Echequié 30:2 - Tupanaarü Ore

² —Pa Yatüx, ¡chauégagu nüxü̃ ixu rü ñanagürü! “Cori ya Tupana rü ñanagürü: ‘¡Perü ngechaü̃maxã aixta pexü na̱xcha̱xwa i ngẽma ngunexü̃ i poxcu tá nagu pexca̱x ínguxü̃!

Echequié 30:2 Referans Kwoze

Ichaía 13:6

¡Rü pixauxe, Pa Babiróniacüã̱x, erü Cori ya Tupanaarü ngunexü̃ rü marü ningaica nax ínanguxü̃! Rü nüma ya Cori ya Tupana ya Guxãétüwa Ngẽxmacü rü tá ínangu nax Babiróniagu yapogüxü̃ca̱x.

Joel 1:11

Rü pema nax naanewa pepuracüexü̃ rü penatoxü̃ ga úbagü rü trigugü rü chebádagü ¡rü poraãcü pengechaü̃güãcüma pexauxe! Erü ngẽma trigu rü chebáda ga petogüxü̃ rü pexü̃́ nayue, rü ngẽmaca̱x taxuxü̃ma pibuxgü.

Joel 1:5

Pa Ngãxẽwa̱xexü̃x ¡rü peba̱i̱xãchie! ¡Pexauxe, Pa Bínuarü Axruü̃güx! Erü ngẽma úbatüxü̃ rü tá inayarütaxu.

Echequié 21:12

Rü cumax, Pa Yatüx, ¡aixta naxü rü curü ngechaü̃maxã naxaxu! Erü ñaa chorü tara rü tá nanadai i guxü̃ma i chorü duü̃xü̃gü rü guxü̃ma i Iraétanüxü̃arü ãẽ̱xgacügü. ¡Rü ñu̱xma nax yu namaxã chaxueguxü̃ i chorü duü̃xü̃gü rü curü ngechaü̃maxã cugüremügu napogü!

Ichaía 15:2

Rü ngẽmaca̱x ngẽma duü̃xü̃gü ya ĩane ya Dibóü̃cüã̱xgü rü norü ngutaque̱xepataxü̃ ya ma̱xpǘnegu ünagünewa naxĩ rü ngéma nayaxauxe. Rü Moátanüxü̃ rü nügümaxã nixauxãchie naxca̱x ya norü ĩanegü ya Nébu rü Medebá nax nanguxuchigüxü̃. Rü guxü̃ma i Moátanüxü̃ rü norü ngechaü̃maxã nügü nidüpü̱xüerugü rü nügü nidüxchinagugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:10

Rü ngẽma ãẽ̱xgacügü rü ngẽxguma nüxü̃ nadaugügu i ngẽma ãũcümaxü̃ i norü poxcu ya yima ĩane rü norü muü̃maxã tá yáxü̃wa nüxü̃ narüdaunü, rü ñanagürügü tá: “Cungechaü̃tümüxü̃, Cungechaü̃tümüxü̃, Pa Taxü̃ne ya Ĩane ya Babirónia ya Guxü̃ i Nachixü̃anegümaxã Icuáxü̃nex. Erü wüxitama i oragu cuxca̱x ínangu i curü poxcu ya Tupana cuxca̱x íngu̱xẽẽxü̃”, ñanagürügü tá.

Popera ga Chantiágu ümatüxü̃ 5:1

Pa diẽruã̱xgüxü̃, ¡Iperüxĩnüe i ñaa ore! ¡Pexauxe rü aita pexüe na̱xcha̱xwa i ngẽma guxchaxü̃gü i tá pexca̱x íngugüxü̃!

Chacaría 11:2

¡Naxaxu, Pa Pinux, erü marü niwa̱x i ngẽma ocayiwagü, rü ngẽma naigü i mexẽchixü̃ rü marü nixae! ¡Aita pexüe, Pa Naigü i Taxü̃gü i Bacháü̃anewa Ngẽxmagüxü̃, erü ngẽma naixnecü rü niye!

Chofonía 1:11

¡Pexauxe, Pa Duü̃xü̃gü i Mercáduwa Taxegüxü̃x! Erü guxü̃táma i taxetanüxü̃ rü tá nayue, Rü guxü̃ma i ngẽma diẽrumaxã puracüexü̃ rü tá inayarüxogü.

Yeremía 47:2

Rü nüma ya Cori ya Tupana rü ñanagürü: —Nórtewaama tá ne naxĩ i muxü̃tama i churaragü. Rü ñoma wüxi i natü i poraãcü bainagüxü̃rüxü̃ tá nixĩgü. Erü tá nagu nachocu i ngẽma nachixü̃ane, rü guxü̃ i ngẽma naanewa tá nangugü. Rü guxü̃ma i ta̱xacü i ngẽma nachixü̃anewa ngẽxmagüxü̃ rü tá nanapuxü̃. Rü tá nagu nachocu ya ĩanegü rü tá ínanayauxü̃ i norü duü̃xü̃gü. Rü guxü̃ma i ngẽma nachixü̃anearü duü̃xü̃gü rü poraãcü tá aita naxüe erü ngúxü̃ ningẽgü.

Yeremía 4:8

¡Rü ngẽmaca̱x techaraxü̃ i naxchirugu picu̱xgü, rü pexauxe, rü ngechaü̃maxã aita pexüe! Erü Cori ya Tupanaarü nu rü tama tüxna nixũgachi —ñanagürü.

Ichaía 65:14

Rü nümagü rü tá taãẽãcüma nawiyaegü, natürü i pema rü tá ngechaü̃maxã rü ĩ̱xãchiãẽmaxã aita pexüe rü pixauxe.

Ichaía 23:6

Rü ngẽma Equítuanecüã̱xgü rü tá ngẽma duü̃xü̃gü i wapuruãcuxü̃ ñanagürügü tá: —Name nixĩ i Tárchixca̱x pewoegu nax ngéma peyaxauxexü̃ca̱x —ñanagürügü tá.

Ichaía 23:1

Ñaa nixĩ i ore i ĩane ya Tíruca̱x ixĩxü̃: Rü yima wapurugü ya Tárchixwa ne ĩxü̃nearü yoragü rü nügümaxã naxauxe, erü ngẽma Tíruarü türe i nawa ínachoü̃xü̃ rü nachixe. Rü ngẽma türe i wapuruarü choü̃chica i nawa wapurugü íchoü̃xü̃xü̃ i ngẽxguma Chíprewa ne naxĩxgu rü marü poraãcü nachixe.

Ichaía 16:7

Rü ngẽmagagu i guxü̃ma i Moácüã̱xgü rü tá norü naaneca̱x naxauxe rü poraãcü tá nanaxĩ̱xãchitanüãxẽ. Rü tá nüxü̃́ nangu̱x i ngẽxguma nüxna nacua̱xãchiegu ga yema paũ ga úbamaxã ãéü̃xü̃ ga Quix-arechéxwa nüxü̃́ yexmagüxü̃.

Ichaía 14:31

¡Rü pegümaxã pengechaü̃güx, Pa Firitéutanüxü̃arü Ĩanegüx, rü wáita pexüe naxcha̱xwa i ngẽma ngúxü̃ i tá pexca̱x ínguxü̃, rü muü̃maxã pidu̱xrue! Erü nórtewaama ne naxĩ i churaragü i ñoma buanecü i wanagüemaxü̃rüxü̃ ixĩxü̃. Rü ngẽma churaragü i ngéma ne ĩxü̃ rü ínamemaregü nax pexü̃ nada̱i̱xü̃.

Echequié 30:1

Nüma ga Cori ya Tupana rü chomaxã nidexa rü ñanagürü: