Echequié 30:22 - Tupanaarü Ore

²² Rü ngẽmaca̱x i choma ya Cori ya Tupana rü ñachagürü: “Choma rü namaxã charüxuanü i Equítuanearü ãẽ̱xgacü i Faraóü̃. Rü tá chayapoye ya yima taxre ya nachacüxü yima mexü̃ne rü yima marü ipoyene nax ngẽmaãcü taxuacüma naya̱u̱xãxü̃ca̱x i norü tara.

Echequié 30:22 Referans Kwoze

Wiyaegü 37:17

Erü nüma ya Cori ya Tupana rü tá inayanaxoxẽxẽ i ngẽma duü̃xü̃gü i chixexü̃ ügüxü̃. Natürü tá tüxü̃ narüngü̃xẽxẽ ya yíxema mexü̃gu rüxĩnüxe.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

Yeremía 37:7

—Ñaa nixĩ i chorü ore naxca̱x ya yima Yudáanearü ãẽ̱xgacü ya cuxü̃tawa namugücü i norü duü̃xü̃gü nax choxna yacagüxü̃ca̱x. Rü cumaxã nüxü̃ chixu rü ngẽma faraóü̃arü churaragü i marü ixĩãchichiréxü̃ nax pexü̃ yanangü̃xẽẽxü̃ca̱x, rü marü Equítuaneca̱x nawoegu.

Norü taxre ga popera ga ãẽ̱xgacügüchiga 24:7

Rü yexgumama ga Equítuanearü ãẽ̱xgacü rü taguma nachixü̃anena ínaxũxũ yerü nüma ga Babiróniaanearü ãẽ̱xgacü rü marü nüxna nanapu ga guxü̃ma ga yema norü naanegü ga Equítuarü natüacüwa ixügüxü̃ rü ñu̱xmata natü ga Eufrátewa nangu.

Echequié 34:16

Rü choma rü tá naxca̱x chadau i chorü carnérugü i iyarütauxexü̃. Rü tá chayagagü i ngẽma chorü carnérugü i choxna ítüexü̃. Rü ngẽma ibüyeparagüxü̃ rü tá chayanaixgüpara. Rü ngẽma turaexü̃ rü tá nüxü̃ charüngü̃xẽxẽxü̃ natürü ngẽma ingüexü̃ rü iporaexü̃ rü tá chayanaxoxẽxẽ. Rü ngẽmaãcü i choma rü tá mea namaxã ichacua̱x i chorü carnérugü —ñanagürü.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.