Echequié 3:20 - Tupanaarü Ore

²⁰ Rü ngẽxguma chi wüxi i duü̃xü̃ i noxri mea maxü̃xü̃ rü nüxü̃ naxoxgu nax mea namaxü̃xü̃ rü poxcu namaxã chaxueguxgu rü ngẽxguma cuma rü tama cunaxucu̱xẽgu rü nüma rü norü chixexü̃gu tá nayu. Rü yema mexü̃ ga noxri naxüxü̃ rü taxũtáma chope̱xewa ínanapoxü̃. Rü nüma rü norü chixexü̃gagu tá nayuama, natürü i choma rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Echequié 3:20 Referans Kwoze

Echequié 18:24

Natürü ngẽxguma chi wüxi i duü̃xü̃ i mea maxchiréxü̃ nüxü̃ rüxoxgu nax mea namaxü̃xü̃, rü naxüãxgu i guxü̃ma i chixexü̃ i tama namaxã chataãẽxü̃ ¿rü namexü̃ yixĩxü̃ nax tama napoxcuxü̃? Rü pemaxã nüxü̃ chixu rü tá napoxcu. Rü guxü̃ma ga yema mexü̃ ga noxri naxüxü̃ rü choma rü tá nüxü̃ icharüngüma. Rü nüma rü tá nayu nagagu i ngẽma norü chixexü̃gü. Rü choma ya Cori ya Tupana nixĩ i ngẽma ñachaxü̃.

Echequié 3:18

Dücax, rü ngẽxguma choma rü cumaxã nüxü̃ chixuxgu nax wüxi i duü̃xü̃ i chixexü̃gu maxü̃xü̃maxã chaxueguxü̃ i poxcu, natürü i cuma rü tama cunaxucu̱xẽgu nax nüxü̃ naxoxü̃ca̱x i nacüma i chixexü̃ nax ngẽmaãcü namaxü̃xü̃ca̱x, rü nüma rü tá nayu nagagu i norü chixexü̃. Natürü i chomax rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Popera ga Yudíugü ga yaxõgüxü̃ca̱x ümatüxü̃ 10:38

Natürü yíxema tümaarü õgagu chope̱xewa mexẽ, rü name nixĩ i guxü̃guma tayaxõõcüma cha̱u̱xca̱x tamaxü̃. Natürü ngẽxguma nüxü̃ tarüxoxgu nax tayaxõxü̃, rü choma rü taxũtáma tümamaxã chataãxẽ”, ñanagürü.

Echequié 18:26

Rü ngẽxguma wüxi i duü̃xü̃ i mea maxchiréxü̃ nüxü̃ rüxoxgu nax mea namaxü̃xü̃, rü naxüãxgu i ngẽma chixexü̃, rü tá nayu nagagu i ngẽma chixexü̃ i naxüxü̃.

Wiyaegü 125:5

Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Nüxíraxü̃xü̃ ga popera ga Pedru ümatüxü̃ 2:8

Rü Tupanaarü ore rü ñanagürü ta: “Ngẽma tama yaxõgüxü̃ rü yimá nutagu tá nayarüpucutügü”, ñanagürü. Rü ngẽmaãcü i ngẽma tama yaxõgüxü̃ rü tá napoxcue, erü tama nanayauxgü i ngẽma ore ya Ngechuchu ya Cristuchiga ixĩxü̃.

Echequié 33:18

Rü ngẽxguma yimá yatü ya mexü̃ i nacümagu maxü̃cü, rü nawena nüxü̃ naxoxgu nax ngẽma mexü̃ i nacüma naxüxü̃, rü ñu̱xũchi chixexü̃ i nacümagu namaxü̃gu, rü ngẽma chixexü̃ i nacüma i naxüxü̃gagu tá nayu.

Yeremía 6:21

Rü ngẽmaca̱x ya Cori ya Tupana rü ñanagürü: —Ngẽma duü̃xü̃gü rü guxchaxü̃ tá naxca̱x íchanguxẽxẽ. Rü ngẽma nanatügü, rü nanegü, rü ngẽma norü ngaixcamagu ãchiü̃güxü̃, rü namücügü, rü guxü̃táma wüxigu nayue —ñanagürü.

Chofonía 1:6

Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.

Echequié 33:6

Natürü ngẽma dauxü̃taeruxü̃ rü ngẽxguma chi nüxü̃ nada̱u̱xgu nax ínangugüxü̃ i ngẽma uanüarü churaragü, rü tama yacueãgu ya norü cornéta nax naxuãẽgüxü̃ca̱x i duü̃xü̃gü, rü chi ngẽmagagu ngẽma uanügü texéxü̃ yama̱xgu rü yíxema rü tümaarü pecadugügagu tá tayu, natürü choma ya Cori ya Tupana rü tá ngẽma dauxü̃taeruxü̃na chacaxü̃ naxca̱x i ngẽma duü̃xü̃arü yuchiga”.

Ichaía 64:6

Rü guxãma i toma rü cupe̱xewa duü̃xü̃gü i ixãũãchixü̃ tixĩgü. Rü woo i ngẽma taxüxü̃ i toxca̱x mexü̃, rü cupe̱xewa rü ñoma wüxi i wexa i ãũãchixü̃rüxü̃ nixĩ. Rü guxãma chixexü̃gu tayi ñoma naixatügü i pagüxü̃ irüyi̱xixü̃rüxü̃. Rü torü chixexü̃gü rü toxü̃ nigagü ñoma buanecü i ta̱xacü ngextá cuegüxü̃rüxü̃.

Ichaía 8:14

Natürü ngẽxguma taxũtáma chauga pexĩnüegu rü choma rü tá perü toxyepe̱xeruxü̃ chixĩ. Rü ngẽma Yudáanearü duü̃xü̃güca̱x rü Iraéanearü duü̃xü̃güca̱x rü ñoma wüxi i nuta i nagu ipucutügücürüxü̃ tá chixĩ. Rü wüxi i norü guxcharuxü̃ tá chixĩ i ngẽma Yerucharéü̃cüã̱xgü.

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

1 Corintios 1:23

Natürü ngẽma ore i toma nüxü̃ tixuxü̃, rü Cristu ga curuchawa ipotacüchiga nixĩ. Rü ngẽma ore rü naãxẽwa nangu̱x i ngẽma Yudíugü. Rü ngẽma duü̃xü̃gü i tama Yudíugü ixĩgüxü̃ca̱x rü wüxi i natüca̱xmamare nixĩ.

Romanos 11:9

Rü Dabí rü ta rü ñanagürü: “Ngẽma duü̃xü̃gü rü norü õnagü i taxü̃gagu rü guxchaxü̃gügu tá nayi, rü ngẽmaca̱x tá napoxcue.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Danié 9:18

Pa Chorü Tupanax ¡choxü̃ naxĩnü i ñaa chorü yumüxẽ erü curü duü̃xü̃ chixĩ! ¡Rü mea nangugü nax ñuxãcü poraãcü nachixexü̃ ya yima ĩane ya Yerucharéü̃ ya nawa cuégagu cuxna taca̱xaxü̃ne! Rü tama ta̱xacürü mexü̃ i cupe̱xewa taxüxü̃gagu nixĩ i cuxü̃ taca̱xaxü̃xü̃, natürü cuxna taca erü cuma rü cuxü̃́ tangechaxü̃tümüü̃gü woo taxü̃ ga chixexü̃ nax taxügüchiréxü̃.

Echequié 7:19

Rü ngẽma ngunexü̃ i Cori ya Tupana nagu napoxcuexü̃gu i duü̃xü̃gü rü taxuwatáma nüxü̃́ name i ngẽma norü úirugü rü norü diẽrugü. Rü ngẽma duü̃xü̃gü rü ñoma guxchirerüxü̃ ĩanearü namagügu tá tüxü̃ nawogü ya norü diẽru rü norü úirugü. Erü nataxutama i õna rü ngẽmaca̱x taxuwatáma nüxü̃́ name i ngẽma norü úirugü rü norü diẽrugü nax tümamaxã nachibüexü̃ca̱x rü norü taiya tümamaxã yañaxẽẽgüxü̃ca̱x. Rü ngẽmaãcü tá namaxã nangupetü i ngẽma duü̃xü̃gü erü ngẽma úirugagu nixĩ ga chixexü̃ naxügüxü̃.

Ucu̱xẽgüchiga 25:12

Texé ya nüxü̃ ĩnüxe i ucu̱xẽ i cua̱x tüxna ãxü̃, rü ngẽma ucu̱xẽ rü ñoma wüxi i ãnera rü wüxi i nachagü i mexẽchixü̃ i úiruwa üxü̃rüxü̃ nixĩ nax tümaca̱x namexü̃ ya yíxema nayaxúxe.

Wiyaegü 119:165

Rü yíxema curü ucu̱xẽgüga ĩnüexe rü tataãẽgü. Rü taxuxü̃táma i ta̱xacü i chixexü̃gu tüxü̃ nayixẽxẽ.

Wiyaegü 36:3

Rü ngẽma duü̃xü̃ i chixexü̃ rü ngẽxguma yadexagu rü taguma mexü̃ i orexü̃ nixu rü doraxü̃xicatama nixu. Rü wüxi i duü̃xü̃ i tama naãẽxü̃ cuáxü̃ nixĩ, rü taguma mexü̃ naxü.

Norü taxre ga to ga popera ga ãẽ̱xgacügüchiga ümatüxü̃ 25:15

Rü yemaca̱x ga Cori ya Tupana rü Amachíamaxã nanu. Rü wüxi ga Tupanaarü orearü uruü̃xü̃ naxca̱x yéma nanamu nax namaxã nüxü̃ yanaxuxü̃ca̱x, rü ñanagürü nüxü̃: —¿Tü̱xcüü̃ nüxü̃ quicua̱xüxü̃ i ngẽma Edóü̃anearü tupananetagü i tama cuxme̱xwa ínanguxü̃xẽẽxü̃ i ngẽma Edóü̃cüã̱xgü? —ñanagürü.

Norü taxre ga to ga popera ga ãẽ̱xgacügüchiga ümatüxü̃ 24:2

Rü yexguma namaxü̃gu ga chacherdóte ga Yoiadá rü guxü̃ma ga yema Yoá üxü̃ rü Cori ya Tupanape̱xewa rü name.

Lebítanüxü̃arü puracüchiga 19:17

¡Rü taxṹ i naxchi cuxaiechaxü̃ i cuenexẽ! ¡Rü naxuxcu̱xẽ i cumücü i ngẽxguma chixexü̃ naxü̱xgu rü taxṹ i norü chixexü̃gu cuxãxü̃!

Ore i mexü̃ ga Luca ümatüxü̃ 2:34

Rü yexguma ga Chimeóü̃ rü Tupanana naca nax nüxü̃ nangü̃xẽẽxü̃ca̱x ga Yúche rü María rü gumá bucü. Rü ñanagürü ngĩxü̃ ga María ga Ngechuchu naé: “Dücax, daa bucü rü tá nanamaxẽxẽxẽ i muxü̃ma i Iraétanüxü̃, natürü ngẽma nüxü̃ oexü̃ rü tá inayarütauxe. Rü nüma rü wüxi i cua̱xruxü̃ tá nixĩ, rü muxü̃ma i duü̃xü̃gü rü tá nüxü̃ naxoe.

Ore i mexü̃ ga Matéu ümatüxü̃ 18:15

Rü ngẽxguma cuenexẽ chixexü̃ cuxca̱x ínguxẽẽgu, rü name nixĩ i nüxicatama namaxã quidexa. ¡Rü naxucu̱xẽ, rü nüxna nüxü̃ nacua̱xãchixẽxẽ i ngẽma chixexü̃ i cuxca̱x ínanguxẽẽxü̃! Rü ngẽxguma cuga naxĩnügu, rü cuma rü marü wenaxarü mexü̃ca̱x cunatáeguxẽxẽ i ngẽma cuenexẽ.

Yeremía 34:16

Natürü i ñu̱xma rü marü nüxü̃ perüngümae ga yema uneta, rü penaxãũãchixẽxẽ i chauéga. Erü wena naxca̱x pedaugü i ngẽma mugüruü̃gü i yatüxü̃gü rü ngexü̃gü ga marü ípenguxü̃ẽẽchiréxü̃, rü wenaxarü pegüaxü̃́ penapuracüexẽxẽ.