Echequié 3:26 - Tupanaarü Ore

²⁶ Rü ñu̱xũchi i choma rü cuxmanaawa tá cuxü̃ chayaxũarü conüã̱xẽxẽ rü tá cungea̱x. Rü taxucürüwa tá cuyaxucu̱xẽgü i ngẽma duü̃xü̃gü i chixexü̃gu maxẽxü̃ rü nuewa̱xegüxü̃.

Echequié 3:26 Referans Kwoze

Echequié 24:27

Rü cumax, Pa Echequiéx, rü ngẽma ngunexü̃gu rü tá namaxã quidexa i ngẽma duü̃xü̃ i cumaxã nüxü̃ ixuxü̃ i ngẽma ngupetüxü̃. Rü cumatátama nixĩ i cua̱xruxü̃ quixĩxü̃ naxca̱x i ngẽma duü̃xü̃gü. Rü ngẽmaãcü tá nüxü̃ nicua̱xãchitanü nax choma yixĩxü̃ i Iraétanüxü̃arü Cori ya Tupana” —ñanagürü choxü̃ ga Tupana.

Wiyaegü 137:6

Rü ngẽxguma cuxü̃ charüngümagu rü tama choxrütama taãẽétüwa cuxü̃ chaxǘxẽẽgu, Pa Yerucharéü̃x ¡rü daa chorü conü rü name i nua chauxmanaxãwa yaxũ nax taguma wena chawiyaexü̃ca̱x!

Wiyaegü 51:15

Pa Corix ¡ẽcü choxü̃ ichoxẽxẽ nax cuxca̱x chawiyaexü̃ca̱x rü ngẽmaãcü cuxü̃ chicua̱xüxü̃xü̃ca̱x!

Amúx 5:10

¡Rü pegümaxã pengechaxü̃gü i pema nax tümachi pexaixü̃ ya yíxema ãẽ̱xgacüpe̱xewa ínapoxü̃́xe i ngẽma duü̃xü̃ i aixcümaxü̃ ixuxü̃! Rü pema rü tüxü̃ pexoe ya yíxema aixcümaxü̃ ixuxe.

Ochéa 4:17

Ngẽma Iraéanecüã̱xgü rü tama nüxü̃ narüxoechaü̃ nax nüxü̃ yacua̱xüü̃güxü̃ i ngẽma tupananetachicüna̱xãgü. ¡Ngexrüma nax nüxicatama inarüchó! Rü nangãxẽ rü naxca̱x nadaugü i ngẽma ngexü̃gü i ngĩxü̃nemaxã taxegüxü̃ rü namaxã namaxẽ. Rü ngẽma mexü̃arü yexera naxca̱x nadaugü i ngẽma chixexü̃.

Auxexü̃chiga 2:9

Rü yemaacü ga guma ĩane rü nüxü̃́ nataxuma ga norü ĩã̱xgü rü nüxü̃́ nataxuma ga norü chotaruü̃gü yerü naxtapü̱xmaxã wüxigu niwa̱xgü ga ĩã̱xgü rü nipue ga norü chotaruü̃gü. Rü Yerucharéü̃arü ãẽ̱xgacü rü norü ngü̃xẽẽruü̃gü rü duü̃xü̃gü i tama yaxõgüxü̃me̱xẽwa nangẽxmagü. Rü ngẽma Cori ya Tupanaarü mugü rü marü nataxuma i natanüwa. Rü ngẽma Tupanaarü orearü uruü̃gü rü nüma ya Tupana rü marü tama nanango̱xetüxẽẽgü.

Yeremía 1:17

¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.

Ichaía 1:2

Pa Daxũguxü̃ i Naanecüã̱x rü Ñoma i Naanecüã̱x ¡rü iperüxĩnüe i ñaa Tupanaarü ore i ñaxü̃: —Yema chaunegü ga mea chayaexẽẽxü̃ rü ñu̱xma rü tama chauga naxĩnüe!

Echequié 33:22

Rü yema chütaxü̃ naxü̃pa nax chauxü̃tawa nanguxü̃ ga yema Yerucharéü̃wa íñaxü̃ ga yatü, rü Cori ya Tupana rü choxü̃ ningõgü rü choxü̃ nangegaxẽxẽ. Rü ngẽxguma moxü̃ãcü pa̱xmama chauxü̃tawa nanguxgu ga yema yatü rü Cori ya Tupana rü wena choxü̃ nidexaxẽxẽ.

Danié 10:15

Rü yexguma yemaxü̃ chomaxã íyaxuyane rü charümaxãchi rü waixü̃müanegu chadawenü rü changeã̱xmare.

Ochéa 4:4

Rü nüma ya Cori ya Tupana rü ñanagürü: —Dücax, Pa Chacherdótex, cugagu nixĩ i ngẽma guxchaxü̃ i nagu nanguxü̃ i ngẽma cuchixü̃ane. Rü tama name i toguena cunaxu i ngẽma chixexü̃.

Echequié 12:3

¡Rü ngẽmaca̱x namexẽxẽ i ngẽma quingexchaü̃xü̃ ñoma to i nachicawa cuxũxü̃rüxü̃! ¡Rü ngunecütama rü guxü̃ma i duü̃xü̃güpe̱xewa ínaxũxũ i cupatawa rü to i nachicawa naxũ! Rü bexmana ngẽmawa tá nügü nicua̱xãchitanü nax duü̃xü̃gü i tama chauga ĩnüechaü̃xü̃ nax yixĩgüxü̃.