Echequié 30:13 - Tupanaarü Ore

¹³ Rü choma ya Cori ya Tupana rü ñacharügü: ‘Choma rü tá nagu chipogügü i ngẽma Equítuanearü tupananetachicüna̱xãgü. Rü ĩane ya Ménfiwa tá chayanaxoxẽxẽ i ngẽma tupananetagü i ngéma ngẽxmagüxü̃. Rü Equítuane rü tá nangearü ãẽ̱xgacüã̱x. Rü choma rü tá chanamuü̃xẽxẽ i guxü̃ma i ngẽma duü̃xü̃gü i ngéma maxẽxü̃.

Echequié 30:13 Referans Kwoze

Chacaría 10:11

Rü ngẽma már i Equítuanewa ngẽxmaxü̃wa rü tá nichoü̃. Rü norü yuape rü tá ichayanaxoxẽxẽ. Rü taxtü i Níru rü tá chayapachitamaxẽxẽ. Rü Achíriaanecüã̱xgü i nügü icua̱xüü̃güxü̃ rü tá chanaxãneexẽxẽ. Rü tá ichanaxoxẽxẽ i Equítuanearü pora.

Yeremía 46:14

Rü ñanagürü: —¡Penaxunagü i Equítuanewa rü ĩanegü ga Midóxwa, rü Tafnéxwa, rü Ménfiwa, rü ñaperügügü! ¡Pexuãxẽ rü ípemexẽxẽgü! Erü perü uanü i taramaxã daiwa ĩxü̃, rü poraãcü nanadai i duü̃xü̃gü i perü ĩanegüarü ngaicamana ngẽxmagünewa.

Yeremía 2:16

Rü yema Equítuanecüã̱xgü ga ĩanegü ga Ménficüã̱xgü rü Tafnéxcüã̱xgü rü pexü̃ narüporamaegü, Pa Iraétanüxü̃x.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Chofonía 2:11

Rü nüma ya Cori ya Tupana rü poraãcü tá namaxã nanu. Rü nagu tá nipogügü i ngẽma nachixü̃anearü tupananetachicüna̱xãgü. Rü ñu̱xũchi guxü̃ i nachixü̃anegüwa rü tá Cori ya Tupanaxü̃ nicua̱xüü̃gü, rü woo ngẽma duü̃xü̃gü i capaxũgüwa maxẽxü̃ rü tá nüxü̃ nicua̱xüü̃gü.

Ochéa 9:6

Rü ngẽxguma naxcha̱xwa pibuxmügu i ngẽma poxcu rü ngẽma Equítuanecüã̱xgü rü tá pexü̃ ínayauxü̃, rü norü ĩane ya Ménfigu tá pexü̃ nata̱xgü. Rü ngẽma perü meruü̃gü i diẽrumünaxca̱x rü yima pepatachicawa rü naxcu rü chuchuxü̃ tá narüxügü.

Yeremía 46:25

Rü nüma ya Cori ya Guxãétüwa Ngẽxmacü ya Iraétanüxü̃arü Tupana rü ñanagürü: —Tá chanapoxcu i Amóü̃ ya ĩane ya Tébaarü tupananeta. Rü ngẽxgumarüxü̃ tá ta chanapoxcu i Equítuane wüxigu namaxã i norü tupananetagü. Rü tá chanapoxcu i Equítuanearü ãẽ̱xgacügü, rü nüma i Faraóü̃ rü guxü̃ma i ngẽma duü̃xü̃gü i nagu yaxõgüxü̃

Yeremía 46:5

¿Natürü ta̱xacü nixĩ i nüxü̃ chadauxü̃? Ngẽma churaragü rü taxü̃ i norü muü̃maxã nügü nawoegu. Rü norü uanügücha̱xwa nügü nawoone. Rü nibuxmü rü tama nügü ínidaugü. Rü guxü̃wama nangẽxma i taxü̃ i ãũcümaxü̃. Rü choma ya Cori ya Tupana nixĩ i ngẽma ñachaxü̃.

Yeremía 43:12

Rü nüma rü tá nawa nanangixichi ya napatagü ya Equítuanearü tupananetachicüna̱xãgü. Rü nawa tá nanangixichi i ngẽma tupananetachicü̃na̱xãgü rü togü rü tá nayana ñoma duü̃xü̃gü ígagügurüxü̃. Rü tá inayanaxoxẽxẽ i Equítuanearü chixexü̃ ñoma wüxi i carnéruarü dauruxü̃ rü carnéruchi naxchiruwa ibixü̃xü̃rüxü̃. Rü ngẽmawena rü tá ínixũ rü taxúetama ítayachaxãchixẽxẽ’ ” —ñanagürü.

Ínachoxü̃xü̃chiga 12:12

Erü choma rü ngẽma chütaxü̃ rü nua Equítuanewa tá chaxüpetü. Rü wüxichigü ya Equítuanecüã̱xarü ĩpatawa tá chayama̱x ya yimá nüxíraü̃cü ya nanegü rü nüxíraxü̃xü̃ i naxü̃naxacügü i yatüxü̃. Rü tá ngẽma Equítuanecüã̱xgüxü̃ nüxü̃ chadauxẽxẽ nax ngẽma namaxã natupanaã̱xgüxü̃ rü yangearü poraáxü̃ nax naétüwa nachogüxü̃. Erü chomatama ya Tupana nixĩ i chanaxueguxü̃ i ngẽma chaxüxü̃.

Ichaía 2:18

Rü nüma rü tá inayanaxoxẽxẽ i guxü̃ma i ngẽma tupananetachicüna̱xãgü.

Yeremía 44:1

Ñaa nixĩ i Tupanaarü ore ga Yeremíamaxã nüxü̃ yaxuxü̃ naxca̱x ga guxü̃ma ga yema Yudíugü ga Equítuanewa yexmagüxü̃ ga ĩanegü ga Midóxwa, rü Tafnéxwa, rü Ménfiwa, rü ñu̱xũchi yema Yudíugü ga Equítuanearü súrwa yexmagüxü̃.

Yeremía 46:19

Pemax, Pa Equítuanecüã̱xgüx, ¡Pegü pimexẽxẽgü nax to i nachixü̃anewa pegagüxü̃ca̱x! Rü yima ĩane ya Ménfi rü tá chianexü̃xü̃ nayanguxuchi rü nachitaxü̃xica ngéma nayaxü rü taxúema nawa tamaxẽ.

Echequié 30:16

Rü Equítuane rü tá chayagu. Rü yima ĩane ya Chíü̃arü duü̃xü̃gü rü tá poraãcü ngúxü̃ ningegü. Rü yima ĩane ya Téba rü tá nagu napogü i norü poeguxü̃, rü yima ĩane ya Ménfi rü guxü̃gutáma guxchaxü̃wa nangẽxmaecha.

Yeremía 10:11

Rü Tupana rü ñanagürü: —¡Pa Iraétanüxü̃x, ngẽma duü̃xü̃gü i tama choxü̃ cua̱xgüxü̃maxã nüxü̃ pixu rü ngẽma tupananetachicüna̱xãgü i tama dauxü̃guxü̃ i naane ügüxü̃ rü tama ñoma i naane ügüxü̃, rü tá inayarüxogü i ñoma i naanewa, rü bai i wüxi tá íyaxüxü̃ i daxũguxü̃ i naanetüü̃wa! —ñanagürü.

Yeremía 43:13

Rü tá nagu napogü i Equítuanearü tupananeta i Bex-cheméchicüna̱xãgü. Rü tá nawa nanangixichi ya napatagü ya Equítuanearü tupananetagü, ñanagürü ya Cori ya Tupana.