Echequié 30:15 - Tupanaarü Ore

¹⁵ Rü ĩane ya Chíü̃ ya Equítuanearü poxü̃ruxü̃ ya meama ípoxegunegu tá chananguxẽxẽ i chorü nu. Rü yima ĩane ya Tébaarü ngẽmaxü̃gü rü tá chayanaxoxẽxẽ.

Echequié 30:15 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 16:1

Rü ñu̱xũchi nüxü̃ chaxĩnü ga wüxi ga naga ga tagaãcü gumá Tupanapata ga taxü̃newa inaxũxü̃ ga ñaxü̃ nüxü̃ ga yema 7 ga orearü ngeruü̃gü: “¡Ngéma pexĩ, rü naaneétügu peyabagüãcu i ngẽma 7 i copugü i Tupanaarü numaxã ixããcuxü̃!” ñanagürü.

Naúü̃ 1:6

¿Rü texé tá yáxna namaxã taxĩnü ega tümamaxã nanuxgu ya Tupana? ¿Rü texé tá namaxã tapora i ngẽma norü nu? Erü ngẽma norü nu rü ñoma üxüemaarü naiemaxü̃rüxü̃ nixĩ. Rü nape̱xewa rü narüngǘxtegü ya yimá nutagü ya taxüchicü.

Wiyaegü 11:6

Rü nüma ya Cori ya Tupana rü ñoma pucürüxü̃ tá ngẽma chixexü̃ ügüxü̃étügu nanayixẽxẽ ya ã́xwe rü üxüema i achúfremaxã ãéü̃xü̃. Rü tá naxca̱x ínananguxẽxẽ ya wüxi ya buanecü nax yaxaexü̃ca̱x i guxü̃ma. Rü nüma ya Cori ya Tupana rü ngẽmaãcü tá nanapoxcue i ngẽma duü̃xü̃gü i chixexü̃ ügüxü̃.

Ínachoxü̃xü̃chiga 16:1

Rü guxü̃ma ga Iraétanüxü̃ rü inaxĩãchi ga Eríü̃wa. Rü yema chianexü̃ ga Chíü̃gu ãégaxü̃wa nangugü. Rü ngẽma chianexü̃ i Chíü̃, rü Eríü̃arü rü Chinaíarü ngãxü̃wa nangẽxma. Rü yexguma yéma nangugügu rü marü wüxi ya tauemacüarü ngãxü̃ ningegü ga Equítuanewa nax ínachoxü̃xü̃.

Echequié 30:14

Rü yima ĩane ya Patróx rü tá nagu chapogü, rü yima ĩane ya Choáü̃ rü tá chayagu, rü yima ĩane ya Téba rü tá chanapoxcu.

Echequié 30:16

Rü Equítuane rü tá chayagu. Rü yima ĩane ya Chíü̃arü duü̃xü̃gü rü tá poraãcü ngúxü̃ ningegü. Rü yima ĩane ya Téba rü tá nagu napogü i norü poeguxü̃, rü yima ĩane ya Ménfi rü guxü̃gutáma guxchaxü̃wa nangẽxmaecha.