Echequié 3:18 - Tupanaarü Ore

¹⁸ Dücax, rü ngẽxguma choma rü cumaxã nüxü̃ chixuxgu nax wüxi i duü̃xü̃ i chixexü̃gu maxü̃xü̃maxã chaxueguxü̃ i poxcu, natürü i cuma rü tama cunaxucu̱xẽgu nax nüxü̃ naxoxü̃ca̱x i nacüma i chixexü̃ nax ngẽmaãcü namaxü̃xü̃ca̱x, rü nüma rü tá nayu nagagu i norü chixexü̃. Natürü i chomax rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Echequié 3:18 Referans Kwoze

Echequié 33:6

Natürü ngẽma dauxü̃taeruxü̃ rü ngẽxguma chi nüxü̃ nada̱u̱xgu nax ínangugüxü̃ i ngẽma uanüarü churaragü, rü tama yacueãgu ya norü cornéta nax naxuãẽgüxü̃ca̱x i duü̃xü̃gü, rü chi ngẽmagagu ngẽma uanügü texéxü̃ yama̱xgu rü yíxema rü tümaarü pecadugügagu tá tayu, natürü choma ya Cori ya Tupana rü tá ngẽma dauxü̃taeruxü̃na chacaxü̃ naxca̱x i ngẽma duü̃xü̃arü yuchiga”.

Echequié 3:20

Rü ngẽxguma chi wüxi i duü̃xü̃ i noxri mea maxü̃xü̃ rü nüxü̃ naxoxgu nax mea namaxü̃xü̃ rü poxcu namaxã chaxueguxgu rü ngẽxguma cuma rü tama cunaxucu̱xẽgu rü nüma rü norü chixexü̃gu tá nayu. Rü yema mexü̃ ga noxri naxüxü̃ rü taxũtáma chope̱xewa ínanapoxü̃. Rü nüma rü norü chixexü̃gagu tá nayuama, natürü i choma rü tá cuxna naxca̱x chaca i ngẽma duü̃xü̃ erü tama cunaxucu̱xẽ.

Ngechuchuarü ngúexü̃gü ga yamugüxü̃arü puracüchiga 2:40

Rü yema oremaxã rü muxü̃ma ga to ga oremaxã nayaxucu̱xẽgü ga Pedru, rü ñanagürü: —¡Nüxna pixĩgachi i ngẽma duü̃xü̃gü i chixexü̃ ügüxü̃ nax pema rü tama chixexü̃ pexügüxü̃ca̱x! —ñanagürü.

Ore i mexü̃ ga Luca ümatüxü̃ 13:5

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe —ñanagürü ga Ngechuchu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:16

¡Naxuãxẽ rü mea cugüna nadau rü mea nangúexẽxẽ i ngẽma ore rü mea naxüama i ngẽma puracü ya Tupana nagu cuxü̃ muxü̃! Erü ngẽxguma mea cunaxü̱xgu i ngẽma puracü, rü tá cunayaxu i maxü̃ i taguma gúxü̃ rü ngẽma cuxü̃́ irüxĩnüexü̃ rü tá ta nanayauxgü i ngẽma maxü̃.

Ore i mexü̃ ga Cuáü̃ ümatüxü̃ 8:21

Rü Ngechuchu rü wenaxarü namaxã nüxü̃ nixu, rü ñanagürü: —Choma rü tá pexna chixũ i núma, rü pema rü tá cha̱u̱xca̱x pedaugü, natürü tá perü pecadugu peyue. Rü ngextá íchaxũxü̃wa rü taxucürüwama ngéma pengugü —ñanagürü.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Ore i mexü̃ ga Cuáü̃ ümatüxü̃ 8:24

Rü ngẽmaca̱x pemaxã nüxü̃ chixu rü tá perü pecadugu peyue. Erü ngẽxguma tama choxü̃́ peyaxõgügu nax choma chixĩxü̃ ya Cristu, rü perü pecadugu tá peyue —ñanagürü.

Echequié 34:10

Rü choma ya Cori ya Tupana rü ñachagürü pexü̃, Pa Chorü Carnérugüarü Dauruü̃güx: Choma rü pemaxã ícharüxuanü. Rü tá pexna chaca i chorü carnérugüchiga, rü tá pexna chanayaxu i ngẽma puracü nax chorü carnérugüarü dauruü̃gü pixĩgüxü̃. Rü ngẽmaãcü taxũtáma nüxna pedaugü rü taxũtáma namachimaxã pexãwemügü” —ñanagürü.

Echequié 18:4

Rü guxü̃ma i duü̃xü̃güarü maxü̃ rü cho̱xme̱xwa nangẽxma woo papagü rü woo nanegü. Rü yíxema chixexü̃ ǘxe rü tümaarü chixexü̃gagu tátama tayu.

Ucu̱xẽgüchiga 14:32

Duü̃xü̃ i chixexü̃gu maxü̃xü̃, rü norü chixexü̃gagu tá inarütaxu. Natürü duü̃xü̃ i mexü̃gu maxü̃xü̃, rü ngẽma mexü̃ i nacüma tá ínanapoxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:22

Rü ngẽxguma texéxü̃ quingucuchixẽẽchaü̃gu nax ngẽma yaxõgüxü̃arü ãẽ̱xgacü tixĩxü̃ca̱x, ¡rü taxṹ i cuñuxãẽxü̃ nax namaxã cuyumüxẽxü̃ i wüxi i duü̃xü̃ i tama nüxü̃ cucuáxü̃ i norü maxü̃! Natürü name nixĩ i noxri mea nagu curüxĩnü i ngẽma, erü ngürüãchi tá wüxi i duü̃xü̃ i pecadu üechaxü̃ quingucuchixẽxẽ, rü cugagu tá nixĩ, erü tama ícuxuãxẽ. ¡Rü mea cugüna nadau nax tama pecadugu cunguxü̃ca̱x!

Ngechuchuarü ngúexü̃gü ga yamugüxü̃arü puracüchiga 3:19

Rü ngẽmaca̱x, Pa Chauenexẽgüx, rü name nixĩ i nüxü̃ perüxoe i pecüma i chixexü̃, rü Tupanaca̱x pexĩ, rü peyaxõgü nax nüma pexü̃́ ínapiãxü̃ca̱x i perü pecadugü.

Ore i mexü̃ ga Luca ümatüxü̃ 13:3

Pemaxã nüxü̃ chixu rü tama nixĩ. Rü ngẽxguma chi pema rü tama nüxü̃ perüxoegu i pecüma i chixexü̃, rü guxãma i pema rü tá ipeyarütauxe.

Ichaía 3:11

Natürü wüxi i taxü̃ i ãũcümaxü̃chixü̃ nixĩ naxca̱x i ngẽma duü̃xü̃ i chixexü̃gu maxü̃xü̃. Rü ngẽma chixexü̃ i naxüxü̃gagu rü tá guxchaxü̃ naxca̱x ínangu. Erü Cori ya Tupana rü ngẽma chixexü̃ i naxüxü̃ca̱x tá nanapoxcu.

Norü taxre ga popera ga ãẽ̱xgacügüchiga 1:4

¡Rü ngẽxgumarüxü̃ ta rü ngẽma ãẽ̱xgacüarü orearü ngeruü̃gümaxã nüxü̃ ixu rü choma ya Cori ya Tupana rü ñachagürü nüxü̃ i Ocochía: “Cuma rü marü taxũtáma ícurüda nawa i curü pechicaxü̃ erü tá cuyu” —ñachagürü! Rü nüma ga Ería rü yéma naxũ rü yemaacü nüxü̃ nayarüxu.

Naanearü ügüchiga 2:17

Natürü ngẽma nanetü i cua̱x i mexü̃ rü cua̱x i chixexü̃ nawa ngẽxmaxü̃, rü taxũtáma cunangõ̱x i norü o. Erü ngẽxguma tá cunangõ̱xgux rü cumaxã nüxü̃ chixu rü tá cuyu —ñanagürü.

2 Chamué 4:11

Rü ñu̱xma nax pegütama pixugüxü̃ rü yexeraãcü tauxcha choxü̃́ nangẽxma nax pexü̃ chadaixü̃, erü pema rü chixexü̃arü üruxü̃ pixĩgü yerü peyama̱x ga wüxi ga yatü ga taxuxü̃ma ga chixexü̃ üxü̃ ga yexguma napatagutama nacayane. Rü ngẽmaca̱x pemaxã nüxü̃ chixu rü tá penaxütanü naxca̱x nax peyamáxü̃. Rü ñoma i naanewa tá pexü̃ chayarüxoxẽxẽ —ñanagürü.

Iraétanüxü̃arü muxchiga 26:65

Yerü Cori ya Tupana rü nanaxuegu nax guxü̃táma ga yema duü̃xü̃gü rü tá yema chianexü̃gu nayuexü̃. Rü yema Caréx ga Yeponé nane, rü Yochué ga Núü̃ nanexicatama nixĩ ga íyaxüxü̃, rü nataxuma ga wüxi ga to ga íyaxüxü̃.

Naanearü ügüchiga 42:22

Rü nüma ga Rubéü̃ rü naenexẽgüxü̃ ñanagürü: —Choma rü marü pemaxã nüxü̃ chixu nax tama chixexü̃ namaxã pexügüxü̃ca̱x ga gumá bucü, natürü tama chauga pexĩnüechaü̃. Rü ngẽma nixĩ i tórü natanü ga nax nayuxü̃ —ñanagürü.

1 Chamué 8:9

¡Ẽcü naxǘ i ngẽma naxca̱x ínacagüxü̃! ¡Natürü mea namaxã nüxü̃ ixu i ngẽma duü̃xü̃gü i ta̱xacü tá nixĩ i natanüwa naxca̱x ínacaxü̃ i ngẽma ãẽ̱xgacü i réi i namaxã icuáxü̃! —ñanagürü ga Tupana.

Echequié 33:12

Cuma, Pa Yatüx, ¡rü cutanüxü̃maxã nüxü̃ ixu i chorü ore i ñaxü̃! “Rü ngẽxguma wüxi ya yatü ya mecümacü chixexü̃ uxgu, rü yema mexü̃ ga ü̃paacü naxüxü̃ rü taxũtáma nanamaxẽxẽ. Rü ngẽxguma wüxi i duü̃xü̃ i chixexü̃arü üruxü̃ nüxü̃ rüxoxgu i ngẽma chixexü̃ i nagu namaxü̃xü̃, rü yema chixexü̃ ga ü̃paacü naxüxü̃ rü taxũtáma naxca̱x nayu. Rü ngẽxguma ngẽma duü̃xü̃ i mexü̃gu maxü̃xü̃ rü chixexü̃ naxü̱xgu, rü ngẽma nacüma ga mexü̃ ga ü̃paacü naxüxü̃ rü taxũtáma ínanapoxü̃ nax tama nayuxü̃ca̱x.