Echequié 3:27 - Tupanaarü Ore

²⁷ Natürü ngẽxguma ta̱xacüxü̃ tá cumaxã chixuxgu i choma rü cuxü̃ tá chidexaxẽxẽ. Rü ngẽxguma rü ñacurügü tá nüxü̃ i ngẽma duü̃xü̃gü: “Ngẽma pemaxã nüxü̃ chixuxü̃ rü ngẽma nixĩ i Cori ya Tupanaarü ore”, ñacurügü tá. Rü ngẽma irüxĩnüchaü̃xü̃, rü tá inarüxĩnü, natürü ngẽma tama irüxĩnüchaü̃xü̃ rü taxũtáma inarüxĩnü, erü ngẽma duü̃xü̃gü rü tama ĩrüxĩnüechaü̃xü̃ nixĩgü —ñanagürü.

Echequié 3:27 Referans Kwoze

Echequié 24:27

Rü cumax, Pa Echequiéx, rü ngẽma ngunexü̃gu rü tá namaxã quidexa i ngẽma duü̃xü̃ i cumaxã nüxü̃ ixuxü̃ i ngẽma ngupetüxü̃. Rü cumatátama nixĩ i cua̱xruxü̃ quixĩxü̃ naxca̱x i ngẽma duü̃xü̃gü. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana” —ñanagürü choxü̃ ga Tupana.

Echequié 3:11

¡Rü natanüwa naxũ i ngẽma cutanüxü̃ i ínamugüãxü̃wa ngẽxmagüxü̃ rü namaxã nüxü̃ yarüxu i ngẽma ore i cumaxã nüxü̃ chixuxü̃! Rü ngẽxguma cuga naxĩnüegu rüe̱xna tama cuga naxĩnüegu, rü ñacurügü tá nüxü̃: “Cori ya Tupana ya Guxãétüwa Ngẽxmacü nixĩ i ngẽma ñacü pexü̃” —ñanagürü.

Echequié 29:21

Rü ngẽma ngunexü̃gu rü wena tá chanaporaexẽxẽ i Iraétanüxü̃ noxrirüxü̃. Rü ngẽxguma i cumax, Pa Echequiéx, rü tá tauxchaãcü namaxã quidexa. Rü ngẽxguma i nümagü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana” —ñanagürü choxü̃.

Efesios 6:19

Rü ngẽxgumarüxü̃ ta chanaxwa̱xe i cha̱u̱xca̱x peyumüxẽgü nax Tupana choxü̃ rüngü̃xẽẽxü̃ca̱x rü choxna naxããxü̃ca̱x i ngẽma ore i nüma nanaxwa̱xexü̃ nax nüxü̃ chixuxü̃. Rü chanaxwa̱xe i Tupanana naxca̱x peca nax choxü̃ naporaxẽẽxü̃ca̱x nax tama chamuü̃ãcüma nüxü̃ chixuxü̃ca̱x rü mea chanango̱xẽẽxü̃ca̱x i ngẽma norü ore i Cristuchiga ga noxri ẽxü̃guxü̃ i ñu̱xma maxü̃ tüxna ãxü̃.

Ore i mexü̃ ga Luca ümatüxü̃ 21:15

Erü choma tá pexü̃ charüngü̃xẽxẽxü̃ nax nüxü̃ pecuáxü̃ca̱x nax ta̱xacümaxã penangãxü̃xü̃ i perü uanügü. Rü nümagü rü taxũtáma nüxü̃ nacua̱xgü nax ta̱xacümaxã pexü̃ nangãxü̃güxü̃ i ngẽxguma.

Ore i mexü̃ ga Matéu ümatüxü̃ 13:9

Rü yíxema ãchi̱xẽgüxe, ¡rü nüxü̃ taxĩnüe i ñaa ore! —ñanagürü.

Ore i mexü̃ ga Matéu ümatüxü̃ 11:15

Rü yíxema ãchi̱xẽgüxe, ¡rü naga taxĩnüe i ngẽma ore!” ñanagürü.

Echequié 33:32

Rü ngẽma duü̃xü̃gü rü cuxü̃ nadaugü nax nüxü̃ cucuáxü̃ nax nagu cuwiyaexü̃ i ãarüã̱xarü wiyaegü, rü cumegaxü̃, rü nüxü̃ cucuáxü̃ i árpaarü paxü. Rü inarüxĩnüechire̱x i curü ore i nüxü̃ quixuxü̃, natürü tama aixcüma nagu namaxẽ.

Echequié 33:22

Rü yema chütaxü̃ naxü̃pa nax chauxü̃tawa nanguxü̃ ga yema Yerucharéü̃wa íñaxü̃ ga yatü, rü Cori ya Tupana rü choxü̃ ningõgü rü choxü̃ nangegaxẽxẽ. Rü ngẽxguma moxü̃ãcü pa̱xmama chauxü̃tawa nanguxgu ga yema yatü rü Cori ya Tupana rü wena choxü̃ nidexaxẽxẽ.

Echequié 11:25

Rü ñu̱xũchi ga choma rü yema chautanüxü̃ ga Babiróniaanewa gaguxü̃maxã nüxü̃ chixu ga guxü̃ma ga yema Tupana choxü̃ wéxü̃.

Echequié 3:26

Rü ñu̱xũchi i choma rü cuxmanaawa tá cuxü̃ chayaxũarü conüã̱xẽxẽ rü tá cungea̱x. Rü taxucürüwa tá cuyaxucu̱xẽgü i ngẽma duü̃xü̃gü i chixexü̃gu maxẽxü̃ rü nuewa̱xegüxü̃.

Echequié 3:9

Rü aixcüma tá cuxü̃ chaporaxẽxẽxü̃chi nax ñoma diamánterüxü̃ rü ñoma nuta i taixü̃rüxü̃ cutaixü̃ca̱x nape̱xewa i ngẽma duü̃xü̃gü. ¡Rü taxṹ i nüxü̃ cumuü̃xü̃! ¡Rü taxṹ i nachametügümaxã cubaixãchixü̃ i ngẽxguma yexera chomaxã nanuegu! —ñanagürü choxü̃.

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Echequié 2:4

Rü nümagü i ngẽma duü̃xü̃gü rü tama chauga naxĩnüechaü̃ rü tama choxü̃ nacua̱xgüchaü̃. Rü ngẽmatanüwa tá nixĩ i cuxü̃ chamuxü̃ nax namaxã nüxü̃ cuyarüxuxü̃ca̱x i ñaa chorü ore —ñanagürü ga Cori ya Tupana.