Echequié 30:18 - Tupanaarü Ore

¹⁸ Rü ngẽxguma chayanaxoxẽẽgu i Equítuanearü pora i namaxã nügü yacua̱xüü̃güxü̃, rü yima ĩane ya Tafnéxwa tá nixo ya üa̱xcü. Rü caixanexü̃ i waanexü̃ tá Equítuaneétügu nangu. Rü tá ínanayauxü̃ i norü duü̃xü̃gü rü to i nachixü̃anewa tá nanagagü.

Echequié 30:18 Referans Kwoze

Echequié 30:3

Erü marü ningaica i ngẽma ngunexü̃ i Cori ya Tupana tá nagu curü poxcu ínguxẽẽxü̃. Rü ngẽma rü wüxi i ngunexü̃ i waanexü̃ rü ãũcümaxü̃ tá nixĩ naxca̱x i guxü̃ma i nachixü̃anegü.

Echequié 29:15

Rü wüxi i nachixü̃ane i guxü̃ i nachixü̃anegüarü yexera tama poraxü̃ tá nixĩ. Rü marü taxũtáma wena togü i nachixü̃anegüétüwa nangẽxma. Rü choma rü tá chanaxíxraxẽxẽ nax ngẽmaãcü taxuacüma togü i nachixü̃anegümaxã inacuáxü̃ca̱x.

Yeremía 2:16

Rü yema Equítuanecüã̱xgü ga ĩanegü ga Ménficüã̱xgü rü Tafnéxcüã̱xgü rü pexü̃ narüporamaegü, Pa Iraétanüxü̃x.

Ichaía 10:27

Rü ngẽma ngunexü̃gu i choma rü tá cuxü̃ íchanaxügachi i ngẽma cuxweta i cuca̱xwegu naxünagügüxü̃ i ngẽma Achíriaanecüã̱xgü, rü tá pexü̃ íchanguxü̃xẽxẽ naxme̱xwa i ngẽma chixri pemaxã icuáxü̃ —ñanagürü.

Ore i mexü̃ ga Matéu ümatüxü̃ 24:29

Rü nawena i ngẽma ngúxü̃gü rü tá nixo ya üa̱xcü, rü taxũtáma inabaxi ya tauemacü. Rü woramacurigü rü ẽxtagü rü tá narüyi. Rü guxü̃ma i daxũwa ngẽxmagüxü̃ rü tá naxĩã̱xãchitanü rü tá nu ne nanaxĩmare.

Joel 3:15

Rü tá nixogü ya üa̱xcü rü tauemacü. Rü taxũtáma marü ninaigü i ẽxtagü.

Echequié 31:18

Rü guxü̃ma ga Edéü̃arü naixnecüwa rü nataxuma ga nai ga guma ocayiwamaxã wüxiguxü̃ rü nataxuma ga naxrüxü̃ mexẽchixü̃ rü taxüchixü̃. Natürü waixü̃mütüü̃wa tá nangẽxma namaxã ga yema togü ga naigü ga Edéü̃cüã̱x ga nüxíra yuexü̃. Rü ngéma tá nangẽxma namaxã ga yema duü̃xü̃gü ga tama choxü̃ cua̱xgüxü̃ rü yema duü̃xü̃gü ga daigu yuexü̃. Rü guma ocayiwa rü ãẽ̱xgacü i Faraóü̃chiga rü norü duü̃xü̃güchiga nixĩ. Rü choma ya Cori ya Tupana nixĩ i nüxü̃ chixuxü̃ i ngẽma’ ” —ñanagürü.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Ichaía 19:1

Dücax, Cori ya Tupana rü wüxi i caixanexü̃étügu Equítuanewa naxũ. Rü ngẽma Equítuanecüã̱xgüarü tupananetachicüna̱xãgü rü Cori ya Tupanaarü poracha̱xwa nidu̱xrue. Rü duü̃xü̃gü i Equítuanecüã̱xgü rü tá poraãcü inayayiãxẽ.

Ichaía 14:25

Rü tá chanadai i ngẽma Achíriaanecüã̱xgü i chorü naanewa ngẽxmagüxü̃, rü yima chorü ma̱xpǘnegügu tá chayadai. Rü ngẽma nachixü̃aneme̱xẽwa tá tüxü̃ íchanguxü̃xẽxẽ ya chorü duü̃xẽgü ya chixri tümamaxã inacua̱xgüxe. Rü ngẽma guxchaxü̃gü i tüxü̃ yangexẽẽgüxü̃ rü tá inayarüxo.

Ichaía 14:11

Rü ñu̱xma nax cuyuxü̃ rü marü ngẽxma nayacua̱x nax cugü quicua̱xüxü̃xü̃ rü marü narüchiane ya curü paetaruxü̃gü ya árpagü. Rü õxmitanügu cupe rü cuxchapenüxü̃ rü õ̱xmigü nixĩ”, ñanagürüchigü.

Ichaía 13:10

Rü ngẽma i ngunexü̃gu rü ngẽma woramacurigü rü ẽxtagü i daxũguxü̃ i naanewa ngẽxmagüxü̃ rü tá nixogü. Rü üa̱xcü rü noxri tátama iyanagoxgu rü nixo, rü tauemacü rü tá ta nixo.

Ichaía 9:19

Rü yimá Cori ya Tupana ya Guxãétüwa Ngẽxmacüarü nugagu nixĩ i yaxãxü̃ i Iraétanüxü̃arü naane, rü ngẽma üxüema nixĩ i yaguxü̃ ya ĩane. Rü duü̃xü̃gü rü taxũtáma nügüenexẽmaxã nügü nangechaü̃gü. Rü taiyamaxã tá nanaxĩ̱xãchiãẽgü. Rü yíxema norü tügünecüwagu ãchixü̃xẽ rü tá tümawemüca̱x nangĩ̱x rü noxtacüma nayaga, natürü tá nataiyaama. Rü ngẽma to rü tá yíxema norü to̱xwecüwagu ãchiü̃xẽ rü tá tüxna nanapu i tümaarü õna, natürü taxũtáma nüxü̃́ ningu. Rü duü̃xü̃gü rü düxwa tá naxacügümaxã nixãwemü.

Ichaía 9:4

Yerü yema Madiáü̃anearü ãẽ̱xgacüme̱xẽwa toxü̃ ícunguxü̃xẽẽgurüxü̃ rü cuma rü toxü̃ ícunguxü̃xẽxẽ nawa ga yema ngúxü̃ ga tingegüxü̃ rü toxü̃ yaxĩ̱xãchitanüãẽxẽẽxü̃ ga yexguma naxme̱xwa tayexmagügu ga yema ãẽ̱xgacü ga chixri tomaxã icuáxü̃.

Ichaía 5:30

Rü ngẽxguma nawa nanguxgu i ngẽma ngunexü̃ rü norü taga i ngẽma nachixü̃anearü churaragü i Iraétanüxü̃ca̱x íyaxüãchixü rü ñoma már arü yuapegarüxü̃ tá nixĩ. Rü ngẽxguma texé nüxü̃ dawenügu i ñoma i naane rü tá nüxü̃ tadau nax nawaanexü̃, rü caixanexü̃ i waemaxü̃ rü tá nanatüpechita ya üa̱xcü.

Lebítanüxü̃arü puracüchiga 26:13

Rü choma nixĩ i perü Cori ya Tupana ga Equítuanewa pexü̃ íchagaxü̃xü̃ nax tama yexü̃cürü naxme̱xwa pengẽxmagüxü̃ca̱x. Rü choma nixĩ ga pexü̃ íchanguxü̃xẽẽxü̃ nawa ga yema taxü̃ ga guxchaxü̃ ga peétüwa yexmaxü̃. Rü ngẽmaca̱x i ñu̱xma rü taxúexü̃ma pemuü̃e.

Ínachoxü̃xü̃chiga 10:15

Rü ga ñaxtüane rü munümaxã nanapá, rü marü taxucürüwa ñaxtüanegu tadau, yerü namuxũchi. Rü nayawa ga guxü̃ma ga nanetü rü norü o ga íyaxügüxü̃ nawena ga yema gáuxü̃pütagü ga dauxü̃wa rüyixixü̃. Rü nataxuma ga nanetü ga ngextá ãátüxü̃ ga guxü̃ma ga Equítuanewa, rü bai ga naanewa rü bai ga naixnecüwa.

Yeremía 27:2

Rü ñanagürü choxü̃: —Chanaxwa̱xe i wüxi i naixmena̱xã i toxcunaxãruxü̃ cuxü! ¡Rü naxütü̱xü! ¡Rü ñu̱xũchi cugünaxãwa yachocuchi i ngẽma toxcunaxãruxü̃!

Yeremía 28:10

Rü yexguma ga Ananía rü Yeremíanaxãwa nanayaxu ga yema toxcunaxãruxü̃ rü íxraxü̃gu nanabüü̃gü.

Yeremía 28:13

—¡Ngéma naxũ, rü Ananíamaxã nüxü̃ yarüxu nax choma ya Cori ya Tupana rü ñachaxü̃: “Cuma rü íxraxü̃gu cunabüü̃gü i ngẽma toxcunaxãruxü̃ i nainaxca̱x, natürü i choma nax guxãétüwa changexmaxü̃ rü marü cuxca̱x chanaxü i wüxi i toxcunaxãxü̃ i fierunaxca̱x!

Yeremía 30:8

Rü choma ya Cori ya Tupana ya Guxü̃étüwa Ngẽxmaxe rü ñachagürü: “Choma rü tá íchananguxü̃xẽxẽ i chorü duü̃xü̃gü naxme̱xwa i ngẽma namugüexü̃. Rü tagutáma wena to i nachixü̃anecüã̱xgüarü mugüruxü̃ nixĩgü.

Yeremía 44:1

Ñaa nixĩ i Tupanaarü ore ga Yeremíamaxã nüxü̃ yaxuxü̃ naxca̱x ga guxü̃ma ga yema Yudíugü ga Equítuanewa yexmagüxü̃ ga ĩanegü ga Midóxwa, rü Tafnéxwa, rü Ménfiwa, rü ñu̱xũchi yema Yudíugü ga Equítuanearü súrwa yexmagüxü̃.

Auxexü̃chiga 2:1

Cori ya Tupana rü poraãcü Yerucharéü̃maxã nanu, rü yemaca̱x ẽanexü̃ naétügu nanguxẽxẽ ga guma ĩane ga noxri mexẽchine. Rü yima Iraéanearü ĩane ga guxü̃nema ga Yudáanearü ĩanegüétüwa üchiréne rü Cori ya Tupana rü dauxü̃wa ne nanamu nax nagu napogüxü̃. Rü woo ga napata ga Chióü̃wa yexmane rü tama nüxna nacua̱xãchi.

Echequié 30:23

Rü ngẽma Equítuanecüã̱xgü rü choma rü guxü̃ i nachixü̃anegu tá chanawoone. Rü ngẽmaãcü ngẽma togü i nachixü̃anegügu tá nawoonemare.

Echequié 32:7

Rü ngẽxguma cuxü̃ chima̱xgu, rü choma rü tá chayaxẽãchianexẽxẽ i dauxü̃wa. Rü tá nixogü ya ẽxtagü. Rü caixanexü̃maxã tá chayadüxtachiwe ya üa̱xcü. Rü yimá tauemacü rü tagutáma inabaxi.

Echequié 34:27

Rü ngẽma nanetügü i naanewa rüxügüxü̃ rü tá nixo. Rü ngẽma naanegü i nanetügü nagu natogüxü̃ rü muxü̃ma i nanetügüarü o tá nawa nabuxgü. Rü ngẽxguma norü uanügüme̱xẽwa íchanguxü̃xẽẽgu i chorü duü̃xü̃gü, rü tá nüxü̃ nicua̱xãchitanü nax choma chixĩxü̃ i norü Tupana.

Echequié 38:9

Rü cumax, Pa Góx, rü ngẽma nachixü̃anewa tá cungu rü ñoma wüxi i caixanexü̃ i waemaxü̃rüxü̃ tá curü muxü̃ma i churaragü i muxü̃ma i nachixü̃anewa ne ĩxü̃maxã cuyapaxẽxẽ i ngẽma nachixü̃ane”, ñachagürü.