Echequié 3:7 - Tupanaarü Ore

⁷ Natürü ngẽma Iraétanüxü̃ rü taxũtáma cuga naxĩnüe, erü tama chauga naxĩnüechaü̃. Rü guxü̃ma i ngẽma Iraétanüxü̃ rü tama chauga naxĩnüe rü tama choxü̃ nacua̱xgüchaü̃.

Echequié 3:7 Referans Kwoze

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Echequié 2:4

Rü nümagü i ngẽma duü̃xü̃gü rü tama chauga naxĩnüechaü̃ rü tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i ñaa chorü ore —ñanagürü ga Cori ya Tupana.

1 Chamué 8:7

Natürü nüma ga Cori ya Tupana rü Chamuéxü̃ nangãxü̃ga rü ñanagürü: —¡Ẽcü, naxü i ngẽma cuxna naxca̱x nacagüxü̃! Erü tama cuxü̃ nixĩ i naxõõ̱xgüxü̃, rü choxü̃waxi nixĩ, erü tama nanaxwa̱xegü i norü ãẽ̱xgacü nax chixĩxü̃.

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.

Ore i mexü̃ ga Luca ümatüxü̃ 13:34

Rü dücax, Pa Yerücharéü̃cüã̱x, pema peyadaietanü i Tupanaarü orearü uruü̃gü, rü nutamaxã ípenamuxũchigü i Tupanaarü orearü ngeruü̃gü i pexca̱x núma namugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃, ñoma wüxi i ota ya naxacüã̱x nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Echequié 24:7

Rü cumax, Pa Yerucharéü̃x, rü nagümaxã cunapa. Rü ngẽma duü̃xü̃gü i cuda̱i̱xü̃ rü tama waixü̃müanegu cunaba ya yimá nagü nax ngẽmaãcü waixü̃müte̱xe iyanaxoxẽẽxü̃ca̱x. Natürü nutaétügu cunaba nax ngẽmaãcü mea nangóxü̃ca̱x ya yimá nagü.

Yeremía 44:16

—Taxũtáma naga taxĩnüe i ngẽma Tupanaarü ore i tomaxã nüxü̃ quixuxü̃.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.

Yeremía 3:3

Rü ngẽmaca̱x ngẽxguma primaberawa nanguxgu nax petoegüxü̃ rü nataxutama ya pucü. Erü pema rü ñoma wüxi i ngexü̃ i naxü̃nemaxã taxexü̃rüxü̃ãcü pemaxẽ. Rü name i naxca̱x pexãnee i ngẽma chixexü̃ i pexüxü̃.

Ichaía 3:9

Rü ngẽma duü̃xü̃gü rü nachametüwatama nango̱xama nax chixexü̃ naxügüxü̃. Rü ngẽma duü̃xü̃gü rü Chodómacüã̱xgürüxü̃ norü pecadumaxã nügü nicua̱xüxü̃, rü tama naxãnee. Rü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃gü, erü nümagütama naxca̱x nadaugü i norü poxcu.

Ichaía 48:4

Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.

Echequié 3:6

Rü tama natanüwa cuxü̃ chamu i nachixü̃anegü i muarü duü̃xü̃ã̱xgüxü̃ i guxchaxü̃ i nagawa idexagüxü̃ i taxũchima nüxü̃ cuxĩnüxü̃. Natürü ngẽxguma chi natanüwa cuxü̃ chamuxgu i ngẽma duü̃xü̃gü i to i nagawa idexagüxü̃, rü nümagü rü cuga chi naxĩnüe.

Echequié 3:8

Natürü i choma rü ngẽma duü̃xü̃gü i tama chauga ĩnüexü̃pe̱xewa tá cuxü̃ chaporaxẽxẽ nax tama ngẽma duü̃xü̃güga cuxĩnüxü̃ca̱x i ngẽxguma namaxã quidexagu.

Chacaría 7:12

Rü ñoma nuta i diamánterüxü̃ nügü nataiarü maxü̃neã̱xgü nax tama naga naxĩnüexü̃ca̱x ga yema Tupanaarü ucu̱xẽ rü norü mugü ga Tupana ya Guxãétüwa Ngẽxmacü Naãxẽ ya Üünecüwa rü nũxcümaü̃güxü̃ ga norü orearü uruü̃gümaxã nüxü̃ ixuxü̃. Rü yemaca̱x ga Cori ya Tupana rü düxwa poraãcü namaxã nanu.

Yeremía 6:10

Rü yexguma ga choma rü chanangãxü̃ rü nüxü̃ ñachagürü: —¿Rü texé tá choxü̃ taxĩnü i ngẽxguma namaxã chidexagu rü namaxã nüxü̃ chixuxgu i ngẽma curü ore? Erü nümagü, Pa Corix, rü nügü narüpoxtamachiẽ̱xgü rü ngẽmaca̱x taxucürüwa nüxü̃ naxĩnüe. Rü nüxü̃ nacugüe i ngẽma curü ore, erü tama norü me nixĩ.

Yeremía 6:17

Rü nüma ga Cori ya Tupana rü daxũtaeruü̃gü yexma namugü. Rü ñu̱xũchi ñanagürü nüxü̃ ga yema norü duü̃xü̃gü: —¡Ẽcü mea naxca̱x iperüxĩnüe i ngẽma ãũcümaxü̃arü cua̱xruxü̃! —ñanagürü. Natürü ga yema duü̃xü̃gü rü ñanagürügü: —Tama naga taxĩnüechaxü̃ —ñanagürügü.

Yeremía 7:27

Rü choxü̃ ñanagürü: —¡Rü cumax, Pa Yeremíax, ẽcü ngẽma duü̃xü̃gümaxã nüxü̃ ixu i guxü̃ma i ngẽma cumaxã nüxü̃ chixuxü̃, woo tama cuga naxĩnüegu! ¡Rü nataga woo tama cuxü̃ nangãxü̃gügu!

Chacaría 7:11

Natürü nüma ga duü̃xü̃gü rü tama naga naxĩnüe ga yema Tupanaarü ucu̱xẽ. Rü guxü̃ma rü na̱xcha̱xwa nidaugachitanü rü nügü nangauxchixẽgüxẽxẽ nax tama nüxü̃ naxĩnüexü̃ca̱x.