Echequié 30:21 - Tupanaarü Ore

²¹ —Pa Yatüx, choma rü marü chayapoye ya nachacüxü i ngẽma Equítuanearü ãẽ̱xgacü ya Faraóü̃. Rü taxúema nüxü̃́ tanaxüxü̃ rü taxúema nüxü̃́ tayana̱i̱xgü nax wena naporaxü̃ca̱x rü wena naya̱u̱xãxü̃ca̱x i norü tara.

Echequié 30:21 Referans Kwoze

Yeremía 46:11

Pa Equítuanecüã̱x ¡Garaáxanewa pexĩ nax ngẽxma naxca̱x peyadaugüxü̃ca̱x i üxüxü̃! Natürü woo muxü̃ i üxüxü̃maxã pexüxüxü̃gu rü taxuwatáma pexü̃́ name. Erü nataxuma i üxüxü̃ i pexca̱x mexü̃.

Yeremía 30:13

Rü tataxuma ya texé ya cuxü̃ ípoxü̃xẽ. Rü tataxuma ya texé ya naxüxü̃xẽ i curü o̱xri. Rü nataxuma i üxüxü̃ nax pexca̱x yataanexü̃ca̱x.

Yeremía 48:25

Rü Cori ya Tupana rü ñanagürü: —Moáanearü pora rü marü nagu narüchixe. Rü marü nataxuma.

Wiyaegü 37:17

Erü nüma ya Cori ya Tupana rü tá inayanaxoxẽxẽ i ngẽma duü̃xü̃gü i chixexü̃ ügüxü̃. Natürü tá tüxü̃ narüngü̃xẽxẽ ya yíxema mexü̃gu rüxĩnüxe.

Echequié 30:24

Rü ñu̱xmax rü tá chanaporaxẽxẽ i Babiróniaanearü ãẽ̱xgacü, rü tá nüxna chanaxã i chorü tara. Rü tá chayapoye ya yima taxre ya nachacüxü ya Faraóü̃. Rü nüma rü norü uanüpe̱xewa tá norü ngu̱xmaxã nixãĩnecüü.

Wiyaegü 10:15

¡Rü iyanaxoxẽxẽ i norü pora i ngẽma chixexü̃gü! ¡Rü nüxna naca nachiga i norü chixexü̃gü, rü bai tá i wüxi i nüxü̃ cuxüpetümarexü̃!

Yema Cuáü̃ nüxü̃ dauxü̃ i yixcüra tá ngupetüxü̃chiga 18:21

Rü ñu̱xũchi wüxi ga Tupanaarü orearü ngeruxü̃ ga daxũcüã̱x rü nanangenagü ga wüxi ga nuta ga taxüchicü ga ñoma tríguarü caruü̃rüxü̃ ixĩcü. Rü yema orearü ngeruxü̃ rü márgü nanaña ga gumá nuta ga taxüchicü, rü ñanagürü: “Ngẽxgumarüxü̃ tá quixĩ nax icuyarüxoxü̃, Pa Ĩane ya Taxü̃ne ya Babiróniax, rü tagutáma texé wena cuxü̃ tadau.

Naúü̃ 3:16

Rü perü taxetanüxü̃ rü ñu̱xma rü namuxũchi ngẽma ẽxtagü i daxũwa ngẽxmagüxü̃rüxü̃. Natürü ngẽma taxetanüxü̃ rü ñoma munügü i nanetü ngṍxü̃ rü ñu̱xũchi ibuxmüxü̃rüxü̃ tá nixĩ nax naxĩgüxü̃.

Ichaía 1:6

Rü pecutüwa inaxügü rü ñu̱xmata peeruwa nangu nax taxuwama namexü̃ i pexene. Rü ngẽma pexene rü o̱xrimaxã rü cuaximaxã rü taixna ichuruxü̃maxã nanapa i guxü̃wama. Rü taxúema texé pexü̃́ tayaxüxü̃gü rü pexü̃́ tayana̱i̱xgü, rü pexü̃́ tayaxĩ̱xãgü chíxü̃maxã i ngextá pexü̃ ínangúxü̃wa.

Yeremía 44:30

Rü nüma ga Cori ya Tupana rü ñanagürü: —Choma rü yexgumarüxü̃ nax Chedequía ga Yudáanearü ãẽ̱xgacü rü Babiróniaanearü ãẽ̱xgacü ga Nabucudonochóme̱xẽgu chanangu̱xẽẽxü̃, nax yamáxü̃, rü choma rü ngẽxgumarüxü̃ tá ta norü uanügü i yama̱xgüxü̃me̱xẽgu chananguxẽxẽ i Ófa i Equítuanearü ãẽ̱xgacü —ñanagürü.

Echequié 39:3

Rü ñu̱xũchi tá chayabüye ya curü würa ya curü to̱xweme̱xẽwa cungexü̃ne. Rü tá chanayixẽxẽ ya yima chuxchigü ya curü tügüneme̱xẽwa cunaxü̃ne.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Norü taxre ga popera ga ãẽ̱xgacügüchiga 24:7

Rü yexgumama ga Equítuanearü ãẽ̱xgacü rü taguma nachixü̃anena ínaxũxũ yerü nüma ga Babiróniaanearü ãẽ̱xgacü rü marü nüxna nanapu ga guxü̃ma ga yema norü naanegü ga Equítuarü natüacüwa ixügüxü̃ rü ñu̱xmata natü ga Eufrátewa nangu.

Wiyaegü 89:43

Rü ngẽma curü duü̃xü̃güarü tara rü cuyatécaxẽxẽ, rü tama nüxü̃ curüngü̃xẽxẽ i ngẽxguma norü uanügümaxã nügü nadaixgux.