Echequié 30:11 - Tupanaarü Ore

¹¹ Rü nüma rü norü churaragü i guxü̃ma i togü i nachixü̃anegüarü yexera rüporamaegüxü̃ tá Equítuaneca̱x ínayachoõchi. Rü taramaxã tá Equítuanecüã̱xgüxü̃ nadai. Rü ngẽma nachixü̃ane rü tá yuexü̃maxã nayapa.

Echequié 30:11 Referans Kwoze

Echequié 39:4

Rü cuma rü guxü̃ma i curü churaragü rü duü̃xü̃gü i cuxü̃ ümücügüxü̃maxã tá Iraéanearü máxpü̱xanexü̃gu peyue. Rü tá chanamu i naguxü̃raü̃xü̃ i ngurucugü rü naeü̃gü i düraexü̃ nax pexü̃ nangõ̱xgüxü̃ca̱x.

Echequié 35:8

Rü naxü̃negü i ngẽma churaragü i daigu yuexü̃maxã tá chanapagüxẽxẽ i curü ma̱xpǘnegü, rü curü doxonexü̃gü, rü curü natügü.

Echequié 32:12

Rü choma rü tá chanamu i ngẽma Babiróniaanearü ãẽ̱xgacü namaxã i norü churaragü i chixecümaxüchixü̃ nax nadaiaxü̃ca̱x i ngẽma muxũchixü̃ i curü duü̃xü̃gü. Rü ngẽmaãcü tá nayanaxoxẽxẽ nax nügü ínataxü̃ i Equítuane. Rü tá nanadai i ngẽma muxũchixü̃ i norü duü̃xü̃gü.

Echequié 31:12

Rü ngẽma duü̃xü̃gü i yexera chixecümagüxü̃ rü tá nanatuxgü rü nayawa̱xẽxẽgü. Rü tá ngéma nanata̱xgü rü tá nüxna ngéma nibuxmü. Rü ngẽma nachacüügü rü tá nabüü̃gü rü guxü̃ma i ma̱xpǘnegügu rü ngatexü̃gügu rü natüacügügü tá nayayi. Rü guxü̃ma i ngẽma duü̃xü̃gütücumügü ga norü gáuxpechitaxü̃ca̱x natüxü̃gu ãchiü̃güxü̃ rü tá nibuxmü rü tá ngéma nanata̱xgü.

Wenaxarü naxümatü ga Tupanaarü mugü 28:50

Rü ngẽma nachixü̃anecüã̱x i duü̃xü̃gü rü ninuchiwe, rü taxũtáma tüxü̃ nangechaü̃gü i yaxguã̱xgü rü woo buxegü rü taxũtáma nüxü̃́ tangechaü̃tümüü̃gü.

Echequié 30:24

Rü ñu̱xmax rü tá chanaporaxẽxẽ i Babiróniaanearü ãẽ̱xgacü, rü tá nüxna chanaxã i chorü tara. Rü tá chayapoye ya yima taxre ya nachacüxü ya Faraóü̃. Rü nüma rü norü uanüpe̱xewa tá norü ngu̱xmaxã nixãĩnecüü.

Echequié 31:11

Rü yemaca̱x ga choma rü nüxü̃ chaxo. Rü wüxi i to i nachixü̃anearü ãẽ̱xgacüme̱xẽgu tá chananguxẽxẽ. Rü ngẽma ãẽ̱xgacü rü tá nanapoxcu nagagu i norü chixexü̃.