Echequié 30:16 - Tupanaarü Ore

¹⁶ Rü Equítuane rü tá chayagu. Rü yima ĩane ya Chíü̃arü duü̃xü̃gü rü tá poraãcü ngúxü̃ ningegü. Rü yima ĩane ya Téba rü tá nagu napogü i norü poeguxü̃, rü yima ĩane ya Ménfi rü guxü̃gutáma guxchaxü̃wa nangẽxmaecha.

Echequié 30:16 Referans Kwoze

Echequié 28:18

Rü yema curü pecadugügagu rü yema nax cunangupetüxẽẽxü̃ ga natanü ga curü yemaxü̃gügagu, rü düxwa curü tupaucagüwa cunanguxẽxẽ ga curü chixexü̃. Rü yemaca̱x curü ngãxü̃wa chanangixta ga wüxi ga üxü nax cuxü̃ yaguxü̃ca̱x. Rü ñu̱xma rü guxü̃ma cuxü̃ nadaugü nax waixü̃müanegu tanimacaxü̃ quixĩxü̃.

Yeremía 44:1

Ñaa nixĩ i Tupanaarü ore ga Yeremíamaxã nüxü̃ yaxuxü̃ naxca̱x ga guxü̃ma ga yema Yudíugü ga Equítuanewa yexmagüxü̃ ga ĩanegü ga Midóxwa, rü Tafnéxwa, rü Ménfiwa, rü ñu̱xũchi yema Yudíugü ga Equítuanearü súrwa yexmagüxü̃.

Echequié 30:13

Rü choma ya Cori ya Tupana rü ñacharügü: ‘Choma rü tá nagu chipogügü i ngẽma Equítuanearü tupananetachicüna̱xãgü. Rü ĩane ya Ménfiwa tá chayanaxoxẽxẽ i ngẽma tupananetagü i ngéma ngẽxmagüxü̃. Rü Equítuane rü tá nangearü ãẽ̱xgacüã̱x. Rü choma rü tá chanamuü̃xẽxẽ i guxü̃ma i ngẽma duü̃xü̃gü i ngéma maxẽxü̃.

Echequié 30:14

Rü yima ĩane ya Patróx rü tá nagu chapogü, rü yima ĩane ya Choáü̃ rü tá chayagu, rü yima ĩane ya Téba rü tá chanapoxcu.

Echequié 30:15

Rü ĩane ya Chíü̃ ya Equítuanearü poxü̃ruxü̃ ya meama ípoxegunegu tá chananguxẽxẽ i chorü nu. Rü yima ĩane ya Tébaarü ngẽmaxü̃gü rü tá chayanaxoxẽxẽ.

Echequié 30:17

Rü ngẽma ngextü̱xüxü̃gü ya ĩane ya Óü̃wa rü ĩane ya Bubátiwa maxẽxü̃ rü daigu tá nayue. Rü yíxema íyaxügüxe i duü̃xü̃gü rü tá tüxü̃ nigagü.

Echequié 39:6

Rü tá chayagu i ngẽma naane i Magóx. Rü ngẽma duü̃xü̃gü i ngẽma nachixü̃anegü i márpechinüwa taãẽãcü maxẽxü̃ rü naétü tá chanayixẽxẽ ya üxüema. Rü ngẽxguma tá nixĩ i choxü̃ yacua̱xãchitanüxü̃ nax choma yixĩxü̃ ya Cori ya Tupana.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.