Echequié 3:15 - Tupanaarü Ore

¹⁵ Rü yexguma ga choma rü Téx-abíxwa changu ga natü ga Quebáxpechinüwa ga Iraétanüxü̃ íyexmagüxü̃wa. Rü 7 ga ngunexü̃ yéma natanüwa chayexma. Rü tama nüxü̃ chacua̱xéga nax ta̱xacü tá chaxüxü̃, rü ta̱xacüxü̃ tá chixuxü̃.

Echequié 3:15 Referans Kwoze

Wiyaegü 137:1

Rü yexguma Babiróniaanearü natücutügüwa tarütogügu rü taxauxe yerü nüxna tacua̱xãchi ga Chióü̃.

Yox 2:13

Rü yemawena rü Yoxmaxã mairaxü̃anewa narütogü. Rü 7 ga ngunexü̃ rü 7 ga chütaxü̃ yéma nayexmagü rü taxuxü̃ma ga dexa nanaxuxuchigü, yerü nüxü̃ nadaugü ga Yox ga taxü̃ ga ngúxü̃ nax yangexü̃.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Naanearü ügüchiga 50:10

Rü yexguma yema nachica ga Goréü̃-a-atáxwa nangugügu ga natü ga Yudáü̃arü éstewa, rü wüxi ga ngechaü̃arü ngutaque̱xe yéma naxügü. Rü yéma ga Yúche rü 7 ga ngunexü̃ nanatüca̱x nangechaü̃.

Abacú 3:16

Rü yexguma nüxü̃ chaxĩnügu ga yema ãũcümaxü̃ i tá cuxüxü̃ rü chamuü̃, rü poraãcü chidu̱xruchicüra. Rü taxucürüwa ichachi rü guxü̃ma i chauxune rü ínayaturaãchi. Natürü woo ngẽmaãcü nax yixĩxü̃ rü mea tá íchananguxẽxẽ i ngẽma ngunexü̃ ya Tupana tá nagu guxchaxü̃ naxca̱x íngu̱xẽẽxü̃ i ngẽma churaragü i chixexü̃ tamaxã ügüxü̃.

Echequié 10:15

Rü yematama querubíü̃gü nixĩ ga choma natü ga Quebáxpechinüwa nüxü̃ chadauxü̃.

Yeremía 23:9

Cori ya Tupana chomaxã nüxü̃ nixu i wüxi i ore i pechiga Pa Orearü Uruxü̃günetax. Rü ngẽmaca̱x i choma i Yeremía rü poraãcü choxü̃́ nangu̱x rü nidu̱xru i chauxune, rü ñoma wüxi i duü̃xü̃ i bínumaxã ngãxü̃xü̃rüxü̃ chixĩ nape̱xewa ya Cori ya Tupana rü norü ore i üünexü̃.

Echequié 3:23

Rü ichachi ga choma rü ínadoxonexü̃wa chaxũ. Rü yéma nüxü̃ chadau ga Cori ya Tupanaarü üüne, yema natü ga Quebáxpechinüwa nüxü̃ chada̱u̱xgurüxü̃. Rü chacaxã́püxü rü chanangücuchi ñu̱xmata waixü̃müanewa yaxũ ga chaucatü.

Echequié 43:3

Rü ngẽma nüxü̃ chadauxü̃ rü nananaraxü̃ ga yema nüxü̃ chadauxü̃ ga yexguma Cori ya Tupana ñoma ga naanewa ũxgu nax Yerucharéü̃ca̱x poxcu ínangu̱xuxẽẽxü̃ca̱x. Rü nananaraxü̃ ga yema nüxü̃ chadauxü̃ ga yexguma yema natü ga Quebáxanacüwa chango̱xetügu. Rü yexguma yemaxü̃ chada̱u̱xgu rü choma rü waixü̃müanegu chayangücuchi.