Echequié 3:10 - Tupanaarü Ore

¹⁰ Yemawena rü ñanagürü choxü̃: —¡Mea irüxĩnü i guxü̃ma i ngẽma cumaxã tá nüxü̃ chixuxü̃, rü ñu̱xũchi cugüãẽgu namaxã nanguxü̃!

Echequié 3:10 Referans Kwoze

Wiyaegü 119:11

Rü chauãẽgu namaxã changuxü̃ i curü ore nax tama cupe̱xewa chixexü̃ chaxüxü̃ca̱x.

Yox 22:22

¡Rü irüxĩnü i norü ucu̱xẽ rü cuãẽgu namaxã nanguxü̃ i norü ore!

1 Tesalonicenses 4:1

Ñu̱xma Pa Chauenexẽgüx, rü tórü Cori ya Ngechuchuégagu pexü̃ taca̱xaxü̃ rü pexü̃ tamu nax yema pexü̃ tangúexẽẽxü̃rüxü̃ wüxichigü i ngunexü̃gu yexeraãcü Tupanaca̱x mea pemaxẽxü̃ nax ngẽmaãcü penataãẽxẽẽxü̃ca̱x ngẽma marü pexüxü̃rüxü̃.

1 Tesalonicenses 2:13

Rü ngẽmaca̱x guxü̃guma Tupanana moxẽ taxã, yerü yexguma noxri nüxü̃ pexĩnüegu ga yema norü ore ga pemaxã nüxü̃ tixuxü̃, rü mea penayauxgü, yerü nüxü̃ pecua̱xgü rü aixcüma Tupanaarü ore nixĩ rü tama duü̃xü̃güarü oremare nixĩ. Rü yema Tupanaarü ore nixĩ ga naxüchicüüxü̃ ga perü maxü̃ i pema nax peyaxõgüxü̃.

Ore i mexü̃ ga Luca ümatüxü̃ 8:15

Natürü gumá triguchire ga mexü̃ ga waixü̃mügu yixü̃ne, rü ngẽma nixĩ i duü̃xü̃gü i aixcüma taãẽãcü nayauxgüxü̃ i Tupanaarü ore, rü naga ĩnüexü̃, rü mea naxca̱x maxẽxü̃. Rü ngẽma nixĩ i duü̃xü̃gü i aixcüma Tupanawe rüxĩxü̃ rü naxügüxü̃ i ngẽma nüma nanaxwa̱xexü̃.

Echequié 2:8

¡Mea irüxĩnü i ngẽma cumaxã nüxü̃ chixuxü̃! ¡Rü taxṹ i nümagürüxü̃ tama icurüxĩnüchaü̃xü̃! ¡Rü icho, rü nangõ̱x i ngẽma tá cuxna chaxãxü̃! —ñanagürü choxü̃.

Ucu̱xẽgüchiga 19:20

Ngẽxguma texé cuxü̃ ucu̱xẽgu, rü ¡naga naxĩnü rü nayaxu i ngẽma ucu̱xẽ! Rü ngẽxguma i cumax rü wüxi i duü̃xü̃ i cua̱x cuxü̃́ ngẽxmaxe tá quixĩ.

Ucu̱xẽgüchiga 8:10

Diẽruarü yexera rü úiru i mexẽchixü̃arü yexera nixĩ i namexü̃ nax cunayaxuxü̃ i ucu̱xẽgü rü cua̱x —ñanagürü.

Echequié 2:7

¡Rü cumax rü namaxã nüxü̃ ixuama i ngẽma chorü ore rü woo tama cuxü̃́ inaxĩnüegu! Erü nüma rü tama irüxĩnüechaü̃xü̃ nixĩgü.

Echequié 3:9

Rü aixcüma tá cuxü̃ chaporaxẽxẽxü̃chi nax ñoma diamánterüxü̃ rü ñoma nuta i taixü̃rüxü̃ cutaixü̃ca̱x nape̱xewa i ngẽma duü̃xü̃gü. ¡Rü taxṹ i nüxü̃ cumuü̃xü̃! ¡Rü taxṹ i nachametügümaxã cubaixãchixü̃ i ngẽxguma yexera chomaxã nanuegu! —ñanagürü choxü̃.

Echequié 3:11

¡Rü natanüwa naxũ i ngẽma cutanüxü̃ i ínamugüãxü̃wa ngẽxmagüxü̃ rü namaxã nüxü̃ yarüxu i ngẽma ore i cumaxã nüxü̃ chixuxü̃! Rü ngẽxguma cuga naxĩnüegu rüe̱xna tama cuga naxĩnüegu, rü ñacurügü tá nüxü̃: “Cori ya Tupana ya Guxãétüwa Ngẽxmacü nixĩ i ngẽma ñacü pexü̃” —ñanagürü.

Wiyaegü 85:9

Rü aixcüma nixĩ ya Tupana i tüxna nangaicamaxü̃ nax tüxü̃ nangü̃xẽẽxü̃ca̱x ya yíxema naga ĩnüexe. Rü ngẽmaãcü i ngẽma norü üüne rü torü naanewa tá nangẽxma.