Echequié 3:21 - Tupanaarü Ore

²¹ Natürü i cumax, rü ngẽxguma chi cunaxucu̱xẽgu i ngẽma duü̃xü̃ nax tama chixexü̃ naxüxü̃ca̱x rü nüma rü cuxü̃́ inaxĩnügu nax tama wena chixexü̃ naxüxü̃ rü tá namaxü̃ erü cuga naxĩnü. Rü cuma rü tá ta cumaxü̃ —ñanagürü choxü̃ ga Tupana.

Echequié 3:21 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

Popera ga Chantiágu ümatüxü̃ 5:20

Erü ngẽxguma texé Tupanaca̱x nataeguẽẽgu i wüxi i duü̃xü̃ nüxna i norü chixexü̃, rü tümagagu Tupana tá nanamaxẽxẽ i ngẽma duü̃xü̃, rü tá nüxü̃́ nüxü̃ narüngüma i ngẽma muxü̃ i norü pecadugü.

Popera ga Títoca̱x naxümatüxü̃ ga Pauru 2:15

Rü ngẽma ore tá nixĩ i Tupanaarü poramaxã duü̃xü̃güxü̃ namaxã cungúexẽẽxü̃ rü nüxü̃́ cunangúchaü̃xẽẽxü̃ rü namaxã cunaxucu̱xẽxü̃ nax Tupanaca̱x namaxẽxü̃ca̱x. Rü tama name nax texé cuxü̃ oxü̃.

1 Corintios 4:14

Tama pexca̱x chanaxümatü i ngẽmachiga nax pexü̃ chaxãneexẽẽxü̃ca̱x. Natürü pexca̱x chanaxümatü nax pexü̃ chixucu̱xẽgüxü̃ca̱x chauxacügürüxü̃ erü pexü̃ changechaü̃.

Ucu̱xẽgüchiga 9:9

Ngẽxguma cunangu̱xẽẽgu i ngẽma duü̃xü̃ i cua̱x nüxü̃́ ngẽxmaxü̃, rü yexeraãcü tá nüxü̃́ nangẽxma i cua̱x, rü ngẽxguma cunangu̱xẽẽgu i wüxi i duü̃xü̃ i mecümaxü̃ rü tá yexeraãcü cua̱xwa nangu.

Ngechuchuarü ngúexü̃gü ga yamugüxü̃arü puracüchiga 20:31

¡Pegüna pedaugü, rü nüxna pecua̱xãchie nax tomaepü̱x ga taunecügu rü ngunecü rü chütacü taguma íchayachaxãchixü̃ nax chaxauxãcüma pexü̃ chixucu̱xẽgüxü̃ ga wüxichigü!

Wiyaegü 19:11

Rü ngẽma curü mugü rü choxü̃ nüxü̃ nacua̱xẽxẽ naxü̃pa nax chixexü̃gu changuxü̃. Rü yíxema naga ĩnüexe i ngẽma curü mugü rü tá tanayauxgü i tümaarü ãmare.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

Ucu̱xẽgüchiga 17:10

Rü yimá naãẽxü̃ cuácü, rü nüxü̃́ name i wüxi i ucu̱xẽ. Natürü ngẽma tama naãẽxü̃ cuáxü̃, rü woo 100 i cua̱xi i nüxna ixãxgu rü nüxü̃́ nanataxuraxü̃.

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

1 Corintios 10:12

Rü ngẽmaca̱x ya yíxema tügügu rüxĩnüxe nax tamexü̃, rü name nixĩ nax mea tügüna tadauxü̃ nax tama chixexü̃gu tanguxü̃ca̱x.

Echequié 33:9

Natürü ngẽxguma chi cuma rü ngẽma duü̃xü̃ i chixexü̃arü üruxü̃maxã nüxü̃ quixuxgu nax nüxü̃ naxoxü̃ i ngẽma nacüma i nagu namaxü̃xü̃, natürü tama cuga naxĩnügu, rü nüma rü nagagutátama norü chixexü̃gu nayu. Natürü i cuma rü tá cumaxü̃ erü marü tama nicuguãchi —ñanagürü.