Echequié 3:17 - Tupanaarü Ore

¹⁷ —Pa Yatüx, choma rü cuxü̃ chamu nax dauxü̃taeruxü̃ quixĩxü̃ca̱x natanüwa i ngẽma Iraétanüxü̃. Rü ngẽxguma ta̱xacürü orexü̃ cumaxã chixuxgu ¡rü namaxã nüxü̃ ixu i ngẽma chorü ore nax ngẽmaãcü nüxü̃ nacua̱xgüxü̃ca̱x!

Echequié 3:17 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

Ichaía 62:6

Pa Yerucharéü̃cüã̱xgüx, choma rü perü ĩanearü poxeguxü̃tapü̱xétügu chanamugü i dauruü̃gü. Rü nümagü rü ngunecü rü chütacü tá pexü̃ ñanagürügü: —Pema ya Tupanaxü̃ icua̱xüü̃güxe, ¡rü taxṹ i perüchianegüxü̃! ¡Rü taxṹ i penangü̃xẽẽxü̃ ya Tupana ñu̱xmatáta wena naxü ya Yerucharéü̃ nax wüxi ya ĩane ya tachigane yixĩxü̃ca̱x! —ñanagürügü.

Ichaía 52:8

Rü tá nüxü̃ pexĩnüe i ngẽma Yerucharéü̃arü dauruü̃gü nax taãẽãcü aita naxüexü̃ i ngẽxguma naxetümaxã nüxü̃ nadaugügu nax Tupana rü Chióü̃ca̱x nataeguxü̃.

Norü taxre ga to ga popera ga ãẽ̱xgacügüchiga ümatüxü̃ 19:10

Rü ngẽxguma chi naigü ya ĩanegüwa ne naxĩxgu i duü̃xü̃gü nax pema nüxü̃́ penamexẽẽxü̃ca̱x i norü guxchaxü̃gü i máetachiga rüe̱xna Tupanaarü mugüchiga rüe̱xna ta̱xacürü to i mugüchiga rü penaxwa̱xe nax peyaxucu̱xẽgü nax tama Cori ya Tupanape̱xewa ta̱xacürü chixexü̃ naxügüxü̃ca̱x nax nüma ya Tupana rü tama namaxã rü pemaxã nanuxü̃ca̱x. Rü ngẽxguma ngẽmaãcü penaxügügu rü taxũtáma nipeguãchi i ngẽma chixexü̃.

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

Yeremía 6:17

Rü nüma ga Cori ya Tupana rü daxũtaeruü̃gü yexma namugü. Rü ñu̱xũchi ñanagürü nüxü̃ ga yema norü duü̃xü̃gü: —¡Ẽcü mea naxca̱x iperüxĩnüe i ngẽma ãũcümaxü̃arü cua̱xruxü̃! —ñanagürü. Natürü ga yema duü̃xü̃gü rü ñanagürügü: —Tama naga taxĩnüechaxü̃ —ñanagürügü.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

2 Corintios 5:20

Rü ngẽmaãcü Cristuarü orearü ngeruü̃gü tixĩgü, rü towa nixĩ ya Tupana pexü̃ ca̱a̱xü̃xü̃ nax namaxã iperüngüxmüexü̃ca̱x. Rü ngẽmaca̱x Cristuégagu pexü̃ taca̱a̱xü̃gü nax Tupanamaxã iperüngüxmüexü̃ca̱x.

2 Corintios 5:11

Toma rü aixcüma torü Corixü̃ tangechaxü̃ rü naga taxĩnüe. Rü ngẽmaca̱x norü orearü uwa tapuracüe rü tayaxucu̱xẽgü i duü̃xü̃gü nax yaxõgüãxü̃ca̱x. Rü nüma ya Tupana rü meama toxü̃ nacua̱x, rü chierüna pema rü ta toxü̃ pecua̱xgügux.

1 Corintios 4:14

Tama pexca̱x chanaxümatü i ngẽmachiga nax pexü̃ chaxãneexẽẽxü̃ca̱x. Natürü pexca̱x chanaxümatü nax pexü̃ chixucu̱xẽgüxü̃ca̱x chauxacügürüxü̃ erü pexü̃ changechaü̃.

Abacú 2:1

Nüma ga Abacú rü ñanagürü: —Choma rü tá íchaxuãxẽ, ñoma wüxi i dauxü̃taexü̃rüxü̃, nax ngẽmaãcü nüxü̃ chacuáxü̃ca̱x rü ta̱xacümaxã tá choxü̃ nangãxü̃ ya Tupana naxca̱x i ngẽma naxca̱x íchaca̱xaxü̃ —ñachagürü.

Ichaía 58:1

Rü Tupana rü Ichaíaxü̃ ñanagürü: —¡Tagaãcü aita naxü rü taxṹ i cumuü̃xü̃! ¡Rü nataga ñoma wüxi ya cornétarüxü̃! ¡Rü yangagü i ngẽma Acóbuarü duü̃xü̃gü i Iraétanüxü̃ nagagu i norü chixexü̃gü rü norü pecadugü!

Ichaía 56:10

Rü pemax, Pa Chorü Duü̃xü̃güna Daugüxü̃x, rü ñoma pingexetüxü̃rüxü̃ pixĩgü, rü tama pexuãẽgü. Pema rü ñoma airugü i ngeã́xü̃rüü̃mare pixĩgü rü pipeechamare rü pixãnegügüechamare. Rü perü me nixĩ nax pepeexü̃.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

Yeremía 6:10

Rü yexguma ga choma rü chanangãxü̃ rü nüxü̃ ñachagürü: —¿Rü texé tá choxü̃ taxĩnü i ngẽxguma namaxã chidexagu rü namaxã nüxü̃ chixuxgu i ngẽma curü ore? Erü nümagü, Pa Corix, rü nügü narüpoxtamachiẽ̱xgü rü ngẽmaca̱x taxucürüwa nüxü̃ naxĩnüe. Rü nüxü̃ nacugüe i ngẽma curü ore, erü tama norü me nixĩ.

Ichaía 21:6

Rü Cori ya Tupana rü ñanagürü choxü̃: —¡Ngéma naxũ rü ĩanearü poxegü̃étügu namu i wüxi i churara i daxũtaeruxü̃ nax cumaxã nüxü̃ yaxuxü̃ca̱x i guxü̃ma i ta̱xacü i nüxü̃ nadauxü̃!

Yeremía 31:6

Rü tá ínangu i ngunexü̃ i nagu aita naxüexü̃ i ngẽma dauxü̃taegüxü̃ i Efraíü̃anearü ngüchitaeruxü̃güwa dauxü̃taegüxü̃, rü ñanagürügü tá: “¡Nua pexĩ, Pa Duü̃xü̃güx, rü ngĩxã Chióü̃wa taxĩ nax Cori ya Tupanaxü̃ yarücua̱xüü̃güxü̃ca̱x!” ñanagürügü tá.

Ichaía 21:8

Rü ngẽma duü̃xü̃ i ngéma dauxü̃taexü̃ rü nica tagaãcü rü ñanagürü: —Pa Corix, guxü̃ma i ngunecü rü chütacü rü nua chauchicawa changexmaecha. Rü taguma chape rü ichadawenüẽcha.

Charumóü̃arü wiyae 5:7

Rü namagu choxü̃ nangaugü ga purichíagü ga chütacü ĩanena daugüxü̃, rü choxü̃ nacua̱i̱xgü rü choxü̃ nanapi̱xẽẽgü. Rü yema purichíagü ga nüxna daugüxü̃ ga ĩanearü ĩã̱x i taxü̃ i nawa ixücuxü̃, rü choxü̃́ ínanacawegü ga yema chorü tüeruruxü̃.

Charumóü̃arü wiyae 3:3

Rü purichíagü ga ĩanearü dauruü̃güna chaca rü ñacharügü: —¿Tama nüxü̃ pedauxü̃ ya yimá ngextü̱xücü ya choxü̃́ ngúchaü̃xü̃chicüx? —ñachagürü.

Ore i mexü̃ ga Matéu ümatüxü̃ 3:7

Natürü yexguma Cuáü̃ nüxü̃ da̱u̱xgu ga naxü̃tawa nax nangugüxü̃ ga muxü̃ma ga ãẽ̱xgacügü ga Parichéugü rü Chaduchéugü nax ínabaiü̃xẽẽãxü̃ca̱x, rü Cuáü̃ ñanagürü nüxü̃: “Pa Ãxtapearü Duü̃xü̃güx, ¿rü texé pemaxã nüxü̃ tixu nax na̱xcha̱xwa pibuxmüxü̃ i Tupanaarü poxcu i ãũcümaxü̃ i marü pexca̱x ingaicaxü̃?

Echequié 2:7

¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü.

Echequié 11:25

Rü ñu̱xũchi ga choma rü yema chautanüxü̃ ga Babiróniaanewa gaguxü̃maxã nüxü̃ chixu ga guxü̃ma ga yema Tupana choxü̃ wéxü̃.

Aguéu 1:13

Rü yexguma ga nüma ga Aguéu ga Cori ya Tupanaarü orearü uruxü̃, rü Cori ya Tupanaégagu duü̃xü̃gümaxã nidexa rü ñanagürü: —Nüma ya Cori ya Tupana rü ñanagürü pexü̃: “Choma ya Cori ya Tupana rü pexü̃tawa changexma” —ñanagürü.

Yeremía 1:7

Natürü nüma ga Cori ya Tupana rü choxü̃ ñanagürü: —¡Taxṹ i nüxü̃ quixuxü̃ nax cungextü̱xüxü̃! Rü chanaxwa̱xe i cuxü̃ íchamuxü̃wa nax cuxũxü̃. Rü tá nüxü̃ quixu i ngẽma choma cuxü̃ chamuxü̃ nax nüxü̃ quixuxü̃.