.

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Echequié 13:5

Rü ngẽma orearü uruü̃güneta rü taxuxü̃ma naxügü nax Iraétanüxü̃xü̃ ínapoxü̃güxü̃ i ngẽxguma nawa nanguxgu i ngẽma ngunexü̃ i nüxü̃ chaxunetaxü̃ nax naxca̱x íyaxüãchixü̃ i norü uanügü.

Ichaía 13:9

Rü marü nawa nangu i ngẽma ngunexü̃ i ãũcümaxü̃ i nagu Tupana norü numaxã tá chianexü̃xü̃ yanguxuchixẽẽxü̃ i ñaa naane. Rü tá nanadai i ngẽma duü̃xü̃gü i chixexü̃arü üruü̃gü i ngẽma naanewa ngẽxmagüxü̃.

Yeremía 25:31

Rü ngẽma naga i ñoma duruanexü̃rüxü̃ ixĩxü̃ rü guxü̃ i naanewa nangu, erü nüma ya Cori ya Tupana rü taxü̃ i poxcu tá naxca̱x ínanguxẽxẽ i guxü̃ma i nachixü̃anecüã̱x i duü̃xü̃gü. Rü norü chixexü̃ca̱x tá nüxna nicachigü i guxü̃ma i duü̃xü̃gü i ñoma i naanewa maxẽxü̃, rü tá yu namaxã naxuegu i ngẽma chixexü̃gu maxẽxü̃. Rü nümatama ya Cori ya Tupana nixĩ i nüxü̃ ixuxü̃ i ngẽma” —ñanagürü.

Echequié 7:10

Rü ñaa nixĩ i ngẽma ngunexü̃, rü marü nawa nangu. Rü marü ínangu i ngẽma poxcu. Rü ngẽma chixexü̃ rü guxü̃wama i ñaa naanewa nangẽxma. Rü duü̃xü̃gü rü guxü̃wama nügü nicua̱xüü̃gü.